Ésaïe 48:9 - Mbeti ti Nzapa - Tënë so amu fini

⁹ Me ndali ti so mbi yeke Nzapa, mbi kanga ngonzo ti mbi. Ndali ti sepelango so alingbi na mbi, mbi kanga be ti mbi na ala, mbi zia lege ti hunzingo ala biani biani.

Ésaïe 48:9 ပူးပေါင်းရင်းမြစ်များ

Abia (Psaumes) 106:8

Me KOTA GBIA asoo ala ti bata nengo ti lo, ti sara si azo ahinga ngangu ti lo.

Abia (Psaumes) 143:11

KOTA GBIA, ndali ti iri ti mo, sara si mbi ngba na fini; na lege ti mbirimbiri ti mo, zi mbi na ya ti ye ti ngangu.

Abia (Psaumes) 25:11

KOTA GBIA, ndali ti iri ti mo, mo zi siokpari ti mbi, siokpari ti mbi so ayeke kota mingi.

Abia (Psaumes) 78:38

Me lo, lo yeke baa mawa ti zo, lo yeke zi sioni na li ti ala, lo yeke fâ ala pepe. Fani mingi, lo kanga lege na ngonzo ti lo, lo sara si sioni ngonzo ti lo alondo pepe.

Abia (Psaumes) 79:9

Nzapa, wasongo e, mu na e maboko si fade azo agonda iri ti mo. Zi e na ya ti aye ti ngangu, zi siokpari na li ti e si fade azo ane iri ti mo.

Amato 19:11

Zo ti hingango ndo ayeke sara ngonzo hio hio pepe; tongana azo asara sioni na lo si lo baa ni tongana ye pepe, tongaso laa lo yeke ne tere ti lo.

Ésaïe 30:18

Me *KOTA GBIA ayeke ku mbeni ngoi ti sara nzoni be na ala, lo yeke londo ti baa mawa ti ala. Biani, KOTA GBIA ayeke Nzapa ti mbirimbiri. Ti ala nzoni, azo so kue azia be ti ala na ndö ti lo!

Ésaïe 37:35

Fade mbi yeke bata gbata so si mbi yeke soo ni ndali ti mbi nga ndali ti David, zo ti kua ti mbi.”

Ésaïe 43:25

Me mbi, gi mbi oko, mbi wani laa mbi yeke zi siokpari na li ti mo; fade mbi yeke kiri ti dabe ti mbi na sioni ti mo pepe.

Ésaïe 48:11

Ndali ti mbi wani, ndali ti mbi wani laa, mbi sara aye ni so. Biani, mbi ke titene a buba iri ti mbi; mbi ke nga titene gonda ti mbi aga ti mbeni zo nde.”

Ésaïe 65:8

Tënë so KOTA GBIA atene ayeke so: Tongana azo awara gba ti ale ti *vinye so abe, ala yeke tene: “E buba ni pepe, ngbanga ti so tufa ayeke na ya ni”. Mbi yeke sara ande gi tongaso ndali ti azo ti kua ti mbi; fade mbi yeke buba ye kue pepe.

Jérémie 14:7

“Tongana asioni ti e ayeke bi tënë na li ti e, ayeke nzoni KOTA GBIA, mo sara mbeni ye ndali ti iri ti mo. Biani, e zia mo fani mingi; e sara sioni so ake mo.

Ezekiel 20:14

Mbi sara ye ni ti bata nengo ti mbi si iri ti mbi abuba pepe na le ti amara nde so abaa mbi na ngoi so mbi sara si azo ti Israel asigigi na sese ti Ezipte.

Ezekiel 20:22

Me mbi kiri na maboko ti mbi; mbi sara ye ni ti bata nengo ti mbi si iri ti mbi abuba pepe na le ti amara nde so lani abaa mbi na ngoi so mbi sara si akotara ti ala asigigi na Ezipte so.

Ezekiel 20:44

Ala azo ti Israel, fade mbi yeke baa ndo na sioni lege ti dutingo ti ala pepe nga na asioni sarango ye ti ala pepe. Me mbi yeke sara na ala ndali ti nengo ti iri ti mbi. Tongaso, fade ala yeke hinga atene, mbi laa mbi yeke KOTA GBIA. So tënë ti yanga ti Kota Gbia NZAPA laa.”

Ezekiel 20:9

Mbi sara tongaso ti bata nengo ti mbi si iri ti mbi abuba pepe na le ti amara nde so akotara ti ala alango ando na popo ti ala. Biani, na le ti amara ni so laa mbi sara si ala hinga mbi, na lege so mbi sara si azo ti Israel asigigi na Ezipte.

Ezekiel 36:21

Tongaso be ti mbi aso ndali ye so: iri ti mbi so ayeke nde si ayeke nzoni kue, azo ti Israel abuba ni na popo ti amara nde so azo ti Israel aga na ndo ti ala.

Josué 7:9

Fade azo ti Kanaan na azo ti kodro ni kue ayeke ma tënë ni; ala yeke bongbi ti ga na ndö ti e si ala yeke hunzi e kue. Nyen laa mo yeke sara ande ti fa atene, mo yeke kota?”

1 Samuel 12:22

Biani, ndali ti kota iri ti lo, KOTA GBIA ayeke zia azo ti lo pepe, ngbanga ti so lo ye ti mu ala ti ga azo ti lo.