Ésaïe 49:18 - Mbeti ti Nzapa - Tënë so amu fini

¹⁸ Yo le ti mo na nduzu, mo baa ndo na tere ti mo: amolenge ti mo kue abongbi, ala yeke ga na mbage ti mo. KOTA GBIA atene: Fini ti mbi! Amolenge ni ayeke ga ande tongana ye ti go so zo ayeke zia na go ti lo; ala yeke ga tongana pendere kamba ti ndö ti bongo so wali so aye ti mu koli ayeke kanga na ya ti lo.

Ésaïe 49:18 ပူးပေါင်းရင်းမြစ်များ

Tongo nda ti aye 13:14

Na peko ti so Lot na Abram akangbi tere awe, KOTA GBIA atene na Abram: “Luti na ndo so mo yeke daa so, yo le ti mo na nduzu, mo baa ndo na mbage ti Banga, na mbage ti Mbongo, na mbage ti To, na mbage ti Do.

Tongo nda ti aye 22:16

lo tene na lo: “So tënë ti yanga ti KOTA GBIA laa: Ndali ti so mo sara tongaso si mo gbanzi oko molenge ti mo na mbi pepe, mbi deba na iri ti mbi wani,

Amato 17:6

Ye so ayeke sara nengo ti atara ayeke amolenge ti amolenge ti ala; ye so ayeke sara gonda ti amolenge ayeke ababâ na amama ti ala.

Ésaïe 45:23

Mbi deba na iri ti mbi wani, tënë so asigigi na yanga ti mbi ayeke taa-tënë; mbi yeke sanze ye oko daa pepe: fade azo ayeke kuku na gbe ti mbi, azo kue ayeke deba yanga ti ala na iri ti mbi.

Ésaïe 49:12

Baa! Ala londo yongoro si ala yeke ga: ambeni alondo na mbage ti Banga, ambeni na mbage ti Do, ambeni na mbage ti Mbongo, na mbage ti Ezipte.”

Ésaïe 49:22

Tënë so Kota Gbia NZAPA atene ayeke so: “Baa, mbi yeke sara maboko na amara nde, mbi yeke yo bendere na nduzu na mbage ti azo. Azo ni ayeke yo amolenge ti mo ti koli na ya ti maboko ti ala ti ga na ala, ala yeke yo amolenge ti mo ti wali na ndö ti go ti ala ti ga na ala.

Ésaïe 52:1

*Sion, zingo, zingo hio si! Mo fa ngangu ti mo! Jérusalem, gbata so ayeke nde si ayeke nzoni kue, yu apendere bongo ti mo! Biani, azo so afâ *ganza pepe nga na azo so aga *sioni awe ayeke kiri ti si na ndo ti mo pepe.

Ésaïe 54:7

Gi na ya ti kete ngoi, mbi zia mo lani; me mbi baa mawa ti mo mingi, mbi yeke kiri ti mu mo.

Ésaïe 54:9

“Mbi yeke sara ye tongana ti so mbi sara ando na ngoi ti Noe. Ando, mbi deba yanga ti mbi, mbi tene, fade ngu ayeke kiri ti suku ti mu ndö ti sese kue pepe. Legeoko nga, mbi deba yanga ti mbi, mbi tene, fade mbi yeke kiri ti sara ngonzo na tere ti mo pepe, mbi yeke kiri ti suku na mo pepe.

Ésaïe 61:10

Mbi yeke na ngia mingi ndali ti *KOTA GBIA. Be ti mbi asi singo na ngia ndali ti Nzapa ti mbi. Biani, lo soo mbi na kuâ si aga tongana bongo ti matanga na tere ti mbi. Lo yu mbirimbiri na tere ti mbi tongana kota bongo. Mbi kpa koli so amu wali na fini ni si lo zia kpoto ti gbia na li ti lo tongana ti wayango-sandaga, wala wali so amu koli na fini ni si lo yu aye ti pendere.

Ésaïe 66:20

Tongaso, azo ti amara ni ayeke mu a-ita ti ala, azo ti Israel kue ti kiri na ala: amara ni ayeke ga na a-ita ti ala ni na ndö ti mbarata, na ya ti apusu, na ya ti apusu ti mbarata so a sara da na ndö ni, na ndö ti *apâkârâ, na ndö ti *azambala ngbii ala si na Jérusalem, na ndö ti hoto ti mbi so ayeke nde si ayeke nzoni kue. Ye ni ayeke duti tongana *sandaga ti ala so ala mu na mbi. Mbi yeke yeda na ni tongana sandaga so azo ti Israel ayeke zia na ya ti sembe so ayeke *nzoni si ala yeke ga na ni na ya ti kota da ti mbi. Tënë so mbi KOTA GBIA, mbi tene laa.

Jérémie 2:32

Maseka-wali alingbi ti girisa aye ti pendere ti lo? Wali so ayeke ku ti mu koli alingbi ti girisa bongo ti matanga ti mungo tere ni? Oko pepe! Me azo ti mbi agirisa mbi lango mingi, zo alingbi ti diko wungo ni pepe.”

Jérémie 31:8

Mbi yeke mu ala na kodro ti mbage ti Banga ti kiri na ala; mbi yeke sara titene ala londo na nda ti sese kue ti bongbi na ndo oko. Na popo ti ala, awaziba ayeke daa, azo ti bubango gere, awali so ayeke na ngo na ala so ya ti ala ayeke so ti du. Gba ti azo laa ayeke kiri na ndo so.

Jérémie 43:12

Lo yeke bi wâ na ya ti ada ti anzapa ti azo ti Ezipte; lo yeke gbi anzapa ni wala lo yeke gbu ala ti gue na ala na Babilone. Lo yeke ro aye ti Ezipte kue tongana ti so wabatango-taba ayeke ro asiri na ya ti bongo ti lo. Na pekoni, lo yeke mu lege ti hon, ye ti sara lo ayeke daa pepe.

Ezekiel 33:11

Tene na ala, mo tene: Fini ti mbi! So tënë ti yanga ti Kota Gbia NZAPA laa. Mbi yeke wara ngia ndali ti kuâ ti zo ti sioni? Ye so anzere na be ti mbi ayeke titene zo ti sioni azia sioni lege ti sarango ye ti lo si lo duti na fini. Ala azo ti Israel, ala zia sioni lege ti sarango ye ti ala, ala zia ni! Ala ye ti kui ngbanga ti nyen?

Wungo ti azo 14:21

Me na iri ti mbi KOTA GBIA so mbi yeke na fini si gonda ti mbi asi singo na ndö ti sese kue:

Jean 4:35

Ala yeke tene: ‘Angba nze osio titene ngoi ti fango ale ti kobe ti yaka asi.’ Me mbi tene na ala: ala yo le ti ala na nduzu, ala baa ndo: ale ti kobe ni abe, alingbi titene a fâ ni awe!

Aye so Nzapa afa 21:2

Mbi baa gbata so ayeke nde si ayeke nzoni kue, fini Jérusalem, so alondo na yayu na tere ti Nzapa si ayeke zu ti ga. Gbata ni aleke tere ti lo tongana mbeni wali so aye ti mu koli na fini ni si ayu aye ti pendere ti yamba na koli ti lo.

Aye so Nzapa afa 22:15

Na gigi, azo so sarango ye ti ala akpa ti mbo, azo ti guengo na gbe ti yoro, azo ti sarango aye ti ndumba, azo ti fango zo nga na azo so aye mvene si ayeke tene mvene!