Ésaïe 49:17 - Mbeti ti Nzapa - Tënë so amu fini

¹⁷ Azo so ayeke kiri ti leke mo amu loro ti ga; me azo so akungbi mo, ala so abuba mo, ala yeke hon yongoro na tere ti mo.

Ésaïe 49:17 ပူးပေါင်းရင်းမြစ်များ

Esdras 1:5

Tongaso azo so ayeke na li ti asewa ti mara ti Juda na ti Benjamin, awayango-sandaga na azo ti mara ti Lévi alondo ti gue ti leke kota da ti KOTA GBIA so ayeke na Jérusalem. Ala na azo so kue Nzapa azia na be ti ala nzara ti sarango da ni laa ague.

Néhémie 2:17

Tongaso, mbi tene na ala: “Ala baa mawa so e yeke na ya ni so! Gbata ti Jérusalem ati awe, wâ agbi ayanga ti gbagba ni kue awe. E londo, e kiri e leke gbagba ti Jérusalem, tongaso si e zi kamene na le ti e!”

Abia (Psaumes) 137:3

Kâ, azo so agbu e na ya ti bira si aga na e ge so ahunda na e ti he bia; azo so asara ngangu na e ahunda na e ti he bia ti ziango ngia na be ti zo, ala tene: “Ala he na e mbeni bia ti Sion!”

Ésaïe 10:6

Mbi tokua lo na tere ti amara so ake mbi, mbi tokua lo ti gue hio na tere ti azo so asara si ngonzo ti mbi alondo. Mbi tokua lo ti nzi ye ti azo ni, ti gbu aye ti ala tongana ti so a yeke gbu ye na peko ti bira, ti do ala na gbe ti gere tongana ti so zo ayeke do ya ti potopoto na ndö ti lege.

Ésaïe 37:18

KOTA GBIA, taa-tënë, agbia ti Asirii ahunzi amara nde kue si ala buba akodro ti amara ni.

Ésaïe 49:19

Ti fadeso, mo yeke na popo ti aye so abuba awe, kodro ti mo aga ngonda awe, sese so aga ndo ti gba ti atêne; fade ndo ni ayeke ga kete mingi, ayeke lingbi na azo so ayeke lango daa pepe. Me azo so lani abuba mo so ayeke hon yongoro na tere ti mo.

Ésaïe 51:13

Be ti ala agirisa na KOTA GBIA awe; lo laa lo sara ala, lo laa lo gbara yayu si lo zia gere ti sese. Lakue tere ti ala ayeke do na mbeto na dawa ti ngonzo ti zo ti sarango ngangu na azo, mo baa mo tene, lo lingbi ti fâ ala. Fadeso, ngonzo ti zo ti sarango ngangu na azo ni ayeke na ndo wa?

Ésaïe 60:4

Mo yo le ti mo na nduzu, mo baa ndo na tere ti mo: azo kue abongbi si ala yeke ga na mbage ti mo. Amolenge ti mo ti koli alondo yongoro si ala yeke ga; a yo amolenge ti mo ti wali na ya ti maboko si a yeke ga na ala.

Ésaïe 62:5

Tongana ti so maseka-koli ayeke mu maseka-wali ti ga wali ti lo, legeoko nga, lo so lo yeke kiri ti leke mo, fade lo yeke ga koli ti mo. Tongana ti so fini wali ayeke zia ngia na be ti koli ti lo, fade mo yeke zia ngia na be ti Nzapa ti mo.

Ezekiel 28:24

“Fade amara nde so alango nduru na azo ti Israel ayeke kiri ti baa ala tongana mbumbuse ye pepe. Amara ni ayeke kiri ti duti tongana akeke ti ki ti kpo azo ti Israel pepe, ti suru ala na ka pepe. Tongaso, fade azo ayeke hinga atene, mbi laa mbi yeke KOTA GBIA.

Ezekiel 36:10

Mbi yeke sara titene azo awu mingi na ya ti kodro ti Israel kue; azo ayeke kiri ti lango na ya ti agbata, ando so lani abuba, a yeke kiri ti leke ni.