Ésaïe 5:25 - Mbeti ti Nzapa - Tënë so amu fini

²⁵ Ndani laa ngonzo ti *KOTA GBIA alondo tongana wâ na tere ti azo ti lo. Lo yo maboko ti lo na nduzu ti pika ala. Ahoto ayingi, kuâ ti azo ni alango na ndö ti lege tongana zende. Ataa so kue, ngonzo ti KOTA GBIA akai pepe, maboko ti lo angba gi na nduzu.

Ésaïe 5:25 ပူးပေါင်းရင်းမြစ်များ

1 Agbia 14:11

Azo ti sewa ti mo so kue ayeke kui na ya ti gbata, fade ambo ayeke te kuâ ti ala. Ala so ayeke kui na ya ti ngonda, fade andeke ti nduzu ayeke te kuâ ti ala.’ So tënë ti yanga ti KOTA GBIA laa.”

1 Agbia 16:4

Zo ti sewa ti Basha so kue ayeke kui na ya ti gbata, fade ambo ayeke te kuâ ti lo. Zo so ayeke kui na ya ti ngonda, fade andeke ti nduzu ayeke te kuâ ti lo.”

1 Agbia 21:24

Ti gbia Akab, zo ti sewa ti lo so kue ayeke kui na ya ti gbata ni, ambo ayeke te kuâ ti lo. Zo ti sewa ti lo so kue ayeke kui na ya ti ngonda, andeke ti nduzu ayeke te kuâ ti lo.”

2 Agbia 13:3

Nilaa ngonzo ti KOTA GBIA alondo na tere ti azo ti Israel tongana wâ. Na ngoi kue, lo yeke zia ala na maboko ti Hazael, gbia ti Sirii nga na maboko ti Ben-Hadad, molenge ti Hazael.

2 Agbia 9:37

Fade kuâ ti Yezabel ayeke lango na ndö ti sese si aga tongana puru na ya ti yaka so. Zo so abaa kuâ ni, lo lingbi ti tene pepe: So Yezabel laa.’ ”

2 Mbai 36:16

Me azo ti Juda ahe awatokua ti Nzapa, ala baa atënë ti Nzapa tongana buba ye, ala he awayanga-Nzapa na ngia ngbii ngonzo ti KOTA GBIA ti wâ alondo na tere ti azo ti lo, ngonzo so ala lingbi ti sigigi na ya ni pepe.

Mbeti ti Job 9:13

Tongana Nzapa asara ngonzo, ngonzo ti lo ayeke kai pepe. Asioni nyama ti ngu, aye so amu peko ti Rahab ati na gbe ti Nzapa.

Abia (Psaumes) 106:40

Ngonzo ti KOTA GBIA alondo tongana wâ na tere ti azo ti lo, azo so aga ye ti lo so, ala ga sioni mingi na le ti lo.

Abia (Psaumes) 114:7

Mo sese, do na gbe ti Kota Gbia, do na gbe ti Nzapa ti Jacob.

Abia (Psaumes) 18:7

Na ya ti ye ti ngangu so asi na mbi, mbi iri KOTA GBIA titene lo mu na mbi maboko, mbi dekongo na Nzapa ti mbi. Kâ na ya ti kota da ti lo, lo ma go ti mbi; so mbi dekongo na lo, dekongo ni asi na mê ti lo.

Abia (Psaumes) 68:8

Nzapa, lani mo hon na dawa ti azo ti mo, lani mo tambula ti gue na benyama. Luti kete

Abia (Psaumes) 77:18

Mbinda atuku gba ti ngu. Na le ti nduzu, bekpa atoto si ale ti kokora ti mo ahon na ndo kue.

Abia (Psaumes) 78:38

Me lo, lo yeke baa mawa ti zo, lo yeke zi sioni na li ti ala, lo yeke fâ ala pepe. Fani mingi, lo kanga lege na ngonzo ti lo, lo sara si sioni ngonzo ti lo alondo pepe.

Abia (Psaumes) 83:10

Sara na ala tongana ti so mo sara na Madian, tongana ti so mo sara na Sisra nga na Yabin na yanga ti ngu ti Kishon.

Sigingo 7:19

KOTA GBIA akiri atene na Moïse: “Tene na Aaron, mo tene: Mu keke ti mo, yoro maboko ti mo na ndö ti angu ti Ezipte, na ndö ti abale, na ndö ti angu so ayeke sua na ya ti adu, na ndö ti angu ti *alende, na ando so kue ngu ayeke daa. Fade angu ni ayeke ga mene. Tongaso fade mene ayeke mu ya ti kodro ti Ezipte kue, ya ti asembe so a sara na keke nga na asembe so a sara na têne.”

Ésaïe 10:4

Mbeni ye ti ala ti sarango ni ayeke daa pepe, gi titene ala ba tere ti ala na popo ti azo ti kanga, wala ala ti na sese na popo ti akuâ. Ataa so kue, ngonzo ti *KOTA GBIA akai pepe, maboko ti lo angba gi na nduzu.

Ésaïe 10:6

Mbi tokua lo na tere ti amara so ake mbi, mbi tokua lo ti gue hio na tere ti azo so asara si ngonzo ti mbi alondo. Mbi tokua lo ti nzi ye ti azo ni, ti gbu aye ti ala tongana ti so a yeke gbu ye na peko ti bira, ti do ala na gbe ti gere tongana ti so zo ayeke do ya ti potopoto na ndö ti lege.

Ésaïe 14:19

Me ti mo, a bi mo na gigi yongoro na du ti kuâ ti mo tongana molenge so a du lo na kuâ ni si azo abaa lo tongana fungo ye. Mo yeke tongana kuâ so azo ado na gbe ti gere ti ala; mo yeke na popo ti azo so a fâ ala, azo so a kpo ala na yongoro zeme si a bi ala na ndö ti têne so ayeke na ngbonda ti du kâ.

Ésaïe 23:11

KOTA GBIA asuku ngangu na kota ngu-ingo; lo sara si akodro ti agbia ayingi, lo mu yanga si a kungbi agbagba ti bira ti Kanaan.

Ésaïe 25:11

Kâ, Moab ayeke yoro maboko ti lo tongana ti zo ti tingo ngu. Ataa lo sara ngangu tongana nyen, KOTA GBIA ayeke sara si baba ti lo akiri na gbeni.

Ésaïe 29:2

me mbi KOTA GBIA, mbi yeke nika mo, Ariel. Fade demango tere na dema ayeke hon ndö ti mo si mo yeke ga tongana duke, ndo so a yeke gbi asandaga daa ndali ti mbi.

Ésaïe 42:25

Ndani laa KOTA GBIA atuku na ndö ti Israel ngonzo ti lo ti wâ nga na sioni ye ti bira. Bira ni abi wâ na tere ti ala mbage na mbage kue, me Israel ahinga ye oko daa pepe. Wâ ni agbi azo ni, me tënë ni agbu be ti ala pepe.

Ésaïe 51:20

Amolenge ti mo alango na sese na ndö ti alege kue. Ala yeke tongana atagba so ati na ya ti gbanda, ala ngba na ya ni, me ala lingbi ti sara ye oko pepe; ala yeke na gbe ti ngonzo ti KOTA GBIA, Nzapa ti mo abe le na ala.

Ésaïe 64:3

Mara ti ye so mo sara ndali ti azo so azia be ti ala na ndö ti mo, mbeni nzapa nde asara ni laoko pepe, me gi mo oko. Zo oko ama tënë ni laoko pepe, zo oko ahinga tënë ni laoko pepe, zo oko abaa ni laoko pepe.

Ésaïe 66:15

Biani, KOTA GBIA ayeke ga na ya ti wâ, apusu ti mbarata ti lo ayeke tongana kota pupu. Lo yeke ga ti fa sioni ngonzo ti lo, ti suku na azo na lege ti menga ti wâ.

Ésaïe 66:24

Na sigingo ti ala, fade ala lingbi ti baa kuâ ti azo so atomboka na tere ti mbi. Angusu so ayeke te ala ayeke kui pepe; wâ so ayeke gbi ala ayeke mingo pepe. Ala yeke ga ye so ayeke sioni mingi ndali ti azo kue.

Ésaïe 9:11

Azo ti Sirii na mbage ti To, azo ti Filistii na mbage ti Do. Ala te azo ti Israel tengo. Ataa so kue, ngonzo ti KOTA GBIA akai pepe, maboko ti lo angba gi na nduzu.

Ésaïe 9:16

Ndani laa KOTA GBIA ayeke baa mawa ti amaseka ti azo ni so pepe; anyindu ti ala nga na awali-mua ti ala, lo yeke baa mawa ti ala pepe. Biani, ala kue ake Nzapa, ala yeke azo ti sarango sioni; atënë ti yanga ti ala kue gi buba tënë. Ataa so kue, ngonzo ti KOTA GBIA akai pepe, maboko ti lo angba gi na nduzu.

Ésaïe 9:17

Biani, sioni ti azo ni ayeke gbi ye tongana wâ so ayeke gbi aki na akamba ti ki. Wâ ni ati na ya ti gbako si ngbongboro guru ayeke londo ti gue na nduzu.

Ésaïe 9:20

Azo ti mara ti Manase ayeke te azo ti mara ti Efraim, azo ti mara ti Efraim ayeke te azo ti mara ti Manase. Amara use so kue abongbi ti ga na tere ti azo ti mara ti Juda. Ataa so kue, ngonzo ti KOTA GBIA akai pepe, maboko ti lo angba gi na nduzu.

Jérémie 15:3

“So tënë ti yanga ti KOTA GBIA laa: Fade mbi yeke tokua asioni ye osio na ndö ti azo ni: yongoro zeme ti fâ ala kue, ambo ti gboto ala ti hon na ala, andeke ti nduzu na anyama ti sese ti suru ya ti ala, ti te ala kue.

Jérémie 16:4

Fade ngangu kobela ayeke fâ ala; zo ayeke toto kuâ ti ala pepe, zo ayeke lu nga kuâ ti ala pepe. Me ala yeke ga tongana puru na ndö ti sese. Fade bira na nzara ayeke fâ ala si kuâ ti ala ayeke ga kobe ti andeke ti nduzu na ti anyama ti sese.”

Jérémie 17:4

Kodro so lani mbi mu na mo si aga ye ti mo, fade mo yeke do ni ti zia. Mbi yeke sara si mo ga ngbaa ti awato ti mo na ya ti mbeni kodro so mo hinga ni pepe. Biani, mo sara si wâ ti ngonzo ti mbi alondo; wâ ni ayeke gbi kpu na kpu.”

Jérémie 4:24

Mbi baa ahoto: ala yeke yingi si akete hoto kue ayeke do.

Jérémie 4:8

Ayeke nzoni ala yu bongo ti mua, ala toto, ala dema tere, ngbanga ti so ngonzo ti *KOTA GBIA so alondo na tere ti e tongana wâ so, ade ti de pepe.

Jérémie 6:12

Fade ada ti ala ayeke ga ti ambeni zo nde; ayaka ti ala na awali ti ala ayeke ga ti ambeni zo nde; so tënë ti yanga ti KOTA GBIA laa. Biani, fade mbi yeke yoro maboko ti mbi ti pika azo ti kodro ni,

Jérémie 8:2

A yeke gbara abio ni na gbe ti lâ, na gbe ti nze nga na gbe ti gba ti atongoro. Aye le ti nduzu ni so, azo aye ala ando mingi; azo ni ayeke sara kua na ala, ala mu tere ti ala na ala, ala yeke kpe na peko ti ala; ala yeke voro ala. Abio ni so, a yeke ro ni pepe; a yeke lu nga ni pepe. Fade alango na ndö ti sese ti ga tongana puru na ndö ti sese.

Jérémie 9:22

Tënë so KOTA GBIA atene ayeke so: “Ayeke nzoni zo ti ndara agonda tere ti lo pepe ndali ti ndara so lo yeke na ni! Ayeke nzoni zo ti ngangu agonda tere ti lo pepe ndali ti ngangu so lo yeke na ni! Ayeke nzoni zo ti mosoro agonda tere ti lo pepe ndali ti mosoro so lo yeke na ni!

Abia ti demango tere 5:22

Mo zia e biani biani awe? Mo yeke ngba ande ti sara ngonzo na e ahon ndoni tongaso?

Ezekiel 15:6

“Ndani laa, tënë so mbi Kota Gbia NZAPA, mbi tene ayeke so: Azo aye ti bi keke ti vinye na wâ ahon ti bi akeke ti gbako. Legeoko nga, fade mbi yeke bi azo ti Jérusalem tongaso.

Ezekiel 30:25

Biani, mbi yeke sara si maboko ti gbia ti Babilone awara ngangu, me maboko ti Faraon ayeke woko wokongo. Mbi yeke zia yongoro zeme ti mbi na maboko ti gbia ti Babilone si lo yeke yoro ni na tere ti Ezipte; tongaso, fade azo ayeke hinga atene, mbi laa mbi yeke KOTA GBIA.

Ezekiel 6:14

Mbi yeke yoro maboko ti mbi ti pika ala. Kodro so kue ala yeke lango daa, ti londo na benyama na mbage ti Mbongo ngbii asi na gbata ti Ribla na mbage ti Banga, mbi yeke hunzi azo ti ya ti agbata ni kue si agbata ni ayeke ga ngonda. Tongaso si ala hinga atene, mbi yeke KOTA GBIA.”

Daniel 9:16

Kota Gbia, mo sara ando aye ti mbirimbiri mingi. Tongaso, ayeke nzoni sioni ngonzo ti mo ahon yongoro na tere ti Jérusalem, gbata ti mo na hoto ti mo so ayeke nde si ayeke nzoni kue so. Ndali ti siokpari ti e na ti akotara ti e, amara so kue angoro e ayeke zonga Jérusalem na azo ti mo.

Osée 14:4

Asirii alingbi ti soo e na kuâ pepe. Fade e yeke kiri ti ko na ndö ti mbarata ti bira pepe; ayanda so e sara na maboko ti e so, e yeke kiri ti iri ala ‘Nzapa ti e’ pepe. Gi mo Nzapa oko laa, mo yeke baa mawa ti nyindu.”

Amos 8:8

Ndani laa, fade sese ayeke yingi si azo ti kodro ni kue ayeke duti na vundu. Fade sese ni kue ayeke londo na nduzu, na pekoni, ayeke kiri na gbeni tongana kota ngu ti Ezipte so asuku si akiri na gbeni.

Mishe 1:4

Ahoto aga tongana potopoto na gbe ti gere ti lo, apopo-hoto ayeke suru si aga tongana puru ti wotoro na le ti wâ, wala tongana ngu so atuku na ndö ti hoto si ayeke zu na gbeni.

Nahum 1:5

Akota hoto ayeke yingi na dawa ti lo si akete hoto aga tongana ngu. Na dawa ti lo, sese ayingi si dunia na azo ni kue ado.

Habakuk 3:10

Akota hoto abaa mo, ala yeke do na mbeto; kota ngu-Nzapa apika, amu ndo kue; kota ngu-ingo atoto, lo tuku *amapo ti lo kâ na nduzu.

Sofonii 1:17

“Fade mbi yeke sara titene ye ti ngangu aga na ndö ti azo, ala yeke tatara ndo tongana awaziba, ngbanga ti so ala sara siokpari ti ke mbi KOTA GBIA. Fade a yeke tuku mene ti ala tongana fuku ti sese, a yeke tuku kuâ ti ala tongana zende.”

Ndia ti fani use ni 31:17

Ndani laa, fade ngonzo ti mbi ayeke londo na tere ti ala tongana wâ na lango ni so. Mbi yeke zia ala, mbi yeke honde le ti mbi na ala. Tongaso, fade amara nde ayeke te ala kue, akpale mingi na aye ti ngangu mingi ayeke si na ala, azo ti Israel si ala yeke tene: ‘Akpale so kue asi na e, ngbanga ti so Nzapa ti e ayeke na popo ti e mbeni pepe!’

Ndia ti fani use ni 31:18

Me ti mbi, na lango ni so, mbi yeke ngba ti honde le ti mbi na ala ndali ti asioni ye so kue ala yeke sara ande na mungo peko ti anzapa nde.

1 Tesalonike 2:16

Ala yeke kanga lege na e ti fa tënë ti Nzapa na azo ti amara nde, tënë so alingbi ti soo ala na kuâ. Tongaso, azuife ayeke sara si siokpari ti ala akiri ahon ndoni. Me na ndani, Nzapa asara ngonzo na tere ti ala.

Aye so Nzapa afa 20:11

Na pekoni, mbi kiri mbi baa mbeni kota vuru mbata ti gbia. Mbi baa nga lo so ayeke duti na ndö ni so. Sese na yayu alondo na dawa ti lo, akpe ahon, a kiri a baa ala mbeni pepe.