Ésaïe 49:16 - Mbeti ti Nzapa - Tënë so amu fini

¹⁶ Baa, mbi kpaka iri ti mo na ya ti maboko ti mbi; agbagba ti bira ti mo ayeke na gbe ti le ti mbi lakue.

Ésaïe 49:16 ပူးပေါင်းရင်းမြစ်များ

Sigingo 13:9

Na lege ti ngangu ti maboko ti KOTA GBIA laa, lo zi ala na Ezipte, lo sigigi na ala. Fade matanga so ayeke ga ye ti dango be ti ala, legeoko tongana mbeni nzoroko na tere ti maboko ti ala nga na ndö ti le ti ala. Matanga ni ayeke dabe ti ala so, ala lingbi ti fa *Ndia ti KOTA GBIA na azo.

B. ti abia 8:6

Bata mbi nduru na kate ti mo tongana *ye ti kpongo na nzoroko so a su iri ti mo na ndö ni, tongana ye ti kpongo na nzoroko so mo yu na maboko ti mo. Biani, yengo tere ayeke na ngangu tongana kuâ; nzara ti be ayeke nga ye so aso sioni tongana ndo so akuâ ayeke daa; zo alingbi ti sara ye oko na lo pepe. Yengo tere ayeke gbi ndo tongana wâ, lo yeke sungba tongana bekpa.

Ésaïe 26:1

Na lango ni so, na kodro ti Juda, azo ayeke he bia so: “Gbata ti e ayeke ngangu gbata. *KOTA GBIA asara gbagba ti ya ni na gbagba ti use ni na tere ni ti bata na e.

Ésaïe 54:12

Mbi yeke kiri ti sara ndö ti agbagba ti mo na têne ti rubis, ayanga ti gbagba ti mo na atêne so ayeke za zango, tere ti agbagba ti mo kue na atêne ti ngangu ngere.

Ésaïe 60:18

Fade azo ayeke kiri ti ma tënë ti sarango ngangu na zo na ya ti kodro ti mo pepe; azo ayeke kiri ti ma tënë ti bubango ye wala tënë ti kungbingo da na ya ti sese ti mo pepe. Me fade mo yeke di iri ti gbagba ti mo ti bira “Songo zo na kuâ”, mo yeke di iri ti ayanga ti gbagba ti mo “Sepelango Nzapa”.

Ésaïe 62:6

Jérusalem, na ndö ti gbagba ti mo ti bira, mbi zia asanziri. Na kota lâ wala na bi, ala lingbi ti duti kpoo pepe. “Ala so ayeke dabe ti KOTA GBIA na Jérusalem, ala wu tere ti ala pepe!

Ésaïe 62:7

Ala zia nga lo ti wu tere ti lo pepe, ngbii lo kiri lo leke Jérusalem si, ngbii lo sara titene Jérusalem aga ye ti gonda na ndö ti sese kue.”

Jérémie 17:1

“Tongana ti so a yeke de mbeti na wen na tere ti têne, wala na diaman so li ni ayeke tongana ti pondi, a su siokpari ti azo ti Juda legeoko tongaso na ndö ti be ti ala nga na tere ti adidi ti agbalaka ti ala.

Jérémie 22:24

“Fade mo yeke tene na Konia, molenge ti Yoakim, gbia ti Juda, mo tene: ‘Fini ti mbi! Ataa mo yeke fade tongana *ye ti kpongo na nzoroko so a yeke kpo na ndö ti mbeti si mbi zia na maboko ti mbi ti koli, ka mbi yeke gboto mo ti zi mo na li ti maboko ti mbi; so tënë ti yanga ti KOTA GBIA laa.

Aggée 2:23

So tënë ti yanga ti KOTA GBIA so ayeke na ndö ti dunia kue laa: Na lango ni so, fade mbi yeke mu mo, Zorobabel, molenge ti Shealtiel, mo so mo yeke zo ti kua ti mbi, so tënë ti yanga ti KOTA GBIA laa, mbi yeke zia mo tongana *ye ti kpongo na nzoroko ti mbi, ngbanga ti so, mo laa mbi soro mo; so tënë ti yanga ti KOTA GBIA so ayeke na ndö ti dunia kue laa.’ ”