Ésaïe 5:20 - Mbeti ti Nzapa - Tënë so amu fini

²⁰ Mawa na ala, azo so abaa ye ti sioni si ala tene ye ti nzoni laa! Ala baa ye ti nzoni si ala tene ye ti sioni laa. Ala mu vukongo ndo tongana vurungo ndo, ala mu vurungo ndo tongana vukongo ndo. Ala mu ye so asee sengo, tongana ye so anzere, ala mu ye so anzere nzerengo tongana ye so asee.

Ésaïe 5:20 ပူးပေါင်းရင်းမြစ်များ

Mbeti ti Job 17:12

Ti amba ti mbi, tongana ndo avuko, ala tene ti ala, atene, kota lâ laa. Ala tene, ndo aga nduru ti han, andaa ndo angba ti vuko.

Sigingo 23:7

Ala zia mê ti ala ti ma atënë ti mvene pepe. Zo so tënë ayeke na li ti lo pepe wala zo ti mbirimbiri, ala fâ lo pepe. Biani, mbi Kota Gbia, zo so tënë ayeke na li ti lo, mbi yeke zia lo senge tongaso pepe.

Amato 17:15

Zo so amu mbeni zo so tënë ayeke na li ti lo tongana zo ti mbirimbiri, lo na zo so amu zo ti mbirimbiri tongana zo so tënë ayeke na li ti lo, ala use kue, be ti KOTA GBIA ake ala mingi.

Amato 4:17

Sarango sioni aga kobe ti ala ti tengo ni; sarango ngangu na azo aga samba so ayeke sara ala.

Ésaïe 24:9

Azo akiri ahe bia pepe ti nyon na vin, angangu samba asee sengo na yanga ti azo ti nyongo ni.

Ésaïe 29:21

azo ni ayeke azo so ayeke bi tënë ti mvene na li ti azo, ala so ayeke zia kuku titene awafango-ngbanga ati daa, ala so ayeke fâ ngbanga na li ti azo so asara ye oko pepe.

Ésaïe 30:10

Ala tene na azo ti bango nda ti aye, atene: “Ala baa ye pepe!” Ala tene na awayanga-Nzapa: “Ala tene na e taa-tënë pepe, me gi anzerengo tënë; ala tene na e gi ye so anzere na be ti e, ataa ye ni ayeke mvene.

Ésaïe 32:5

A yeke kiri ti di iri ti zo ti buba pepe, atene “ne-ne zo”. A yeke kiri ti tene na zo ti handango ndo pepe, atene “zo ti nzoni be.”

Ezekiel 13:19

Ala bi buba na tere ti mbi na le ti azo ti mbi ndali ti kete le ti *orze nga ndali ti nduru mapa. Ala yeke tene mvene na azo ti mbi so ayeda ti ma atënë ti mvene ti ala, awali ni. Tongaso ala yeke fâ azo so alingbi na kuâ pepe si ala yeke bata azo so alingbi na kuâ.

Amos 5:7

Ala sara si sarango ye na lege ti ndia aga tongana sioni yoro ti fango zo, ala yeke do na sese fango ngbanga ti mbirimbiri.

Mishe 3:2

Me be ti ala ake ti sara ye ti nzoni, ala ye gi ti sara ye ti sioni. Ala yeke zi poro ti tere ti azo nga na kasa ti tere ti azo ni kue na ndö ti abio ni.”

Habakuk 1:4

Ndani laa azo ayeke sara ye alingbi na ndia pepe, ala yeke fâ ngbanga na lege ti ndia pepe. Zo ti sioni ayeke hon ndö ti zo ti mbirimbiri, awafango-ngbanga ayeke fâ ngbanga kirikiri.

Malashii 2:17

Ala woko KOTA GBIA na atënë ti ala. Ala hunda ndo, atene: “Atënë ti nyen laa e woko lo na ni?” Ala woko lo na lege ti tënë so ala yeke tene: “Zo so asara ye ti sioni, lo laa lo yeke nzoni zo na le ti KOTA GBIA. Mara ti azo tongaso laa be ti KOTA GBIA anzere na ala”; wala ala yeke tene: “Nzapa so ayeke fâ ngbanga mbirimbiri so ayeke na ndo wa?”

Malashii 3:15

Ti fadeso, e lingbi ti tene: azo ti baba laa ayeke duti nzoni. Ataa azo ti sioni, aye ti ala ayeke ga nzoni. Tongana ala gi yanga ti Nzapa, ye oko ayeke sara ala pepe!’ ”

Nzoni Tënë so Luc asu na mbeti 16:15

Lo tene na ala: “Ala yeke fa na le ti azo atene, ala yeke azo ti mbirimbiri, me Nzapa ahinga be ti ala kue. Ye so ayeke kota ye na le ti azo, ayeke sioni mingi na le ti Nzapa.

Ndia ti fani use ni 25:1

Moïse atene: Tongana azo use awara tënë na popo ti ala si ala use kue ague na ngbanga titene a fâ ya ti tënë ni, zo so tënë ayeke na li ti lo, fade a yeke fâ ngbanga na li ti lo; zo so tënë ayeke na li ti lo pepe, a yeke bi tënë na li ti lo pepe.

2 Pierre 2:1

Ando, awayanga-Nzapa ti mvene ayeke na popo ti azo ti Israel. Legeoko nga, fade ambeni wafango-ye ti mvene ayeke duti na popo ti ala, a-ita. Na lege ti mayere, azo ni so ayeke ga na ambeni fango ye ti mvene so ayeke gue na zo na kuâ. Azo ni so ayeke gue ngbii ti ke tënë ti Gbia so asoo ala; sarango ye ti ala ayeke bi ala gi hio tongaso na ya ti kpale so ayeke mingo ala.