Ésaïe 49:25 - Mbeti ti Nzapa - Tënë so amu fini

²⁵ Biani, tënë so KOTA GBIA atene ayeke so: “Ngbaa so ngangu zo ti bira agbu lo, mbi yeke gboto ngbaa ni na maboko ti lo. Ye so zo ti sarango ngangu na azo agbu na bira, mbi yeke gboto ni na maboko ti lo. Jérusalem, mbi wani laa mbi yeke tiri na azo so atiri na mo si mbi yeke soo amolenge ti mo.

Ésaïe 49:25 ပူးပေါင်းရင်းမြစ်များ

Tongo nda ti aye 12:3

Fade mbi yeke sara tufa na ndö ti azo so ayeke sara tufa na ndö ti mo. Mbi yeke deba zo so ayeke deba mo. Na lege ti mo, a yeke sara tufa na ndö ti azo ti asewa ti dunia kue.”

Abia (Psaumes) 35:1

Bia ti David. *KOTA GBIA, bi tënë na li ti azo so ayeke bi tënë na li ti mbi; tiri na azo so ayeke tiri na mbi.

Ésaïe 10:27

Na lango ni so, kungba so ayeke na ndö ti go ti ala, azo ti mbi, ayeke zi; *zuge so ane na go ti ala ayeke fâ ndali ti konongo ti ala.

Ésaïe 10:6

Mbi tokua lo na tere ti amara so ake mbi, mbi tokua lo ti gue hio na tere ti azo so asara si ngonzo ti mbi alondo. Mbi tokua lo ti nzi ye ti azo ni, ti gbu aye ti ala tongana ti so a yeke gbu ye na peko ti bira, ti do ala na gbe ti gere tongana ti so zo ayeke do ya ti potopoto na ndö ti lege.

Ésaïe 14:1

Biani, fade *KOTA GBIA ayeke baa mawa ti Jacob; lo yeke kiri ti soro Israel. Lo yeke zia azo ti Israel ti duti na kodro ti ala wani. Awande ayeke bongbi oko na ala si ala kue ayeke ga azo ti Jacob.

Ésaïe 14:2

Amara nde ayeke ga ti mu azo ti Israel ti kiri na ala na kodro ti ala. Na sese so ayeke ti KOTA GBIA, azo ti Israel ayeke mu amara ni ti ga angbaa ti ala, akoli na awali. Azo so lani agbu azo ti Israel na kanga so, fade azo ti Israel ayeke gbu ala ti ga azo ti kanga; ala yeke sara komandema na ndö ti azo so asara lani ngangu na ala.

Ésaïe 19:20

So ayeke mbeni ye so ayeke fa atene, KOTA GBIA so ayeke na ndö ti dunia kue ayeke na ya ti kodro ti Ezipte. Tongana azo ti Ezipte adekongo na KOTA GBIA ndali ti azo so ayeke sara ngangu na ala, fade lo yeke tokua mbeni wasongo ala so ayeke gbu koko ti ala si ayeke zi ala.

Ésaïe 25:4

Biani, mo yeke ndo so azo so ayeke na ngangu pepe ayeke kpe daa ti bata tere ti ala, mo yeke ndo ti batango tere ti awayere so ye ti ngangu asi na ala. Mo yeke tongana gbefa ti bata zo ndali ti ngu-Nzapa, gbe ti de ti bata zo ndali ti ndo-wâ. Biani, pupu ti yanga ti azo ti sarango ngangu na zo ayeke tongana ngangu pupu ti ngu-Nzapa so apika tere ti da,

Ésaïe 25:9

Na lango ni so, fade azo ayeke tene: “*KOTA GBIA laa ayeke Nzapa ti e. E zia be ti e lani ti ku lo si lo soo e. KOTA GBIA laa e zia be ti e ti ku lo. Ayeke nzoni e duti na ngia, e dodo na ngia, ndali so lo soo e awe!

Ésaïe 33:22

Biani, KOTA GBIA ayeke fâ ngbanga na popo ti e, lo laa lo yeke fa na e ndia. KOTA GBIA ayeke gbia ti e, lo laa lo yeke soo e.

Ésaïe 35:4

Ala tene na azo so be ti ala awoko so, atene: “Ala gbu ngangu, ala sara mbeto pepe! Baa, Nzapa ti ala laa. Lo ga ti kiri peko ti sioni na azo so asara sioni, ti futa awato ti ala ndali ti sioni so awato ni asara na ala. Lo wani, lo ga ti soo ala.”

Ésaïe 40:2

Ala tene tënë ti mu ngangu na be ti Jérusalem, ala dekongo na lo atene: “Kua ti lo ti ngbaa ahunzi awe, a zi sioni ti lo na li ti lo awe. Biani, asioni so lo sara, *KOTA GBIA asara si lo wara futa ni fani use.”

Ésaïe 5:29

Toto ti aturugu ti ala ayeke tongana ti mama ti bamara, toto ti ala ayeke tongana ti akete bamara, ala gbu nyama si ala yeke dekongo; ala yeke gue na nyama ni si mbeni zo alingbi ti gboto ni na maboko ti ala pepe.

Ésaïe 51:14

Zo ti kanga so ye ahon ndö ti lo, fafadeso, a yeke zi lo; lo yeke kui na ya ti sururu ti lo pepe, kobe ayeke kiri ti tia lo pepe.

Ésaïe 51:22

Kota Gbia ti mo, KOTA GBIA Nzapa ti mo, lo so lo yeke gbu koko ti azo ti lo, tënë so lo tene ayeke so: “Kopo so ayeke sara si li ti mo aga kirikiri, kopo so ngonzo ti mbi ayeke na ya ni, mbi yeke zi ni na maboko ti mo. Fadeso, mo yeke kiri ti nyon ni pepe.

Ésaïe 54:13

Fade amolenge ti mo kue ayeke ga adisiple ti mbi, ala yeke duti na siriri ahon ndoni.

Jérémie 15:21

Fade mbi yeke gboto mo na maboko ti azo ti sioni; mbi yeke zi mo na maboko ti azo so ayeke sara ngangu na zo.”

Jérémie 29:10

“Tënë so KOTA GBIA akiri atene ayeke so: ‘Tongana ngu balembarambara so a diko ndali ti Babilone so ahon awe, mbi yeke ga ti baa lege ti ala; nzoni ye so mbi mu zendo ti sarango ni na ala, fade mbi yeke sara ni: mbi yeke kiri na ala ge na Jérusalem.

Jérémie 31:11

Biani, KOTA GBIA azi azo ti Israel awe, lo zi ala na maboko ti mbeni zo so ayeke ngangu ahon ala.

Awayango-sandaga 25:54

Tongana a kiri avo zo ni alingbi na mbeni oko lege so a fa so pepe, fade zo ni ayeke sigigi yamba na gbe ti ngbaa, lo na amolenge ti lo na ngu ti kiringo na nengo ti azo ti Israel.”

Nahum 2:13

Bamara ni ayeke fâ nyama, lo yeke suru ya ti nyama ni, lo zia na wali ti lo nga na amolenge ti lo. Lo yeke sara si ya ti du ti lo asi singo na anyama; du ti lo so lo yeke lango daa so asi singo na anyama so lo suru ya ti ala kete kete.

Zakarii 14:12

Amara so atiri lani bira na azo ti Jérusalem so, baa, aye ti sioni so KOTA GBIA ayeke sara titene ati na ndö ti ala laa: so ala ngba na le ti ala gi tongaso, fade kasa ti tere ti ala ayeke fun gi fungo, le ti ala ayeke fun na ya ti da ni, menga ti ala ayeke fun na ya ti yanga ti ala.

Zakarii 14:3

Na pekoni, fade KOTA GBIA ayeke londo ti tiri bira na amara so; lo yeke tiri na ala tongana ti so lo yeke sara lakue na ngoi ti bira.

Zakarii 9:11

*KOTA GBIA atene: “Ndali ti *mbuki so mbi na mo, e sara, na lege ti mene ti asandaga so, fade mbi yeke zi ambeni zo ti mo so akanga ala na ya ti du so ngu ayeke daa pepe.

Marc 3:27

“Titene mbeni zo ali na ya ti da ti mbeni ngangu koli ti nzi ye, ayeke nzoni lo kanga koli ni si fade lo lingbi ti nzi aye ti da ni.

Galasii 4:26

Me Jérusalem ti yayu ayeke na gbe ti ngbaa pepe; Jérusalem so laa ayeke mama ti e.

1 Jean 3:8

Zo so ayeke sara siokpari, lo yeke zo ti Zabolo, ngbanga ti so Zabolo ayeke sara siokpari, ngbene ye na tongo nda ni. Molenge ti Nzapa aga mbirimbiri ti buba aye so Zabolo ayeke sara.

Aye so Nzapa afa 18:20

Ala so kue ayeke na yayu, ala duti na ngia ndali ti so Babilone ati awe! Ala azo ti Nzapa, *awatokua ti Nzapa, awayanga-Nzapa, ala duti na ngia ndali ti so Nzapa afâ ngbanga na li ti Babilone ndali ti ye so lo sara na ala!