Ésaïe 5:22 - Mbeti ti Nzapa - Tënë so amu fini

²² Mawa na ala, azo so amu ngangu ti ala kue gi ti nyongo samba, ala so akpengba gi ti bongbi mara ti asamba nde nde ti nyon!

Ésaïe 5:22 ပူးပေါင်းရင်းမြစ်များ

1 Agbia 20:16

Na bekombite, aturugu ni alondo na bira. Na ndembe ni so, Ben-Hadad angba ti nyon samba ahon ndoni na ya ti ada ti bongo, lo na agbia baleota na use, ala so aga ti mu maboko na lo.

Sigingo 23:8

Tongana mbeni zo aye ti pete goro na ala, ala yeda na ni pepe, ngbanga ti so goro ayeke vuko le ti zo, ataa zo so le ti lo azi; asara si fango ngbanga ague kirikiri.

Amato 20:1

Vin asara si zo aga zo ti hengo ndo; samba ayeke pusu zo ti sara wusuwusu. Zo so samba ayeke sara lo, lo lingbi ti ga zo ti ndara pepe.

Amato 23:29

Zo wa laa pasi ahon ndö ti lo, zo wa? Zo wa laa gingo be ahon ndö ti lo, zo wa? Zo wa laa ayeke papa ka mingi na azo, zo wa? Zo wa laa demango tere ahon ndö ti lo, zo wa? Zo wa laa ayeke wara aka na tere ti lo senge senge, zo wa? Zo wa laa ayeke baa ndo use use, zo wa?

Amato 31:4

Lemuel, nyongo vin alingbi na agbia pepe; nyongo angangu samba alingbi na amakonzi pepe.

Amato 31:5

Tongana ala nyon samba ahon ndö ti ala, fade ala yeke girisa tënë ti ndia si ala yeke fâ ngbanga ti asenge zo na legeni pepe.

Ésaïe 22:13

Andaa ala yeke dodo, ala yeke sara ngia: ala fâ abagara, ala fâ ataba, ala te nyama, ala nyon vin. Ala tene: “E te, e nyon, ngbanga ti so kekereke, e yeke kui.”

Ésaïe 24:9

Azo akiri ahe bia pepe ti nyon na vin, angangu samba asee sengo na yanga ti azo ti nyongo ni.

Ésaïe 28:7

Ndali ti vin so asara ala, ataa awayango-sandaga na awayanga-Nzapa agirisa lege. Ndali ti ngangu samba, ala yeke tambula kirikiri. Samba asara si ala girisa lege. Ndali ti vin, li ti ala aga kirikiri, tongana ala baa ye na ya ti mbeni ye tongana bango-li, ala yeke girisa lege, ala hinga li ti ala na ngbanga so ala yeke fâ pepe.

Ésaïe 5:11

Mawa na ala, azo so alondo na kota ndaperere ti mu loro na peko ti angangu samba! Ti londo na ndaperere ngbii asi na lakui, samba ni angba ti sara ala.

Ésaïe 56:12

Ala tene: “Ala ga, e gue, e gi vin, e nyon ngangu samba alingbi na e. Kekereke, e yeke kiri ti sara gi tongaso: samba angba mingi.”

Habakuk 2:15

“Mawa na mo, mo so mo mu samba na mba ti mo, mo tuku sioni samba na mba ti mo, lo nyon ngbii ahon ndö ti lo, azo abaa tere ti lo so ayeke ndumbu si ala he lo.