Ésaïe 49:11 - Mbeti ti Nzapa - Tënë so amu fini

¹¹ Mbi yeke sara titene ahoto kue aga nzoni lege, mbi yeke kiri ti kanga adu ti alege.

Ésaïe 49:11 ပူးပေါင်းရင်းမြစ်များ

Abia (Psaumes) 107:4

Ambeni ahon kirikiri na ya ti benyama, na ndo so ngu ayeke daa pepe, ala ye ti si na mbeni gbata so azo ayeke daa, me ala wara lege ni pepe.

Abia (Psaumes) 107:7

Lo fa na ala lege so ague mbirimbiri ti si na mbeni gbata so azo ayeke daa.

Ésaïe 11:16

Mbeni lege ayeke duti daa ndali ti tanga ti azo ti lo, azo ti lo so angba na fini na sese ti Asirii. Lege ni ayeke duti tongana lege so azo ti Israel amu ni ando na ngoi so ala londo na Ezipte ti sigigi.

Ésaïe 19:23

Na lango ni so, mbeni lege ayeke londo na Ezipte ti si na Asirii. Azo ti Asirii ayeke gue na Ezipte si azo ti Ezipte ayeke gue na Asirii. Ala kue ayeke bongbi ti voro KOTA GBIA.

Ésaïe 43:19

Baa, mbi yeke sara mbeni fini ye, fini ye ni aga nduru ti si awe; ade ala baa ni pepe? Biani, mbi yeke suru lege na ya ti benyama, mbi yeke sara titene *abale asua na ndo so ahole holengo.

Ésaïe 52:12

Ti so ni, ala yeke sigigi na loro pepe; ala yeke sigigi na ya ti kodro ni pepe tongana azo ayeke kpe kpengo, ngbanga ti so KOTA GBIA laa ayeke tambula na dawa ti ala; Nzapa ti Israel laa ayeke tambula na peko ti ala.

Ésaïe 57:14

*KOTA GBIA atene: “Ala suru lege, ala sara hio, ala leke lege; ala zi ye so kue ayeke kanga lege na azo ti mbi!”

Ésaïe 62:10

Azo ti Jérusalem, ala sigigi, ala sigigi hio na ya ti gbata ni! Ala gue, aleke lege na azo so ayeke kiri, ala kanga adu so ayeke na ndö ti alege, ala zi atêne na ndö ti alege ni, ala yo bendere na nduzu ndali ti azo ni.

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.