Ésaïe 5:2 - Mbeti ti Nzapa - Tënë so amu fini

² Lo de ya ti sese, lo zi atêne na ya ni, lo lu pendere keke ti vinye daa. Lo sara da so ayo na nduzu taa na be ti yaka ni. Lo zi du ti petengo na ale ti vinye daa. Lo yeke ku fade anzoni lengo ni, me yaka ni ale gi afungo ni.

Ésaïe 5:2 ပူးပေါင်းရင်းမြစ်များ

2 Samuel 7:10

Mbi yeke mu mbeni ndo na azo ti Israel, azo ti mbi; mbi yeke zia ala na ndo ni so titene ala duti daa si mbeni ye ayingi ala pepe, titene ambeni mara so ayeke na sioni pialo akiri ti sara ngangu na ala tongana ti kozoni pepe.

Néhémie 13:15

Na ngoi ni so, mbi baa so na sese ti Juda, ambeni zo ayeke pete ale ti *vinye na ya ti du so a leke ti pete ale ti vinye daa; ala yeke pete ale ti vinye ni na *lango ti wungo tere. Ambeni akanga gba ti ale ti kobe na ndö ti alele, vin, ale ti vinye, fige na ambeni ye nde nde si ala yeke gue na ni na Jérusalem na lango ti wungo tere. Mbi gboto mê ti ala na lango so ala yeke ka akungba ti ala ni.

Abia (Psaumes) 80:8

Nzapa, mo so mo yeke na ndö ti dunia kue, sara si e kiri maa! Baa e na nzoni le si fade e soo kuâ.

Abia (Psaumes) 80:9

Ando na sese ti Ezipte, mbeni keke ti vinye ayeke daa; mo gboto keke ni kâ, mo tumba amara nde si mo kiri mo lu keke ni na sese ti ala.

Sigingo 33:16

Biani, tongana mo gue na e pepe, nyen laa ayeke fa atene, mo baa mbi na azo ti mo na nzoni le? Ye so ayeke fa atene, mbi na azo ti mo, e yeke nde na tanga ti amara ti ndö ti sese so ayeke so, mo yeke na popo ti e si mo yeke tambula na e.”

Ésaïe 1:8

Gbata ti *Sion angba gi lo oko tongana kete da na ya ti yaka ti *vinye, tongana kpangba ti yanga ti yaka ti kugbe ti kasa, tongana gbata so awato angoro ni kue.

Ésaïe 5:7

Andaa yaka ti vinye ti *KOTA GBIA, lo so lo yeke na ndö ti dunia kue, ayeke azo ti Israel. Azo ti mara ti Juda laa ayeke ye so lo lu si lo ye ni mingi. Lo ku fade titene azo ni afâ ngbanga na legeni, me ala fâ ngbanga ti mbana kirikiri. Lo ku fade titene azo ni asara ye alingbi na ndia, me gi dekongo ti azo ti mawa laa mo yeke ma.

Jérémie 11:17

KOTA GBIA so ayeke na ndö ti dunia kue laa alu keke ni. Ti fadeso, lo yeke iri kpale na ndö ti lo ndali ti sioni so azo ti Israel na azo ti Juda asara. Biani, ala zia ngonzo na be ti KOTA GBIA na lege so ala ya asandaga na *Baal.

Jérémie 2:21

Mbi lu mo ando tongana pendere keke ti vinye, tongana kete keke so apendere mingi. Ye ni asara tongana nyen laa mo kiri mo ga sioni vinye so zo ahinga li ti lo na ni pepe?

Osée 10:1

Israel ayeke tongana keke ti *vinye so ayeke le ando mingi. So ale ti keke ti lo ayeke wu mingi, lo yeke sara si agbalaka akiri awu mingi; so sese ti lo ayeke pendere mingi, lo yeke sara si angbongboro têne so a leke si aluti na nduzu akiri aga pendere mingi.

Mishe 4:8

Mo, hoto ti Sion, mo so mo yeke baa ndo na ndö ti azo tongana mbeni wabatango-taba so aluti na nduzu, fade mo yeke kiri ti wara komandema ti mo ti kozo. Jérusalem ayeke kiri ti ga kota gbata ti kodro ni.”

Wungo ti azo 23:9

Na li ti akota têne so mbi yeke daa, mbi yeke baa ala; na li ti akete hoto so mbi yeke daa, le ti mbi angba ti baa ala; ala yeke azo so aduti nde. Ala bongbi tere na ambeni mara nde pepe.

Matthieu 21:19

Lo baa mbeni keke ti fige na tere ti lege si lo gue nduru na ni, me lo wara gi akugbe ni. Lo tene na keke ni: “Mo yeke kiri ti le oko pepe!” Gi hio tongaso, keke ti fige ni ahole.

Matthieu 21:33

Ala kiri ama mbeni toli ni: “Mbeni wa ti sese afâ yaka ti *vinye. Lo sara gbagba na tere ni kue, lo zi du titene a pete le ti vinye ni daa, lo leke mbeni ndo na nduzu titene zo aluti daa ti baa ndo na tere ti yaka ni. Na pekoni, lo zia yaka ni na maboko ti ambeni zo ti fango yaka ti vinye si lo gue na mbeni kodro nde.

Matthieu 21:34

So ngoi ti fango ale ti vinye ni aga nduru, lo tokua azo ti kua ti lo na azo ti fango yaka ni titene ala mu ti lo ale ti vinye ni aga na ni.

Marc 11:13

Lo baa mbeni keke ti fige yongoro kâ, akugbe ni ayeke daa mingi si lo gue ti baa wala lengo ni ayeke daa; me so lo ga nduru na tere ni, lo wara gi akugbe ni, ngbanga ti so ngoi ti lengo ti fige ni ade.

Marc 12:1

Na pekoni, Jésus ato nda ti tene tënë na ala na lege ti atoli, lo tene: “Mbeni zo afâ yaka ti *vinye. Lo sara gbagba na tere ni kue, lo zi du titene a pete le ti vinye ni daa, lo leke mbeni ndo na nduzu titene zo aluti daa ti baa ndo na tere ti yaka ni. Na pekoni, lo zia yaka ni na maboko ti ambeni zo ti fango yaka ti vinye si lo gue na mbeni kodro nde.

Marc 12:2

So ngoi ti fango ale ti vinye ni alingbi awe, lo tokua mbeni zo ti kua oko na azo ti fango yaka ni titene ala mu ti lo ale ti vinye ni aga na ni.

Rome 9:4

A-ita ti mbi ni ayeke azo ti Israel: Nzapa asara si ala ga amolenge ti lo, lo fa gonda ti lo na ala, lo leke *mbuki ndali ti ala, lo fa *Ndia ti lo na ala, lo fa lege ti vorongo lo na ala, lo mu azendo na ala,

1 Korente 9:7

Zo wa laa ali na kua ti turugu awe si ayeke te ye na nginza ti bozo ti lo wani? Zo wa laa ayeke fâ yaka ti *vinye si lo yeke te ale ti vinye ni pepe? Zo wa laa ayeke bata abagara si lo yeke nyon ngu ti me ti abagara ni pepe?

Ndia ti fani use ni 32:6

Ala azo so li ti ala ayeke daa pepe so, ala azo so ndara atia ala so, so lege ti sarango ye na KOTA GBIA laa? Lo laa lo yeke babâ ti ala pepe? Ndali ti lo laa ala baa gigi pepe? Lo laa lo sara ala pepe? Ndali ti lo laa ala kpengba so pepe?

Awafango-ngbanga 16:4

Na pekoni, Samson aye mbeni wali so iri ti lo Dalila; lo yeke lango na popo-hoto ti Sorek.