Ésaïe 49:9 - Mbeti ti Nzapa - Tënë so amu fini

⁹ Mbi tene na azo ti kanga: ‘Ala sigigi!’ Mbi tene na azo so aduti na ya ti vukongo ndo: ‘Ala sigigi, ala ga na ya ti lumiere!’ Ala yeke duti tongana ataba so ayeke te pere na tere ti lege, ala yeke wara kobe ti ala na ndö ti ahoto kue.

Ésaïe 49:9 ပူးပေါင်းရင်းမြစ်များ

Abia (Psaumes) 102:20

Na nduzu kâ, na ndo ti lo so ayeke nde si ayeke nzoni kue, KOTA GBIA aba tere ti lo ti baa ndo na ndö ti sese. Na yayu kâ, lo baa ndo na sese

Abia (Psaumes) 146:7

Azo so asara ngangu na ala, lo yeke fâ ngbanga ti ala na legeni. Lo yeke mu kobe na azo so nzara asara ala, KOTA GBIA ayeke zi azo ti kanga.

Abia (Psaumes) 22:26

KOTA GBIA, ndali ti mo, mbi lingbi ti gonda mo, mbi gonda mo na ya ti kota bongbi ti azo ti mo. Ye so mbi deba yanga ti mbi ti sarango ni, mbi yeke sara ni na le ti azo so akpe mbeto ti mo:

Abia (Psaumes) 69:33

Asenge zo ayeke baa ye ni si ala yeke duti na ngia: “Ala so ayeke gi Nzapa, ayeke nzoni ala te gigi aninga!

Ésaïe 41:18

Ndö ti ahoto so keke ayeke daa pepe, mbi yeke sara titene *bale asigigi daa; ndo so ayeke na popo-hoto, mbi yeke sara titene ngu asigigi daa. Mbi yeke sara titene holengo sese aga ndo so kota ngu ayeke daa si kuru sese aga li ti ngu.

Ésaïe 42:16

Mbi yeke sara si awaziba atambula na ndö ti lege so ala hinga pepe; mbi yeke sara si ala hon na ndö ti alege so ala hinga pepe. Na dawa ti ala, mbi yeke sara si vukongo ndo aga lumiere, lege so aba bango aluti mbirimbiri. Apialo so, fade mbi yeke sara ni, mbi yeke zia ni oko pepe.

Ésaïe 42:7

Mo yeke zi le ti awaziba, mo yeke zi azo ti kanga na da ti kanga, mo yeke sigigi na azo so ayeke na ya ti sururu, ala so ayeke ku na ya ti vukongo ndo.”

Ésaïe 48:17

*KOTA GBIA, lo so lo zi mo, Nzapa ti Israel so ayeke nde si ayeke nzoni kue, tënë so lo tene ayeke so: “Mbi KOTA GBIA, Nzapa ti mo, mbi laa mbi yeke fa na mo ye so mo lingbi ti baa nzoni daa. Mbi laa mbi yeke gue na mo lege so mo yeke tambula daa.

Ésaïe 5:17

Fade ataba ayeke te pere na ya ti gbata so abuba kue so tongana ndo ti tengo pere ti ala; angasa so akono nzoni ayeke te pere na ndo ni so.

Ésaïe 61:1

Yingo ti Kota Gbia NZAPA ayeke na ndö ti mbi. Biani, *KOTA GBIA atuku mafuta na li ti mbi, lo tokua mbi ti fa nzoni tënë na awayere, ti kanga ka ti be ti azo so be ti ala afâ, ti tene na azo so a gbu ala na ngbaa atene, a zi ala awe, ti tene na azo ti kanga atene, ala yeke sigigi na ya ti kanga!

Ésaïe 65:13

Ndani laa, tënë so mbi, Kota Gbia NZAPA, mbi tene ayeke so: Fade azo ti kua ti mbi ayeke te kobe, me ti ala, ala yeke duti na nzara. Azo ti kua ti mbi ayeke na ngu ti nyongo ni, me ti ala, nzara ti ngu ayeke sara ala. Azo ti kua ti mbi ayeke duti na ngia, me ti ala, kamene ayeke sara ala.

Ésaïe 9:2

*KOTA GBIA, mo sara si azo awara ngia mingi, mo sara si ngia ti ala asi singo. Ala sara ngia na dawa ti mo tongana ti so azo ayeke sara ngia na ngoi ti fango ale ti kobe; ala sara ngia tongana ti so azo ayeke dekongo na ngia na ngoi so azo ayeke kangbi aye so ala gbu na peko ti bira.

Ezekiel 34:23

Mbi yeke zia gi wabatango-taba oko na ndö ti ataba ti mbi titene lo bata ala. Wabatango-taba ni ayeke duti David, zo ti kua ti mbi. Lo laa lo yeke gi kobe na ataba ni, lo laa lo yeke duti wabatango ala.

Ezekiel 34:29

Mbi yeke mu na ala yaka so azo ama sango ni ndali ti nzoni lengo ti lo. Na ya ti kodro ni, fade azo ayeke kiri ti kui nzara pepe; amara nde ayeke kiri ti zia kamene na le ti ala pepe.

Awayango-sandaga 25:54

Tongana a kiri avo zo ni alingbi na mbeni oko lege so a fa so pepe, fade zo ni ayeke sigigi yamba na gbe ti ngbaa, lo na amolenge ti lo na ngu ti kiringo na nengo ti azo ti Israel.”

Mishe 5:4

Lo wani laa lo yeke mu siriri na azo. “Tongana azo ti Asirii aga ti mu kodro ti e si ala li na ya ti ayangbo ti agbia ti e, fade e yeke tokua azo ti li ni mbarambara na amakonzi miombe ti tiri bira na ala.

Nzoni Tënë so Luc asu na mbeti 1:79

Fade lâ ni ayeke su na ndö ti azo so aduti na ya ti vukongo ndo ti kuâ, ti fa na e lege ti siriri si e tambula daa.”

Nzoni Tënë so Luc asu na mbeti 2:32

Lo yeke lumiere so ayeke fa mo na azo ti amara kue; lo yeke gonda ti azo ti Israel so ayeke azo ti mo.”

Nzoni Tënë so Luc asu na mbeti 4:18

“Yingo ti *Kota Gbia ayeke na ndö ti mbi, ngbanga ti so lo tuku mafuta na li ti mbi si lo tokua mbi ti fa Nzoni Tënë na azo ti mawa. Lo tokua mbi ti tene na azo ti kanga so a zi ala awe, ti tene na awaziba so le ti ala ayeke zi, ti zi azo na ya ti pasi ti ala,

Jean 10:9

Mbi yeke yanga ti gbagba ni. Zo so ali na lege ti mbi, fade lo yeke soo kuâ; lo yeke li, lo yeke sigigi si lo yeke wara kobe ti tengo ni.

Jean 8:12

Jésus akiri atene na gba ti azo ni, atene: “Mbi yeke lumiere ti dunia so. Zo so amu peko ti mbi, fade lo yeke tambula na ya ti vukongo ndo pepe, me lo yeke wara lumiere so ayeke mu fini na zo.”

Awatokua 26:18

Mbi tokua mo ti zi le ti ala, ti mu ala na ya ti vukongo ndo ti sigigi na ala na ya ti lumiere; mo yeke zi ala na gbe ti ngangu ti Satan ti gue na ala na Nzapa. Tongana ala ma na be na mbi, fade a yeke zi siokpari na li ti ala si ala yeke wara ndo na popo ti azo ti Nzapa.’ ”

Efeze 5:14

ngbanga ti so ye so a fa ni na gigi polele aga ye so ayeke na ya ti lumiere. Ndani laa, a tene: “Mo zingo, mo so mo yeke lango. Mo londo na popo ti akuâ, fade Christ aza lumiere ti lo na ndö ti mo.”

Efeze 5:8

Ando, ala yeke na ya ti vukongo ndo. Ndali ti so ala ga oko na *Kota Gbia, fadeso ala yeke na ya ti lumiere. Ayeke nzoni sarango ye ti ala ayeke tongana ti azo so ayeke na ya ti lumiere.

Ndia ti fani use ni 32:13

Lo zia ala ti duti na sese ti ahoto, lo bata ala na akobe ti yaka. Lo sara si ala nyon mafuta ti wotoro so asigigi na ya ti du ti têne, lo sara si akeke ti olive asigigi na ya ti sese so atêne ayeke daa mingi.

Kolose 1:13

Nzapa azi e na gbe ti ngangu ti makonzi ti vukongo ndo si lo zia e na ndo so Molenge ti lo so lo ye lo mingi ayeke gbia daa.

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.