Ésaïe 49:15 - Mbeti ti Nzapa - Tënë so amu fini

¹⁵ Me KOTA GBIA akiri tënë: “Be ti wali alingbi ti girisa na molenge ti lo so angba ti nyon me? Molenge so asigigi na ya ti lo, lo yeke zia ti baa mawa ti lo? Ataa be ti mama ni agirisa na molenge ni, mbi, be ti mbi ayeke girisa na mo laoko pepe.

Ésaïe 49:15 ပူးပေါင်းရင်းမြစ်များ

Ésaïe 44:21

“Jacob, dabe ti mo na tënë so: Israel, mo yeke zo ti kua ti mbi; mbi leke mo titene mo ga zo ti kua ti mbi. Fade be ti mbi ayeke girisa na mo pepe.

Abia (Psaumes) 103:13

Tongana ti so babâ aye amolenge ti lo mingi, KOTA GBIA aye mingi azo so akpe mbeto ti lo legeoko tongaso.

Matthieu 7:11

Ala so ayeke asioni zo, ala hinga ti mu anzoni ye na amolenge ti ala. Babâ ti ala so ayeke na yayu alingbi biani ti mu anzoni ye na azo so ahunda ni na lo!

Osée 11:1

*KOTA GBIA atene: “So Israel ade ando maseka, mbi ye lo, mbi iri molenge ti mbi ti koli titene lo sigigi na kodro ti Ezipte.

Jérémie 31:20

Efraim ayeke molenge ti mbi ti koli so mbi ye lo ahon ndoni; lo yeke molenge so mbi voro lo mingi. Ndani laa, lakue so mbi yeke tene tënë na tere ti lo, lakue mbi yeke dabe ti mbi na lo. Be ti mbi ayeke na ndö ti lo mingi. Biani, mbi baa mawa ti lo ahon ndoni; so tënë ti yanga ti KOTA GBIA laa.

Malashii 3:17

Na pekoni, tënë so KOTA GBIA so ayeke na ndö ti dunia kue atene laa: “Na lango so mbi yeke fa ngangu ti mbi, azo ni ayeke ga azo ti mbi, ala yeke ga ye ti mbi wani. Fade mbi yeke sara nzoni be na ala tongana ti so babâ ayeke sara nzoni be na molenge ti lo ti koli so ayeke sara kua na lo.

Abia ti demango tere 4:10

Akpale mingi asi na azo ti kodro ti mbi; ndali ni, amama so aye amolenge ti ala mingi, ala wani akiri ayeke to amolenge ti ala ti te.

Abia ti demango tere 4:3

Ataa *anzagua, ala yeke mu ka me na amolenge ti ala, ala yeke baa lege ti kobe ti amolenge ti ala. Me ala azo ti kodro ti mbi, ala ga azo ti sarango sioni ye na azo tongana *anaamo ti benyama.

Rome 1:31

li ti ala ayeke daa pepe, ala yeke azo so asara ye alingbi na zendo ti ala pepe, ala yeke na be ti zo pepe, ala yeke baa mawa ti amba ti ala pepe.

Awayango-sandaga 26:29

Ala yeke te kasa ti tere ti amolenge ti ala ti koli na ti amolenge ti ala ti wali.

Mbeti ti Job 24:20

Be ti amama ti dungo ala ayeke girisa ala, azo ni ayeke ga nzoni kobe ti angusu. Be ti azo ayeke girisa na ala biani biani; sioni sarango ye ti ala ahunzi awe tongana keke so akungbi.

Abia (Psaumes) 27:10

Ataa babâ ti mbi azia mbi-oo, ataa mama ti mbi azia mbi-oo, mo KOTA GBIA laa mo yeke yamba mbi.

Abia (Psaumes) 77:9

Nzoni be ti lo ahon biani biani awe? Fadeso, lo yeke na tënë ti kiri ti tene na e pepe?

Amato 31:2

“Molenge ti mbi, taa molenge ti ya ti mbi! Mo yeke molenge ti zendo so mbi mu; mo ma mbi si.

Ésaïe 14:1

Biani, fade *KOTA GBIA ayeke baa mawa ti Jacob; lo yeke kiri ti soro Israel. Lo yeke zia azo ti Israel ti duti na kodro ti ala wani. Awande ayeke bongbi oko na ala si ala kue ayeke ga azo ti Jacob.

Ésaïe 49:14

*Sion atene: “*KOTA GBIA ado mbi azia awe! Be ti Kota Gbia ti mbi agirisa na mbi awe!”

1 Samuel 12:22

Biani, ndali ti kota iri ti lo, KOTA GBIA ayeke zia azo ti lo pepe, ngbanga ti so lo ye ti mu ala ti ga azo ti lo.

Ésaïe 54:10

Ataa ahoto ahon na mbeni ndo nde, ataa akete hoto ayingi, fade ndoye ti mbi na mbage ti mo ayeke hunzi laoko pepe, *mbuki ti siriri ti mbi na mo ayeke yingi laoko pepe. Mbi KOTA GBIA so mbi yeke baa mawa ti mo laa mbi tene tënë so na mo.”

Jérémie 51:5

Biani, kodro ti ala asi singo na sioni so ala sara ti ke Nzapa ti Israel, lo so lo yeke nde si lo yeke nzoni kue. – Me Nzapa, KOTA GBIA so ayeke na ndö ti dunia kue, ado Israel na Juda azia ala pepe titene ala ga tongana wali-mua. –