Ésaïe 5:27 - Mbeti ti Nzapa - Tënë so amu fini

²⁷ Mbeni zo na popo ti ala awoko pepe, mbeni zo apika gere ti lo pepe titene lo ti, lango asara mbeni zo oko pepe, zo oko alango nga pepe, kamba ti ndö ti bongo ti mbeni zo oko azi pepe si kamba ti poro ti mbeni zo oko afâ nga pepe.

Ésaïe 5:27 ပူးပေါင်းရင်းမြစ်များ

1 Agbia 2:5

David akiri atene na Salomon: “Sioni so kue Yoab, so iri ti mama ti lo ayeke Seruya, asara na mbi, mo hinga ni kue. Lo laa lo fâ amakonzi use ti aturugu ti Israel, Abner, molenge ti Ner na Amasa, molenge ti Yeter. Na fango azo ni, Yoab atuku mene ti azo na ngoi so kodro ayeke na siriri. Tongaso abongo ti lo kue gi na mene si tënë ni ayeke na li ti lo wani.

Mbeti ti Job 12:18

Lo yeke zi bongo ti gbia na tere ti agbia si lo yeke kanga bongo ti ngbaa na ngbonda ti ala.

Mbeti ti Job 12:21

Lo yeke bi buba na tere ti akota zo; lo yeke zi ngangu ti azo ti sarango ngangu na amba ti ala.

Abia (Psaumes) 18:32

Zo wa laa ayeke Nzapa, zo wa? Gi KOTA GBIA oko! Zo wa laa ayeke kota têne so e luti na ndö ni ti bata tere ti e, zo wa? Gi Nzapa ti e oko!

Abia (Psaumes) 93:1

*KOTA GBIA ayeke gbia, lo yu gonda tongana bongo, lo kanga ngangu na tere ti lo tongana kamba ti ndö ti bongo. Biani, sese aluti ngangu, ye ayeke yingi ni pepe.

Amato 3:23

Tongaso, mo yeke tambula, mbeni ye ti sara mo ayeke daa pepe; mbeni ye ti gbu gere ti mo titene mo ti ayeke daa pepe.

Ésaïe 11:5

Fade sarango ye ti mbirimbiri ayeke duti tongana kamba ti ndö ti bongo ti lo, sarango ye lakue na legeni ayeke duti tongana kamba so lo kanga na ngbonda ti lo.

Ésaïe 45:1

Tënë so *KOTA GBIA atene na Sirus, gbia so lo soro lo ayeke so: “Mbi gbu mo na maboko ti mo ti koli ti kinda amara nde na gbe ti mo, ti zi na maboko ti agbia komandema ti ala, ti zi ayanga ti gbagba ti agbata so akanga kangango na dawa ti mo.

Ésaïe 45:5

Mbi laa mbi yeke KOTA GBIA, mbeni nde ayeke daa pepe. Mbeni Nzapa nde ayeke pepe, gi mbi oko. Ataa so mo hinga mbi pepe, mbi leke mo ndali ti bira.

Daniel 5:6

le ti lo aga nde si li ti lo kue akpe; ya ti agere ti lo kue akanga si alikunu ti lo ayeke pika tere.

Matthieu 3:4

Jean ayu bongo so a sara ni na kua ti tere ti *zambala, lo kanga kamba ti poro ti nyama na ya ti lo, kobe ti lo ti tengo ni ayeke angadi na mafuta ti awotoro ti ngonda.

Ndia ti fani use ni 32:25

Na ndö ti alege, amolenge ti ala ayeke kui kuâ ti yongoro zeme, na ya ti da, azo ayeke kui na mbeto. Azo kue ayeke kui, ataa amaseka-koli na amaseka-wali, ataa amolenge so angba ti nyon me na ambakoro.’