Ésaïe 5:13 - Mbeti ti Nzapa - Tënë so amu fini

¹³ Ndani laa KOTA GBIA atene: “Fade a yeke gbu azo ti mbi ti gue na ala na kodro wande, ngbanga ti so ala hinga ndo pepe. Akota zo ayeke kui nzara si asenge zo ayeke kui nzara ti ngu.”

Ésaïe 5:13 ပူးပေါင်းရင်းမြစ်များ

2 Agbia 17:6

Na ngu gumbaya ni so Osée ayeke le-gbia, gbia ti Asirii amu gbata ti Samarii. Lo gbu azo ti Israel si lo gue na ala na kodro ti Asirii. Lo zia ambeni na sese ti Hala, ambeni na tere ti ngu ti Habor, na sese ti Gozan si ambeni na ya ti agbata ti Medii.

Amato 10:21

Atënë ti zo ti mbirimbiri ayeke sara nzoni na gba ti azo; me azo ti buba ayeke kui, ngbanga ti so li ti ala ayeke daa pepe.

Ésaïe 1:3

Bagara ahinga wa ti lo; lele ahinga ndo so wa ti lo ayeke mu na lo kobe ti tengo ni daa. Me azo ti Israel ahinga ndo pepe, li ti azo ti mbi ayeke daa pepe.”

Ésaïe 1:7

Sese ti ala aga gi ngonda, wâ agbi agbata ti ala kue. Awande ate akobe ti yaka ti ala kue gi na le ti ala; awande abuba kodro ni, ala kinda ni, ye oko angba pepe.

Ésaïe 23:9

*KOTA GBIA so ayeke na ndö ti dunia kue laa aleke na be ti lo ti mingo baba ti azo so azo ayeke gonda ala, ti bi kamene na le ti akota zo ti dunia so.

Ésaïe 27:11

Tongana amaboko ti keke ahole, a yeke fâ ni si awali ayeke ga ti ro ni ti sara na wâ. Biani, azo so ahinga ndo pepe. Ndani laa lo so lo sara ala abaa mawa ti ala pepe, lo so lo sara ala azi tënë na li ti ala pepe.

Ésaïe 3:1

Biani, Kota Gbia NZAPA so ayeke na ndö ti dunia kue ayeke zi na ya ti gbata ti Jérusalem nga na ya ti kodro ti Juda aye so kue ayeke mu ngangu na azo: lo yeke zi kobe na ngu,

Ésaïe 3:3

aturugu ti kota kamba na akota zo ti kodro, awamungo-wango, azo ti sarango mazi nga na akota zo ti yoro.

Ésaïe 44:19

Zo oko ayeke gbu li ti lo wani pepe, zo oko ayeke hinga ndo nzoni pepe, zo oko ayeke hinga nda ti ye nzoni pepe si lo tene na be ti lo wani, lo tene: “Mbage ti keke so, mbi sara na wâ, mbi to kobe ti mbi na le ti wâ ni, mbi zö nyama so mbi te. Na tanga ti mbage ti keke ni, mbi sara na ye so zo alingbi ti baa na le ti lo fani use pepe. Mbi yeke kuku na gbe ti nduru keke!”

Ésaïe 49:21

Tongaso, fade mo yeke hunda tere ti mo, mo tene: ‘Amolenge so kue so, zo wa laa adu ala na mbi, zo wa? A gbanzi mbi lani na amolenge, mbi yeke wali ti dungo ni pepe, a gbu mbi lani, a gue na mbi na kodro wande, a zia gi mbi oko. Zo wa laa abata ala so, zo wa? Mbi ngba lani gi mbi oko, amolenge so, ala yeke lani na ndo wa?’ ”

Ésaïe 65:13

Ndani laa, tënë so mbi, Kota Gbia NZAPA, mbi tene ayeke so: Fade azo ti kua ti mbi ayeke te kobe, me ti ala, ala yeke duti na nzara. Azo ti kua ti mbi ayeke na ngu ti nyongo ni, me ti ala, nzara ti ngu ayeke sara ala. Azo ti kua ti mbi ayeke duti na ngia, me ti ala, kamene ayeke sara ala.

Jérémie 14:18

Tongana mbi gue na yaka, mbi yeke baa gi azo so akui na lege ti bira. Tongana mbi kiri na ya ti gbata, mbi yeke baa gi azo so akui na lege ti nzara. Awayanga-Nzapa na awayango-sandaga atambula na ya ti kodro ni kue, me ala gi li ti ala daa gbaa.”

Jérémie 14:3

Akota zo atokua azo ti kua ti ala ti to ngu, azo ti kua ni ague na du ti ngu, me ala wara ngu pepe. Ala mu lege akiri, ya ti ata ti ala senge; kamene agbu le ti ala, ala yeke na vundu si ala ba li ti ala na sese.

Jérémie 8:7

Ataa sigonye so ayeke huru na le ti nduzu, lo hinga ngoi so lo yeke londo ti hon na mbeni ndo yongoro; ataa *kolokoto na hirondele nga na grive, ala hinga ngoi so ala yeke kiri ka na ni. Me azo ti mbi abaa andia ti mbi tongana senge ye.”

Abia ti demango tere 4:9

Ala so akui kuâ ti bira, pasa ti ala ahon ti ala so akui na nzara. Ala yeke kui gi yeke-yeke ngbii ala hunzi kue, ngbanga ti so ala wara mbeni ye ti te pepe.

Ezekiel 7:12

Ngoi ni alingbi awe! Lango ni aga nduru awe! Ayeke nzoni zo ti vongo ye akai ngia ti lo, zo ti kango ye aduti na vundu pepe, ngbanga ti so ngonzo ti mbi ti wâ ayeke londo na tere ti azo ti kodro ni kue.

Osée 4:6

Azo ti mbi ayeke kui, ngbanga ti so ala hinga mbi pepe. So mo ke ti hinga mbi, fade mbi nga, mbi yeke ke mo, mo yeke kiri ti duti wayango-sandaga ti mbi pepe. So be ti mo agirisa na ye so Nzapa ti mo afa, fade be ti mbi nga ayeke girisa na amolenge ti mo.

Amos 8:13

“Na lango ni so, apendere maseka-wali na amaseka-koli ayeke kui nzara ti ngu.

Nzoni Tënë so Luc asu na mbeti 19:44

Awato ti mo ni ayeke nika mo na azo ti mo kue; mbeni têne oko ayeke ngba na ndö ti mba ti lo pepe, ngbanga ti so lango so Nzapa aga ti baa mo asi awe, me mo hinga ni pepe!”

Rome 1:28

So ala ke ti hinga Nzapa awe, lo zia ala titene hingango ndo ti ala aga kirikiri si ala sara ye so zo alingbi fade ti sara pepe.

2 Pierre 3:5

Ala girisa na mbana ti be ti ala wani so yayu na sese ayeke ando daa giriri: yayu na sese abaa gigi na lege ti tënë ti yanga ti Nzapa. Lo sara si sese na ngu akangbi si kuru sese asigigi na ya ti ngu.