Ésaïe 49:23 - Mbeti ti Nzapa - Tënë so amu fini

²³ Agbia ayeke ga ababâ ti batango ala, amolenge ti agbia ti wali ayeke ga amama ti batango ala. Agbia ni ayeke kuku, akpo li ti ala na sese na dawa ti mo, ala yeke su sese so ayeke na tere ti gere ti mo. Tongaso fade mo yeke hinga, mo tene: mbi yeke KOTA GBIA; azo so azia be ti ala na ndö ti mbi, kamene ayeke gbu le ti ala pepe.”

Ésaïe 49:23 ပူးပေါင်းရင်းမြစ်များ

Tongo nda ti aye 27:29

Ayeke nzoni amara nde asara kua na gbe ti mo si azo ti akodro nde nde akuku na gbe ti mo! Mo ga makonzi ti a-ita ti mo si a-ita ti mo akuku na gbe ti mo! Deba aga na ndö ti zo so ayeke deba mo, tufa aga na ndö ti zo so ayeke sara tufa na ndö ti mo!”

Tongo nda ti aye 43:26

Tongana Joseph akiri na da awe, ala mu aye so ala ga na ni so, ala mu na lo. Ala kuku akpo li ti ala na sese na gbe ti lo.

Abia (Psaumes) 138:4

KOTA GBIA, ayeke nzoni agbia ti sese kue amu singila na mo, ngbanga ti so ala ma atënë ti yanga ti mo.

Abia (Psaumes) 25:3

Azo so azia be ti ala ti ku mo, kamene ayeke gbu ka ala pepe. Me ala so aka mo senge senge, ala laa kamene ayeke gbu ala.

Abia (Psaumes) 34:22

Sioni ti zo ti sioni laa ayeke fâ lo; ti awato ti azo ti mbirimbiri, fade a yeke fâ ngbanga na li ti ala.

Abia (Psaumes) 68:31

Suku na nyama ti asosongo, suku na gba ti akoli-bagara nga na gba ti akete bagara, ala so aga ti kuku na gbe ti mo ti mu na mo ale ti nginza. Azo so aye gi bira so, kangbi ya ti ala kirikiri.

Abia (Psaumes) 69:6

Nzapa, mo hinga buba ti mbi kue, asioni ti mbi ahonde na le ti mo pepe.

Sigingo 6:7

Mbi yeke sara titene ala, azo ti Israel, ala ga azo ti mbi si mbi yeke duti Nzapa ti ala. Ala yeke hinga atene, mbi laa mbi yeke KOTA GBIA, Nzapa ti ala, lo so lo zi ala na gbe ti angangu kua ti Ezipte.

Ésaïe 14:1

Biani, fade *KOTA GBIA ayeke baa mawa ti Jacob; lo yeke kiri ti soro Israel. Lo yeke zia azo ti Israel ti duti na kodro ti ala wani. Awande ayeke bongbi oko na ala si ala kue ayeke ga azo ti Jacob.

Ésaïe 14:2

Amara nde ayeke ga ti mu azo ti Israel ti kiri na ala na kodro ti ala. Na sese so ayeke ti KOTA GBIA, azo ti Israel ayeke mu amara ni ti ga angbaa ti ala, akoli na awali. Azo so lani agbu azo ti Israel na kanga so, fade azo ti Israel ayeke gbu ala ti ga azo ti kanga; ala yeke sara komandema na ndö ti azo so asara lani ngangu na ala.

Ésaïe 25:9

Na lango ni so, fade azo ayeke tene: “*KOTA GBIA laa ayeke Nzapa ti e. E zia be ti e lani ti ku lo si lo soo e. KOTA GBIA laa e zia be ti e ti ku lo. Ayeke nzoni e duti na ngia, e dodo na ngia, ndali so lo soo e awe!

Ésaïe 26:8

Biani, KOTA GBIA, lege so mo mu yanga titene e hon daa, e zia be ti e ti ku mo. Ye so nzara ni agbu be ti e ayeke ti dabe ti e na mo.

Ésaïe 29:22

Ndani laa, tënë so KOTA GBIA atene na azo ti Jacob, lo so lo soo Abraham ayeke so: “Fadeso, kamene ayeke kiri ti sara azo ti Jacob pepe, kamene ayeke kiri ti gbu le ti ala pepe.

Ésaïe 41:20

Tongaso, fade azo kue ayeke baa, azo kue ayeke hinga, ala kue ayeke ma ya ni atene, aye so kue, maboko ti KOTA GBIA laa asara ni, Nzapa ti Israel so ayeke nde si ayeke nzoni kue.

Ésaïe 43:10

Ala laa ayeke azo ti tenengo tënë ti ye so ala hinga na ndö ti mbi, so tënë ti yanga ti *KOTA GBIA laa; ala laa ayeke azo ti kua ti mbi so mbi soro ala. Mbi ye titene ala hinga mbi, ala zia be ti ala na ndö ti mbi si ala hinga biani so mbi yeke Nzapa. Kozo ti mbi, mbeni nzapa oko ayeke daa pepe, na peko ti mbi, mbeni nzapa oko ayeke duti daa pepe.

Ésaïe 45:14

Tënë so *KOTA GBIA atene ayeke so: “Israel, lengo ti kua ti azo ti Ezipte, ye ti ngere ti azo ti Etiopii, azo ti Seba, ayongoro zo so, ala so kue ayeke hon na ndo ti mo, ala yeke ga ti mo. Fade a yeke kanga ala kangango na zingiri si ala yeke tambula na peko ti mo; ala yeke kuku na gbe ti mo si ala yeke tene tënë so na mo tongana sambela: ‘Nzapa ayeke gi na ndo ti mo oko, mbeni nzapa nde ayeke daa pepe, gi lo oko.’ ”

Ésaïe 45:17

Me KOTA GBIA asoo azo ti Israel, lo soo ala ndali ti lakue lakue. Fade kamene ayeke sara ala pepe, kamene ayeke gbu le ti ala pepe lakue lakue, kpu na kpu.

Ésaïe 49:7

Mo so lani azo abaa mo tongana mbumbuse zo, so be ti azo kue ake mo, mo so mo yeke ngbaa ti azo ti sarango ngangu na zo, *KOTA GBIA, lo so lo zi azo ti lo, Nzapa ti Israel so ayeke nde si ayeke nzoni kue, tënë so lo tene na mo ayeke so: “Tongana agbia ayeke baa ande mo, ala yeke londo na ndö ti mbata ti ala; tongana amakonzi ayeke baa mo, ala yeke kuku akpo li ti ala na sese na dawa ti mo.” Ye ni ayeke si ndali ti KOTA GBIA so ayeke sara ye alingbi na tënë ti yanga ti lo, ndali ti Nzapa ti Israel so ayeke nde si ayeke nzoni kue, lo so lo soro mo.

Ésaïe 50:7

Kota Gbia NZAPA laa ayeke mu na mbi maboko, ndani laa zongango ndo ti ala asara ye oko na mbi pepe. Mbi sara si ndö ti le ti mbi akpengba tongana têne. Mbi hinga, mbi tene, fade kamene ayeke sara mbi pepe.

Ésaïe 52:15

Me fadeso, li ti azo ti mara mingi akpe ndali ti lo, tënë ahunzi na yanga ti agbia. Biani, ye so a tene ando tënë ni na ala pepe, ni laa ala yeke baa ni; ye so ala ma ando tënë ni pepe, ni laa ala yeke baa ni.”

Ésaïe 52:6

Ndani laa, na lango ni so, azo ti mbi ayeke hinga iri ti mbi; ala yeke hinga atene, mbi laa mbi tene: Mbi laa mbi yeke ga so!”

Ésaïe 60:14

Amolenge ti azo so lani asara ngangu na mo, fade ala yeke ba li ti ala na sese si ala yeke ga na mbage ti mo; azo so lani abaa mo tongana mbumbuse zo, ala yeke ga ti kuku na gbe ti mo. Ala yeke iri mo: “Gbata ti KOTA GBIA”, “*Sion, gbata ti Nzapa ti Israel so ayeke nde si ayeke nzoni kue.”

Ésaïe 60:16

Fade mo yeke nyon ngu ti me ti bagara ti amara nde, mo yeke te anzoni ye ti agbia ti ala. Tongaso, fade mo yeke hinga, mo tene, mbi KOTA GBIA laa mbi yeke wasongo mo, wazingo mo, ngangu Nzapa ti Jacob.

Ésaïe 60:3

Tongaso azo ti amara nde ayeke gue na mbage ti lumiere ti mo si agbia ayeke gue nga na mbage ti mo ndali ti vurungo ndo ti mo so ato nda ni.

Ésaïe 62:2

Fade amara nde ayeke baa so a zi mo polele, agbia kue ayeke baa gonda ti mo. A yeke mu fini iri na mo, KOTA GBIA laa ayeke di iri ni.

Ésaïe 64:4

Azo so ayeke sara ye ti mbirimbiri na ngia, ala so ayeke dabe ti ala na mo si ala yeke tambula na lege ti mo, mo yeke ga ti tengbi ala. Me so mo sara ngonzo mingi so, nda ni ayeke so e sara siokpari. Andaa, gi na ndö ti alege ti giriri so laa e yeke soo ande kuâ.

Ezekiel 37:6

Mbi yeke zia akamba ti tere na tere ti ala, mbi yeke sara titene kasa ti tere ti ala asigigi si mbi yeke kanga tere ti ala na poro. Na pekoni, mbi yeke zia pupu na ya ti ala si ala yeke kiri ti duti na fini. Tongaso, fade ala yeke hinga atene, mbi laa mbi yeke KOTA GBIA.”

Joël 2:27

Tongaso, fade ala yeke hinga atene, mbi yeke na popo ti ala, azo ti Israel, mbi laa mbi yeke KOTA GBIA, Nzapa ti ala; mbeni nzapa nde ayeke daa pepe. Kamene ayeke kiri ti gbu le ti azo ti mbi laoko pepe.”

Mishe 7:17

Fade ala yeke su fuku ti sese tongana ngbo, tongana anyama so ayeke hara na sese. Na mbeto na be ti ala, ala yeke sigigi na ya ti angangu gbagba ti ala ti bira ti ga na mo KOTA GBIA, Nzapa ti e. Fade mbeto ayeke hon ndö ti ala mbeto ti mo ayeke sara ala.

Wungo ti azo 11:12

Mbi laa, mbi mu ngo ti azo so kue? Mbi laa mbi du ala? Si mo tene na mbi: yo ala tongana ti so mama ti molenge ayeke yo kete molenge ti lo ti mu me na lo; mo yo ala ngbii asi na sese so mbi mu na akotara ti ala na lege ti zendo so.

Matthieu 25:16

Lo so lo wara ale ti lôro ngbangbo oku so ague hio si lo de buze na ni, lo kiri lo wara ambeni le ti lôro ngbangbo oku na ndö ni.

Rome 10:11

Mbeti ti Nzapa atene: “Zo so ama na be na lo, fade kamene ayeke sara lo pepe.”

Rome 5:5

Ye so e zia be ti e ti ku ni, e yeke ku ni gbaa pepe, ngbanga ti so Nzapa azia ndoye ti lo na be ti e na lege ti Yingo-Vuru so lo mu na e.

Rome 9:33

tongana ti so Mbeti ti Nzapa atene: “Baa, mbi zia na ya ti gbata ti *Sion mbeni têne so asara si zo aye ti ti; kota têne so ayeke kinda zo. Me zo so ama na be na lo, fade kamene ayeke sara lo pepe.”

1 Pierre 2:6

Biani, na ya ti Mbeti ti Nzapa, a tene: “Ala baa, mbi soro mbeni têne ti ngangu ngere si mbi zia ni na gbata ti *Sion; têne ni ayeke ngangu têne ti gere ti da. Zo so azia be ti lo na ndö ti têne ni, fade kamene ayeke gbu lo pepe.”

Aye so Nzapa afa 3:9

Baa, ambeni zo atene, ani yeke azuife, andaa ala yeke taa azuife pepe. Ala yeke tene mvene, ala yeke azo ti bongbi ti Satan. Fade mbi yeke sara titene ala ga, ala kuku na gbe ti mo si ala hinga atene, mbi ye mo.