Ésaïe 5:16 - Mbeti ti Nzapa - Tënë so amu fini

¹⁶ KOTA GBIA so ayeke na ndö ti dunia kue, a yeke ya iri ti lo na lege ti fango ngbanga ti lo; Nzapa so ayeke nde si ayeke nzoni kue, lo yeke fa so lo yeke nde si lo yeke nzoni kue na lege ti mbirimbiri ti lo.

Ésaïe 5:16 ပူးပေါင်းရင်းမြစ်များ

1 Mbai 29:11

KOTA GBIA, mo yeke kota, mo yeke ngangu, mo lingbi na gonda, iri ti mo awu mingi, mo yeke gbia! Biani, aye so kue ayeke na yayu nga na ndö ti sese ayeke ti mo. KOTA GBIA, lengo-gbia ayeke ti mo si mo yeke na li ti aye kue.

Abia (Psaumes) 21:13

Biani, mo yeke sara si ala kpe kirikiri, mo yeke gboto ya ti kokora ti mo ti pika na ala.

Abia (Psaumes) 46:10

Lo kai abira ngbii asi na nda ti sese kue; lo fâ ya ti akokora, lo kungbi ya ti alikongo, lo gbi apusu ti mbarata ti bira.

Abia (Psaumes) 9:16

Azo ti mara nde ati na ya ti du so ala wani azi; kuku so ala leke na hondengo ni, kuku ni akiri agbu gere ti ala wani.

Ésaïe 12:4

Na lango ni so, ala yeke tene: “Ala mu singila na KOTA GBIA, ala mu iri lo ti lo na nduzu! Ala tene na azo kue tënë ti akota ye so lo sara, ala dabe ti azo kue na iri ti lo so ayeke kota.

Ésaïe 2:11

Fade kamene ayeke gbu le ti zo ti baba, a yeke zia zo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

Ésaïe 2:17

Fade kamene ayeke gbu azo ti baba; a yeke kiri na azo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

Ésaïe 2:9

Ndani laa, fade azo ayeke ba li ti ala na sese, kamene ayeke gbu le ti ala. KOTA GBIA, zi siokpari na li ti ala pepe!

Ésaïe 28:17

Mbi yeke mu sarango ye na legeni tongana kamba ti hakango na ye, ye ti mbirimbiri tongana kamba ti amason.” Me fade *pembe ti bekpa ayeke zi ndo ti batango tere ti ala ti mvene ti hon na ni, ngu ayeke suku ti mu ndo ti hondengo tere ti ala.

Ésaïe 29:23

Biani, tongana ala na amolenge ti ala ayeke baa ande ye so mbi yeke sara na popo ti ala, fade ala yeke hinga atene mbi, mbi yeke taa Nzapa, Nzapa ti Jacob so ayeke nde si ayeke nzoni kue; ala yeke do na mbeto na dawa ti mbi, Nzapa ti Israel.

Ésaïe 30:18

Me *KOTA GBIA ayeke ku mbeni ngoi ti sara nzoni be na ala, lo yeke londo ti baa mawa ti ala. Biani, KOTA GBIA ayeke Nzapa ti mbirimbiri. Ti ala nzoni, azo so kue azia be ti ala na ndö ti lo!

Ésaïe 33:10

*KOTA GBIA atene: “Fadeso mbi yeke londo, fadeso mbi yeke luti na nduzu, fadeso, mbi yeke sara titene azo aya iri ti mbi.

Ésaïe 33:5

A ya iri ti KOTA GBIA, ngbanga ti so lo yeke duti na nduzu kâ. Lo sara si sarango ye na legeni na fango ngbanga ti mbirimbiri asi singo na ya ti Jérusalem kue.

Ésaïe 57:15

Nzapa so ayeke na nduzu mingi, yongoro kâ, lo so ndo ti lo ayeke kpu na kpu, lo so iri ti lo ayeke nde si ayeke nzoni kue, tënë so lo tene ayeke so: “Mbi Nzapa so mbi yeke nde si mbi yeke nzoni kue, mbi yeke na nduzu mingi. Me mbi yeke na azo so a nika ala awe nga na azo so asara tere ti ala kete. Mbi yeke mu ngangu na be ti azo so asara tere ti ala kete; mbi yeke kiri fini na azo so a nika ala awe.

Ésaïe 6:3

Ala yeke dekongo na amba ti ala, atene: “*KOTA GBIA ayeke nde, lo yeke nde, lo yeke nde si lo yeke nzoni kue, KOTA GBIA so ayeke na ndö ti dunia kue so! Ndö ti sese kue asi singo na gonda ti lo!”

Ésaïe 61:8

Biani, mbi KOTA GBIA, mbi ye titene azo asara ye na lege ti ndia, me mbi ke titene a nzi ye ti zo na lege ti fango lo. Fade mbi yeke futa ala alingbi na ye so ala sara; mbi na ala e yeke sara *mbuki so angba lakue lakue.”

Ésaïe 8:13

Ayeke nzoni ala hinga atene, KOTA GBIA so ayeke na ndö ti dunia kue laa ayeke nde si lo yeke nzoni kue, lo laa ala lingbi ti sara mbeto ti lo, lo laa ala lingbi ti duti na mbeto ti lo.

Ezekiel 20:41

Na peko ti so mbi yeke sara si ala sigigi na popo ti amara si mbi yeke mu ala na ya ti akodro so ala kangbi lani daa ti bongbi ala na ndo oko, mbi yeke yamba ala na nzoni be tongana sandaga so fion ni afun nzoni. Na lege ti ala, fade mbi yeke fa na le ti amara nde so mbi yeke nde si mbi yeke nzoni kue.

Ezekiel 28:22

Mo tene na lo, mo tene: Tënë so Kota Gbia NZAPA atene ayeke so: Mo Sidon, mbi yeke ga na tere ti mo! Mbi yeke sara titene azo ane mbi na ya ti gbata ni. Fade azo kue ayeke hinga atene, mbi laa mbi yeke KOTA GBIA na ndembe so mbi yeke fâ ngbanga na li ti lo; mbi yeke fa so mbi yeke Nzapa so mbi yeke nde si mbi yeke nzoni kue.

Ezekiel 28:25

“Tënë so mbi Kota Gbia NZAPA, mbi tene ayeke so: Lani, mbi sara si azo ti Israel akangbi na popo ti amara; fade mbi yeke mu ala na popo ti amara ni, ti bongbi ala na ndo oko. Na lege ti azo ti Israel, mbi yeke fa na le ti amara nde so mbi yeke Nzapa so mbi yeke nde si mbi yeke nzoni kue. Fade azo ti Israel ayeke duti na sese ti ala, sese so mbi mu ando na Jacob, zo ti kua ti mbi.

Ezekiel 36:23

Kota iri ti mbi so ala buba na popo ti amara nde, iri ti mbi so ala buba ni na popo ti ala so, fade mbi yeke fa na amara nde so iri ni ayeke nde si ayeke nzoni kue; mbi yeke fa ni na ala na lege ti ala, azo ti Israel. Tongaso, fade amara nde ni ayeke hinga atene, mbi laa mbi yeke KOTA GBIA. So tënë ti yanga ti Kota Gbia NZAPA laa.”

Ezekiel 38:16

Mo yeke ga ti tiri bira na Israel, azo ti mbi. Mo yeke kanga ndö ti kodro ti ala tongana ti so mbinda ayeke kanga ndö ti sese. Ye ni ayeke si ande na lango ti ndani. Fade mbi yeke tokua mo ti gue ti tiri bira na kodro ti mbi. Tongaso si amara nde ahinga atene, mbi yeke Nzapa so mbi yeke nde si mbi yeke nzoni kue. Mbi yeke fa ye ni na ala na lege ti mo, Gog.

Ezekiel 38:23

Tongaso, fade mbi yeke fa na gba ti amara nde so mbi yeke kota, mbi yeke nde si mbi yeke nzoni kue. Tongaso, fade ala yeke hinga atene, mbi laa mbi yeke KOTA GBIA.”

Awayango-sandaga 10:3

Moïse atene na Aaron: “KOTA GBIA atene lani tongaso: ‘Azo so ayeke ga nduru na mbi, mbi ye si ala hinga atene, mbi yeke nde si mbi yeke nzoni kue; mbi ye si ala gonda mbi na le ti azo kue.’ ” Aaron aduti gi kpoo, lo zi yanga oko pepe.

Wungo ti azo 20:13

So ayeke tënë ti ngu ti Meriba; ngu so azo ti Israel apapa na KOTA GBIA ndali ni si lo fa na ala so lo yeke nde si lo yeke nzoni kue.

Rome 2:5

Me be ti mo akpengba si mo ye ti zia ngbene lege ti sarango ye ti mo ni pepe. Ndani laa mo yeke bongbi gba ti ngonzo ti Nzapa na ndö ti mo ti ku na lango ti ngonzo ti ndani. Na lango ni so, lo yeke fa so fango ngbanga ti lo ayeke mbirimbiri,

1 Pierre 1:16

Biani, Mbeti ti Nzapa atene: “Ayeke nzoni ala duti nde si ala duti nzoni kue, ngbanga ti so mbi yeke nde si mbi yeke nzoni kue.”

1 Pierre 2:15

Biani, ye so Nzapa aye ayeke titene ala sara nzoni ye si ala lingbi ti kanga yanga ti abuba zo so ahinga ye pepe so.

1 Pierre 3:15

Na be ti ala, ala ne Christ, *Kota Gbia ti ala. Ala duti lakue nduru ti kiri tënë na azo so ayeke hunda na ala tënë na ndö ti ye so ala zia be ti ala ti ku.

Aye so Nzapa afa 3:7

“Su mbeti so, mo tokua na *ange so ayeke na li ti *Eglize ti gbata ti Filadelfii: “Lo so lo yeke nde si lo yeke nzoni kue, lo so lo yeke tene gi taa-tënë, lo so lo yeke na kerere ti David na maboko ti lo, lo laa lo yeke tene tënë so. Tongana lo zi yanga ti da, mbeni zo alingbi ti kanga ni pepe; tongana lo kanga ni, mbeni zo alingbi ti zi ni pepe.

Aye so Nzapa afa 4:8

Aye osio so ayeke na fini, ala oko oko ayeke na *kpangi omene. Ale ti bango na ndo ayeke na tere ti akpangi ni kue, na ya ni nga na gigi. Bi na lâ, ala ngba ti he bia, atene: “*Kota Gbia, Nzapa so ngangu ti lo ahon angangu kue, lo yeke nde, lo yeke nde; lo yeke nde si lo yeke nzoni kue! Lo yeke ando, lo yeke laso si lo yeke ga.”