Ésaïe 5:18 - Mbeti ti Nzapa - Tënë so amu fini

¹⁸ Mawa na ala, azo so ayeke gboto siokpari na peko ti ala na kamba ti mvene! Ala yeke gboto sioni ti ala tongana ti so a yeke gboto pusu ti mbarata.

Ésaïe 5:18 ပူးပေါင်းရင်းမြစ်များ

Abia (Psaumes) 10:11

Lo tene na be ti lo: “Nzapa agirisa tënë ni awe; lo kanga le ti lo awe, lo baa ye laoko pepe.”

Abia (Psaumes) 14:1

Bia ti David; bia so ayeke ndali ti makonzi-bia. Azo so li ti ala ayeke daa pepe ayeke tene na be ti ala: “Nzapa ayeke daa lawa!” Azo so abuba awe, ala sara sioni ye so akpa titene zo asara pepe; zo oko ti sara nzoni ayeke daa pepe.

Abia (Psaumes) 36:2

Mbi dabe ti mbi na tënë ti yanga ti zo ti sioni; ti lo, Nzapa ayeke zo wa si lo kpe mbeto ti lo.

Amato 4:17

Sarango sioni aga kobe ti ala ti tengo ni; sarango ngangu na azo aga samba so ayeke sara ala.

Ésaïe 28:15

“Ala yeke tene: E na kuâ e ga *ambuki awe, e na ndo ti akuâ, e leke tënë awe. Tongana ye ti ngangu ayeke si ande, ye ni ayeke wara e pepe. Biani, tenengo mvene aga ndo so e yeke kpe daa ti bata tere ti e, handango azo ayeke ndo ti hondengo tere ti e.”

Jérémie 23:10

“Kodro so asi singo na azo ti sarango aye ti ndumba. Sese ni ayeke na mua ndali ti adengo ba, ndo ti tengo pere ti anyama ahole kasakasa. Azo ni ayeke kpe gi na peko ti ye ti sioni; be ti ala awoko pepe na sarango ye so akpa pepe.

Jérémie 23:14

Me na popo ti awayanga-Nzapa ti Jérusalem, mbi baa kota ye ti buba: ala yeke lango na awali kirikiri, tenengo mvene aga ye ti tere ti ala, ala yeke mu maboko na azo ti sarango sioni. Tongaso, zo oko ti zia sioni ti lo ayeke daa pepe. Na le ti mbi, awayanga-Nzapa ni kue aga tongana azo ti Sodome; azo ti Jérusalem aga tongana azo ti Gomore.”

Jérémie 23:24

Tongana mbeni zo ahonde tere ti lo, mbi lingbi ti baa lo pepe? So tënë ti yanga ti KOTA GBIA laa. Mbi yeke na ndo kue: ataa na yayu wala na sese; ala hinga tongaso pepe? So tënë ti yanga ti KOTA GBIA laa.”

Jérémie 36:23

Tongana Yehudi adiko kamba ota wala osio ti mbeti ni, gbia ayeke fâ ni na zeme ti fango na mbeti, lo bi na le ti wâ ti ya ti duke ni. Lo sara tongaso ngbii rulo ni kue agbi.

Jérémie 5:31

awayanga-Nzapa ayeke tene peko ti atënë ti mvene; awayango-sandaga ayeke gi ti wara aye ndali ti ala wani si azo ti mbi ayeda na sarango aye tongaso. Na ndani, fade ala yeke sara nyen?”

Ezekiel 13:22

Na lege ti mvene ti ala, awali ni, ala sara si be ti azo ti mbirimbiri awoko, ataa so mbi laa mbi zia vundu na be ti azo ti mbirimbiri ni pepe. Ala mu ngangu na be ti azo ti sioni si ala lingbi ti zia lege ti sioni ti ala pepe ti ngba na fini.

Sofonii 1:12

Na ngoi ni so, fade mbi yeke mu lamba ti gi ndo na ya ti gbata ti Jérusalem; mbi yeke ga na tere ti azo so ayeke duti senge senge na ndö ti mosoro ti ala so; ala yeke tene na be ti ala, atene: ‘KOTA GBIA alingbi ti sara mbeni ye oko pepe, ataa nzoni ye wala sioni ye!’

Jean 16:2

Fade azo ayeke tumba ala na ya ti ada ti sambelango Nzapa. Na ndö ni, ngbonga ni ayeke ga so fade ambeni zo ayeke fâ ala si azo ni ayeke tene na be ti ala atene, kua ti Nzapa laa ala yeke sara so.

Awatokua 26:9

Ti mbi, mbi baa lani mbi tene, alingbi mbi sara kue ti mingo iri ti Jésus, zo ti Nazaret.

Awafango-ngbanga 17:13

Mika atene na be ti lo, atene: “Fadeso mbi hinga, mbi tene, KOTA GBIA ayeke sara nzoni na mbi, ngbanga ti so mbi yeke na mbeni zo ti mara ti Lévi so aga wayango-sandaga ti mbi.”

Awafango-ngbanga 17:5

Andaa Mika ayeke fade na mbeni ndo ti vorongo nzapa na da ti lo. Lo leke mbeni yanda ti da na aye nde nde ti vorongo na nzapa. Na pekoni, lo mu mbeni molenge ti lo ti koli si lo zia lo wayango-sandaga ti lo.