Ésaïe 5:11 - Mbeti ti Nzapa - Tënë so amu fini

¹¹ Mawa na ala, azo so alondo na kota ndaperere ti mu loro na peko ti angangu samba! Ti londo na ndaperere ngbii asi na lakui, samba ni angba ti sara ala.

Ésaïe 5:11 ပူးပေါင်းရင်းမြစ်များ

2 Samuel 19:35

Barzilai akiri tënë na gbia, atene: “Gbia, mbi yeke kiri ti ngba na fini ngu oke titene mbi na mo, e gue na Jérusalem?

Amato 20:1

Vin asara si zo aga zo ti hengo ndo; samba ayeke pusu zo ti sara wusuwusu. Zo so samba ayeke sara lo, lo lingbi ti ga zo ti ndara pepe.

Amato 23:32

Me na ndani, ayeke te mo tongana ngbo si ayeke kpo mo tongana sioni ngbo.

Ésaïe 22:13

Andaa ala yeke dodo, ala yeke sara ngia: ala fâ abagara, ala fâ ataba, ala te nyama, ala nyon vin. Ala tene: “E te, e nyon, ngbanga ti so kekereke, e yeke kui.”

Ésaïe 24:9

Azo akiri ahe bia pepe ti nyon na vin, angangu samba asee sengo na yanga ti azo ti nyongo ni.

Ésaïe 28:1

So mawa na gbata ti Samarii so akpa kpoto ti gbia! Azo ti Efraim so ayeke angbaa ti samba ayeke pika kate ti ala ndali ni. Gbata ni ayeke na nduzu ti popo-hoto so akobe ayeke le daa mingi. Gbata ni akpa kongo so awoko awe si a zia na li ti azo ti sara pendere ti ala, azo so anyon vin si ahon ndö ti ala.

Ésaïe 28:3

Gbata so ayeke tongana kpoto ti gbia si azo ti Efraim, angbaa ti samba so ayeke pika kate ti ala ndali ni, fade a yeke do ni na gbe ti gere.

Ésaïe 5:22

Mawa na ala, azo so amu ngangu ti ala kue gi ti nyongo samba, ala so akpengba gi ti bongbi mara ti asamba nde nde ti nyon!

Ésaïe 56:12

Ala tene: “Ala ga, e gue, e gi vin, e nyon ngangu samba alingbi na e. Kekereke, e yeke kiri ti sara gi tongaso: samba angba mingi.”

Habakuk 2:15

“Mawa na mo, mo so mo mu samba na mba ti mo, mo tuku sioni samba na mba ti mo, lo nyon ngbii ahon ndö ti lo, azo abaa tere ti lo so ayeke ndumbu si ala he lo.

Habakuk 2:5

Biani, mosoro ayeke handa zo handango: zo ti baba ayeke duti kpoo pepe, lo yeke zi yanga ti lo kota tongana ndo ti akuâ; lo yeke tongana kuâ so nzara ti lo ayeke hunzi pepe. Lo bongbi amara kue na tere ti lo, lo zia azo kue na gbe ti komandema ti lo.

Nzoni Tënë so Luc asu na mbeti 21:34

“Ala sara hange! Ala zia be ti ala kue na nyongo samba ahon ndoni na tengo kobe ahon ndoni pepe, ala gi be ti ala na ndö ti gigi ti ala pepe. Tongana ala sara hange pepe, lango ni so ayeke wara ala

Rome 13:13

Alingbi fini ti e aduti na legeni mbirimbiri tongana ti azo so ayeke sara ye na kota lâ. E te kobe wala e nyon samba ahon ndoni pepe, e sara aye ti kirikiri wala aye ti ndumba pepe, e papa wala e sara kota be pepe.

1 Korente 6:10

azo ti nzi, azo so kota nzara ti warango ye ayeke na be ti ala, azo so ayeke ngbaa ti samba, azo ti dungo mvene na li ti amba ti ala, azo ti gbungo ye ti azo na ngangu, fade Kodro-gbia ti Nzapa ayeke ga ti ala pepe.

Galasii 5:21

sarango nzara ti ye ti zo, nyongo samba na tengo kobe butuma, na ambeni mara ti ye tongaso. Mbi tene tënë so na ala kozoni awe, mbi yeke kiri na ndö ni: azo ti sarango aye tongaso, *Kodro-gbia ti Nzapa ayeke ga ti ala pepe.

1 Samuel 25:36

Abigail akiri na tere ti Nabal. Andaa na da kâ, Nabal asara matanga tongana matanga ti gbia. Tere ti Nabal anzere mingi si lo nyon samba ahon ndö ti lo. Abigail atene tënë oko na lo pepe ngbii asi na kota ndaperere.