Ésaïe 49:24 - Mbeti ti Nzapa - Tënë so amu fini

²⁴ Ye so ngangu zo ti bira agbu na bira, zo alingbi ti zi ni na maboko ti lo? Ngbaa so zo ti sarango ngangu na azo agbu lo zo alingbi ti gboto ngbaa ni na maboko ti lo?

Ésaïe 49:24 ပူးပေါင်းရင်းမြစ်များ

Esdras 9:13

Nzapa ti e, akpale so kue asi na e ndali ti asioni sarango ye ti e nga ndali ti kota sioni ye so e sara. Me mo fâ ngbanga na li ti e alingbi na asioni ti e ni pepe. Mo sara si e ngba na fini, e so e yeke ge so.

Esdras 9:9

Biani, e yeke ando angbaa, me mo Nzapa ti e, mo zia e na ya ti ngbaa ni pepe. Mo sara si agbia ti Perse asara nzoni be na e; ala kiri fini na e si e lingbi ti leke kota da ti mo nga na agbagba ni so a kungbi ando na sese; e wara ndo so e lingbi ti duti daa na Jérusalem nga na sese ti Juda si sioni ye asi na e pepe.

Néhémie 9:33

Na ya ti aye so kue asi na e, mo sara ye mbirimbiri nga na lege ti taa-tënë; me ti e, e sara ye so ayeke sioni.

Néhémie 9:37

Sese ni ayeke du ale ti kobe gbani gbani gi ndali ti agbia so mo zia ala na li ti e. Mo zia agbia ni na li ti e ndali ti siokpari ti e. Ala yeke sara komandema na ndö ti e nga na ndö ti anyama ti e tongana ti so be ti ala aye. Ti e, e yeke na ya ti kota mawa!”

Ésaïe 42:22

Me fadeso ala yeke azo so a nzi aye ti ala kue, a mu aye na tere ti ala kue. A kanga ala kue na ya ti kota du, a honde ala na da ti kanga. A nzi aye ti ala kue, zo oko ti zi ala ayeke daa pepe. A mu aye na tere ti ala kue, zo oko ayeke daa pepe ti tene: “Ala kiri na aye ni!”

Ésaïe 5:29

Toto ti aturugu ti ala ayeke tongana ti mama ti bamara, toto ti ala ayeke tongana ti akete bamara, ala gbu nyama si ala yeke dekongo; ala yeke gue na nyama ni si mbeni zo alingbi ti gboto ni na maboko ti ala pepe.

Ésaïe 53:12

Ndani laa mbi mu na lo ndo na popo ti akota zo; ye so a gbu na peko ti bira, lo na azo ti ngangu laa ayeke kangbi ni. Biani, lo wani, lo ka tere ti lo na kuâ, a diko lo na popo ti azo ti sioni, ngbanga ti so lo yo siokpari ti gba ti azo, lo gbu koko ti azo ti sioni.

Ezekiel 37:11

Na pekoni, KOTA GBIA atene na mbi: “Molenge ti zo, abio so ayeke limo ti azo ti Israel kue laa. Azo ti Israel atene: ‘E yeke tongana akuru bio, mbeni ye titene e zia be ti e ti ku ayeke daa pepe; ti e ahunzi awe!’

Ezekiel 37:3

KOTA GBIA ahunda mbi: “*Molenge ti zo, abio so alingbi ti kiri ti duti na fini?” Mbi kiri tënë: “Kota Gbia NZAPA, mo laa mo hinga!”

Nahum 2:13

Bamara ni ayeke fâ nyama, lo yeke suru ya ti nyama ni, lo zia na wali ti lo nga na amolenge ti lo. Lo yeke sara si ya ti du ti lo asi singo na anyama; du ti lo so lo yeke lango daa so asi singo na anyama so lo suru ya ti ala kete kete.

Matthieu 12:29

“Zo alingbi ti li na ya ti da ti zo ti ngangu ti gbu akungba ti lo ti hon na ni gi tongana lo kanga zo ti ngangu ni kozoni si. Tongana lo kanga zo ti ngangu so awe, lo lingbi ti nzi akungba ti da ni kue ti hon na ni.

Marc 3:27

“Titene mbeni zo ali na ya ti da ti mbeni ngangu koli ti nzi ye, ayeke nzoni lo kanga koli ni si fade lo lingbi ti nzi aye ti da ni.