Ésaïe 49:8 - Mbeti ti Nzapa - Tënë so amu fini

⁸ Tënë so KOTA GBIA atene ayeke so: “Na ndembe so alingbi, mbi kiri tënë na mo; na lango ti songo azo na kuâ, mbi mu na mo maboko. Mbi bata mo titene na lege ti mo, mbi na azo, e ga *ambuki. Mbi yeke yo kodro ti Israel na nduzu, mbi yeke kiri ti kangbi na azo sese so lani ayeke ti ala si abuba so.

Ésaïe 49:8 ပူးပေါင်းရင်းမြစ်များ

2 Samuel 7:13

Lo laa lo yeke sara da ndali ti mbi; mbi yeke sara titene lengo-gbia ti lo akpengba kpu na kpu.

Abia (Psaumes) 2:8

Hunda mbi, fade mbi yeke mu na mo amara kue; mbi yeke mu ala na mo si ala ga ti mo. Akodro ti dunia kue ayeke ga ti mo.

Abia (Psaumes) 69:13

Azo so aduti na ndö ti akota balabala ayeke diko tënë na tere ti mbi, azo ti nyongo samba ayeke he bia na iri ti mbi.

Abia (Psaumes) 75:3

Nzapa atene: “Ngoi so mbi diko so, tongana alingbi awe, mbi wani laa mbi yeke fâ ngbanga na legeni.

Ésaïe 26:3

Na zo so be ti lo aduti kpoo, KOTA GBIA, mo yeke mu na lo siriri, ngbanga ti so lo zia be ti lo na ndö ti mo.

Ésaïe 27:3

“Mbi *KOTA GBIA laa mbi yeke bata yaka ni. Lakue, mbi yeke tuku ngu na ndö ni. Bi na lâ, mbi yeke bata yaka ni titene zo ali ti sara sioni na ni pepe.

Ésaïe 41:10

Mo sara mbeto pepe, ngbanga ti so mbi yeke na mo. Mo baa ndo na mbeto pepe, ngbanga ti so mbi yeke Nzapa ti mo. Mbi yeke sara titene mo kpengba, mbi yeke ga ti mu maboko na mo; biani, mbi yeke bata mo na lege ti maboko ti mbi ti koli so ayeke so benda.

Ésaïe 42:1

*KOTA GBIA atene: “Baa, zo ti kua ti mbi laa, lo so mbi gbu lo na maboko ti lo, lo so mbi soro lo, mbi wara ngia na lege ti lo. Mbi zia Yingo ti mbi na ndö ti lo, fade lo yeke sara si sarango ye ti mbirimbiri abaa gigi ndali ti amara nde.

Ésaïe 42:6

“Mbi KOTA GBIA laa mbi iri mo na lege ti mbirimbiri. Mbi gbu mo na maboko ti mo, mbi bata mo si mbi zia mo titene na lege ti mo, mbi na azo e ga *ambuki; mbi zia mo titene mo duti lumiere ti amara kue.

Ésaïe 44:26

Mbi yeke sara ye alingbi na tënë so zo ti kua ti mbi atene; mbi yeke sara si apialo so awatokua ti mbi atene tënë ni aga nzoni. Tënë so mbi tene na ndö ti Jérusalem ayeke so: ‘Fade azo ayeke kiri ti lango na ya ni’. Tënë so mbi tene na ndö ti agbata ti Juda ayeke so: ‘Fade a yeke kiri ti leke ni; aye so a kungbi na sese, fade mbi yeke kiri ti leke ni na nduzu.’

Ésaïe 49:19

Ti fadeso, mo yeke na popo ti aye so abuba awe, kodro ti mo aga ngonda awe, sese so aga ndo ti gba ti atêne; fade ndo ni ayeke ga kete mingi, ayeke lingbi na azo so ayeke lango daa pepe. Me azo so lani abuba mo so ayeke hon yongoro na tere ti mo.

Ésaïe 51:16

Mbi gbara yayu, mbi zia gere ti sese si mbi tene na azo ti *Sion: ‘Ala laa ayeke azo ti mbi; mbi zia tënë ti mbi na yanga ti ala, mbi bata ala na gbe ti de ti maboko ti mbi.’ ”

Ésaïe 51:3

KOTA GBIA abaa mawa ti *Sion, lo baa mawa ti aye ti lo so kue abuba. Ndo ti lo so ayeke tongana benyama, lo yeke sara si aga tongana yaka ti Eden; ndo ti lo so ngu ayeke daa pepe, lo yeke sara si aga yaka ti KOTA GBIA. Na ya ti gbata ni, fade azo ayeke duti na ngia si ala yeke sara ngia, ala yeke he bia ti gondango Nzapa si ala yeke pika mozoko.

Ésaïe 54:3

Biani, mo yeke sara si sese ti mo akono mbage na mbage kue; amolenge ti mo ayeke mu sese ti amara so ayeke nduru na ala ti ga ti ala; agbata so azo ayeke na ya ni pepe, amolenge ti mo ayeke kiri ti duti na ya ni.

Ésaïe 55:6

Ala gi *KOTA GBIA na ndembe so ala lingbi ti wara lo. Ala iri lo na ndembe so lo yeke nduru na ala.

Ésaïe 57:13

Tongana mo dekongo, ayeke nzoni gba ti ayanda ti mo ni asoo mo ma! Fade pupu ayeke mu ala kue ti hon na ala, pupu ti yanga ayeke hon na ala! Me azo so ayeke kpe na mbi ti bata tere ti ala, fade a yeke mu kodro ni ti ga ti ala, hoto ti mbi so ayeke nde si ayeke nzoni kue ayeke ga ye ti ala.

Ésaïe 58:12

Ndali ti mo, azo ayeke kiri ti leke ada so akungbi aninga awe; agere ti da so azo ado azia ngbene ye aninga, fade mo yeke kiri ti leke ada na ndö ni. Azo ayeke iri mo: “Zo ti kangango adu ti gbagba ti bira, zo ti lekengo alege ti gbata titene azo alango na ya ti gbata ni.”

Ésaïe 58:5

Mara ti kengo kobe tongaso, lango so ala kanga nzara ti ya ti ala, so laa mbi ye ni? Ala yeke ba li ti ala na sese tongana sosongo, ala yeke yungo bongo ti mua, ala yeke lango na ya ti mburu ti wâ, so laa ala iri ni, kengo kobe? Mara ti lango tongaso laa anzere na be ti mbi?

Ésaïe 61:2

Lo tokua mbi ti tene na azo, atene: so ayeke ngu so KOTA GBIA ayeke sara nzoni be na ala; so ayeke lango so Nzapa ti e ayeke kiri peko ti sioni na awato ti lo. Lo tokua mbi ti de be ti azo so kue ayeke na vundu.

Ésaïe 61:4

Ada so akungbi aninga awe so, fade ala yeke kiri ti leke ni; ada so akungbi ngbene ye aninga so, ala yeke kiri ti mu ni na nduzu. Agbata so abuba si aga ngonda ngu na ngu so, fade ala yeke kiri ti leke ni.

Ésaïe 65:9

Fade mbi yeke mu *ahale na azo ti Jacob, mara ti Juda. Ala yeke mu ahoto ti mbi ti ga ye ti ala; ala so mbi soro ala, ala yeke mu ni titene aga ye ti ala, azo ti kua ti mbi ayeke duti kâ.

Matthieu 26:28

ngbanga ti so ayeke mene ti mbi, mene so abongbi azo na Nzapa na ya ti *mbuki; mene so atuku ndali ti gba ti azo titene azi siokpari ti ala.

2 Korente 6:2

Biani, Nzapa atene: “So ngoi ni alingbi, mbi sara na mo ye so mo hunda. So lango ti songo azo na kuâ alingbi, mbi mu na mo maboko.” Baa, taa nzoni ngoi ni alingbi awe, taa lango ti songo azo na kuâ alingbi awe.

Efeze 1:6

Ayeke nzoni e sepela gonda ti Nzapa ndali ti anzoni ye so lo mu na e gbani gbani na nzoni be na lege ti molenge ti lo so lo ye lo mingi.

Ahebro 12:24

Ala ga nduru na Jésus awe, lo so lo leke tënë ti fini *mbuki; ala ga nduru awe na mene ti Jésus so atuku ndali ti azo si ayeke tene nzoni tënë ahon mene ti Abel.

Ahebro 5:7

Na ngoi so Jésus ayeke na sese so, lo hinga so Nzapa alingbi ti soo lo na kuâ. Lo sambela, lo voro tere ti lo na Nzapa, lo dekongo, lo toto na ngu ti le. Nzapa ama lo, ngbanga ti so lo sara tere ti lo kete si lo ma yanga ti Nzapa.

Ahebro 8:6

Biani, Nzapa amu na Jésus kota kua so ahon ti ambeni wayango-sandaga kue, ngbanga ti so lo yeke zo ti lekengo tënë ti mbeni *mbuki so ayeke nzoni ahon ti kozo ni. Mbuki ni so ayeke na ndö ti aye so Nzapa amu zendo ni na azo, aye so ayeke nzoni ahon atanga ni kue.