Ésaïe 5:1 - Mbeti ti Nzapa - Tënë so amu fini

¹ Mbi ye ti he bia ndali ti mba ti mbi; bia ni atene tënë ti mba ti mbi so mbi ye lo mingi nga na yaka ti *vinye ti lo. Mba ti mbi so mbi ye lo mingi so, yaka ti vinye ti lo ayeke daa. Yaka ni ayeke na ndö ti mbeni hoto; sese ni awoko pendere.

Ésaïe 5:1 ပူးပေါင်းရင်းမြစ်များ

Abia (Psaumes) 101:1

Bia ti David. Mbi ye ti he bia ti tene tënë ti nzoni be ti mo, ti tene tënë ti fango ngbanga ti mo ti mbirimbiri. *KOTA GBIA, mbi ye ti he bia ti sepela mo.

Abia (Psaumes) 45:1

Bia ti azo ti Kore; bia so ayeke ndali ti makonzi-bia. A he ni na kundi. Bia ti fango ye na zo; bia ti yengo tere.

Abia (Psaumes) 60:5

Mo sara si aye ti ngangu mingi asi na azo ti mo; mo mu na e vin so aso, ayeke sule zo si e nyon.

Abia (Psaumes) 80:8

Nzapa, mo so mo yeke na ndö ti dunia kue, sara si e kiri maa! Baa e na nzoni le si fade e soo kuâ.

B. ti abia 2:16

Kamba ti be ti mbi ayeke ti mbi si mbi yeke ti lo. Lo gue na anyama ti lo ti te pere na popo ti akongo.

B. ti abia 5:16

Tongana lo su yanga ti mbi, anzere nzerengo, tere ti lo kue laa mbi ye ni. Ala amolenge-wali ti Jérusalem, baa kamba ti be ti mbi laa, koli so mbi ye lo mingi so laa.

B. ti abia 5:2

Mbi yeke lango, me be ti mbi ayeke ku. Mbi ma kamba ti be ti mbi apika yanga ti da. Zi na mbi yanga ti da, ita ti mbi ti wali, mo so mbi ye mo mingi so, mbipa ti mbi, mo wali ti mbi so mo yeke nzoni kue so. Ngu ti pere akanga li ti mbi kue, kua ti li ti mbi kue ayeke na ngu ti pere ti bi.

B. ti abia 6:3

Ti mbi, mbi yeke ti kamba ti be ti mbi si kamba ti be ti mbi ayeke ti mbi. Lo yeke gue na anyama ti lo ti te pere na popo ti akongo.

Jérémie 12:10

Awabatango-taba mingi abuba yaka ti *vinye ti mbi; ala do na gbe ti gere ti ala yaka ti mbi, ala sara si pendere yaka so aga benyama, aga ngonda.

Jérémie 2:21

Mbi lu mo ando tongana pendere keke ti vinye, tongana kete keke so apendere mingi. Ye ni asara tongana nyen laa mo kiri mo ga sioni vinye so zo ahinga li ti lo na ni pepe?

Ezekiel 15:2

“*Molenge ti zo, keke ti *vinye ayeke nzoni ahon atanga ti keke ti gbako na nyen? Amaboko ti keke ti vinye ayeke nzoni ahon amaboko ti keke ti gbako na nyen?

Ezekiel 19:10

“Mama ti ala ayeke lani tongana keke ti *vinye so a lu lo na tere ti ngu. Lo yeke le gbani si akugbe ti lo ayeke gbani, ngbanga ti so lo yeke wara ngu gbani gbani.

Osée 10:1

Israel ayeke tongana keke ti *vinye so ayeke le ando mingi. So ale ti keke ti lo ayeke wu mingi, lo yeke sara si agbalaka akiri awu mingi; so sese ti lo ayeke pendere mingi, lo yeke sara si angbongboro têne so a leke si aluti na nduzu akiri aga pendere mingi.

Matthieu 21:33

Ala kiri ama mbeni toli ni: “Mbeni wa ti sese afâ yaka ti *vinye. Lo sara gbagba na tere ni kue, lo zi du titene a pete le ti vinye ni daa, lo leke mbeni ndo na nduzu titene zo aluti daa ti baa ndo na tere ti yaka ni. Na pekoni, lo zia yaka ni na maboko ti ambeni zo ti fango yaka ti vinye si lo gue na mbeni kodro nde.

Marc 12:1

Na pekoni, Jésus ato nda ti tene tënë na ala na lege ti atoli, lo tene: “Mbeni zo afâ yaka ti *vinye. Lo sara gbagba na tere ni kue, lo zi du titene a pete le ti vinye ni daa, lo leke mbeni ndo na nduzu titene zo aluti daa ti baa ndo na tere ti yaka ni. Na pekoni, lo zia yaka ni na maboko ti ambeni zo ti fango yaka ti vinye si lo gue na mbeni kodro nde.

Nzoni Tënë so Luc asu na mbeti 20:9

Na pekoni, Jésus atene toli so na azo ni, lo tene: “Mbeni zo afâ yaka ti *vinye; lo zia yaka ni na maboko ti azo ti fango yaka ti vinye si lo gue na mbeni kodro ti ninga kâ mingi.

Jean 15:1

“Mbi yeke taa keke ti *vinye si Babâ ti mbi ayeke wa ti yaka ni.

Ndia ti fani use ni 8:10

Ala yeke te kobe alingbi na nzara ti ala si ala yeke mu singila na KOTA GBIA Nzapa ti ala ndali ti nzoni sese so lo mu na ala.

Ndia ti fani use ni 8:7

Moïse atene: *KOTA GBIA Nzapa ti ala ayeke sara titene ala li na mbeni nzoni sese, sese so ngu so ayeke sua nga na ali ti ngu ayeke daa mingi. Ngu so ayeke sigigi na gbe ti sese ayeke sua na popo-hoto nga na ya ti ahoto.