Ésaïe 5:28 - Mbeti ti Nzapa - Tënë so amu fini

²⁸ Ala leke yanga ti ale ti kokora ti ala aza, ala gboto ya ti kamba ti kokora ti ala. Asokoto ti gere ti ambarata ti ala akpengba tongana têne, gere ti apusu ti ambarata ti ala ayeke turne wirrr tongana ngangu pupu.

Ésaïe 5:28 ပူးပေါင်းရင်းမြစ်များ

Abia (Psaumes) 120:4

– Ye so KOTA GBIA ayeke bi ande na ndö ti ala ayeke ale ti kokora so yanga ni aza mingi si ale ti wâ ayeke daa.

Abia (Psaumes) 45:5

Ti fa nengo ti mo ti gbia, mo ko na ndö ti mbarata, mo gue, mo tiri bira ndali ti taa-tënë, ndali ti fango ngbanga ti mbirimbiri. Na lege ti ngangu ti maboko ti mo, mo sara aye ti ziango mbeto na be ti azo!

Ésaïe 13:18

Ala yeke fâ amaseka na kokora ti ala, akete molenge so a du ala fini ni, azo ni ayeke zia ala pepe; mawa ti amolenge ayeke sara ala pepe.”

Ésaïe 21:1

Nengo tënë na ndö ti benyama so ayeke nduru na kota ngu-ingo. Tongana ti so kota pupu afâ ya ti sese ti mbage ti Mbongo, wato alondo na benyama si ayeke ga, lo londo na kodro so ayeke zia mbeto na be ti azo.

Ésaïe 66:15

Biani, KOTA GBIA ayeke ga na ya ti wâ, apusu ti mbarata ti lo ayeke tongana kota pupu. Lo yeke ga ti fa sioni ngonzo ti lo, ti suku na azo na lege ti menga ti wâ.

Jérémie 4:13

“Baa, awato laa ayeke ga so! Ala yeke tongana mbinda! Apusu ti ambarata ti ala ayeke tongana ngangu pupu; ambarata ti ala akpe ahon *ngoalo. So mawa na e: ti e ahunzi awe!”

Jérémie 47:3

Ala ma toto ti gere ti ambarata so ado sese ngangu; ala ma toto ti apusu ti mbarata na toto ti gere ti apusu ni. Tongaso be ti ababâ awoko kue, be ti ala agirisa na amolenge ti ala,

Jérémie 5:16

Bozo ti kokora ti ala ayeke tongana du ti kuâ so yanga ni azi kota. Azo ni kue ayeke angangu zo ti bira.

Ezekiel 26:11

Ambarata ti lo ayeke do alege ti mo kue na sokoto ti ala. Lo yeke fâ azo ti mo na yongoro zeme si lo yeke tuku na sese angbongboro têne so mo leke si aluti na nduzu so.

Ezekiel 38:9

Mo na aturugu ti mo kue nga na gba ti amara so ayeke na tere ti mo, ala yeke ga ti tiri bira na azo ni; ala yeke ti na ndö ti azo ni tongana kota pupu; ala yeke kanga ndö ti kodro ti ala tongana gba ti mbinda.

Daniel 11:40

‘Na lango ti ndani, gbia ti Mbongo ayeke kiri ti sara bira na lo. Me gbia ti Banga ayeke mu pusu ti bira, na azo ti kpengo na mbarata na amangboko mingi si lo yeke ga na ndö ti lo tongana kota pupu. Lo yeke li na ya ti akodro nde nde; lo yeke li na ya ti mbeni kodro tongana ngu so asuku si amu ndo kue.

Mishe 4:13

“Ala azo ti Jérusalem, ala londo, ala gue, apika ale ti kobe ni! Fade mbi yeke sara titene ala ga ngangu tongana bagara so adidi ti lo ayeke na wen si asokoto ti gere ti lo ayeke na bengba wen. Fade ala yeke nika amara gbani gbani; aye so ala gbu na peko ti bira, ala zia ni nde ndali ti mbi, KOTA GBIA; amosoro ti azo ni, ala zia ni nde ndali ti mbi, Kota Gbia ti sese kue.”

Nahum 3:2

Kâ, gi toto ti fimbo, fia, fia, fia! Toto ti apusu ti mbarata, gada, gada, gada! Gere ti ambarata, kpakata, kpakata, kpakata! Apusu ti bira akpe fiuuu!

Awafango-ngbanga 5:22

Tongaso, asokoto ti ambarata apika sese, ala yeke kpe loro kpakata, kpakata, kpakata!