Ésaïe 48:8 - Mbeti ti Nzapa - Tënë so amu fini

⁸ Taa-tënë, ala ma tënë ni pepe, ala hinga tënë pepe, ala zi mê ti ala ti ma tënë ni laoko pepe. Mbi hinga, mbi tene, ala yeke azo ti kango zo. Gi so ala de na ya ti mama ti ala, a iri ala ‘Azo ti ngangu li’.

Ésaïe 48:8 ပူးပေါင်းရင်းမြစ်များ

Abia (Psaumes) 40:6

KOTA GBIA, Nzapa ti mbi, mo sara akota ye na aye ti kpene mingi ndali ti e! Mbeni zo ti lingbi na mo ayeke daa pepe. Mbi ye ti tene tënë ni na azo, mbi ye ti fa tënë ni na ala; me atënë ni ayeke gbani, mbi lingbi ti tene ni kue pepe.

Abia (Psaumes) 51:5

Mbi hinga so mbi buba lege ti ndia ti mo awe; siokpari ti mbi ayeke lakue na le ti mbi.

Abia (Psaumes) 58:3

Oko pepe! Taa na be ti ala, ala yeke fâ ngbanga ti sioni ni; na ndö ti sese, ala sara si sarango ngangu na azo amu ndo kue.

Ésaïe 21:2

Na ya ti mbeni ye tongana bango-li, mbi baa mbeni ye so ayeke sioni mingi: zo so lani ayeke na ya ti *mbuki, lo ga zo ti kango azo, zo ti bubango ye ayeke sara kua ti lo. *KOTA GBIA atene: “Azo ti Elam, ala londo na bira ma! Azo ti Medii, ala ngoro gbata ni na bira! Mbi yeke sara titene dema kue akai.”

Ésaïe 26:11

KOTA GBIA, mo yo maboko ti mo na nduzu ti pika ala, me ala baa ni pepe. Fade ala yeke baa so mo yeke na nzara mingi ti sara na azo ti mo, tongaso kamene ayeke gbu le ti ala. Wâ so a leke ndali ti awato ti mo ayeke gbi azo ni.

Ésaïe 33:1

Mawa na mo, mo so mo yeke buba ye si ade a buba mo pepe so! Mawa na mo, mo so mo yeke ka azo si ade ti ka mo pepe so! Tongana mo buba aye kue awe, fade a yeke buba nga mo. Tongana mo ka azo kue awe, fade a yeke ka nga mo.

Ésaïe 42:25

Ndani laa KOTA GBIA atuku na ndö ti Israel ngonzo ti lo ti wâ nga na sioni ye ti bira. Bira ni abi wâ na tere ti ala mbage na mbage kue, me Israel ahinga ye oko daa pepe. Wâ ni agbi azo ni, me tënë ni agbu be ti ala pepe.

Ésaïe 46:8

Ala dabe ti ala na ye so, ala kiri asara ye ti koli! Ala azo ti ngangu li, ala gbu li ti ala!

Ésaïe 47:11

Baa, fade mbeni ye ti mawa ayeke ti na ndö ti mo, mo yeke hinga lege so mo yeke sigigi na ya ni pepe. Baa, mbeni kpale ayeke ti na ndö ti mo, mo yeke hinga lege ti bata tere ti mo daa pepe. Mbeni ngangu pupu ayeke ga na ndö ti mo biaku, mo yeke hinga li ti mo na ni pepe.

Ésaïe 48:4

Mbi hinga kue, ala yeke azo ti ngangu li, li ti ala akpengba tongana wen, li ti ala akpengba mingi.

Ésaïe 48:7

Aye ni ayeke angbene ye ti giriri pepe, fadeso laa mbi yeke sara ni. Ngbene ye ngbii asi laso, ala de ti ma tënë ti aye ni pepe, tongaso si ala tene pepe: ‘E hinga tënë ni kozoni awe.’

Ésaïe 50:5

Kota Gbia NZAPA azi mê ti mbi, mbi sara ngangu li pepe, mbi kiri na peko pepe.

Ésaïe 57:4

Zo wa laa ala yeke he lo so, zo wa? Zo wa laa ala zi yanga ti ala kota na tere ti lo, zo wa? Zo wa laa ala sigigi na menga ti ala na lo, zo wa? Ala yeke amolenge ti ngangu li pepe? Ala yeke azo ti mara ti tenengo mvene pepe?

Jérémie 3:20

Me, ala azo ti Israel, ala handa mbi tongana wali so ayeke handa koli ti lo na lege ti mayere; so tënë ti yanga ti KOTA GBIA laa.

Jérémie 5:11

Azo ti Israel na azo ti Juda ahanda mbi biani awe”; so tënë ti yanga ti KOTA GBIA laa.

Jérémie 5:21

Ala ma tënë so, ala abuba zo so li ti ala ayeke daa pepe so. Ala yeke na le, me ala baa ndo pepe; ala yeke na mê, me ala ma ndo pepe.

Jérémie 6:10

Zo wa laa mbi yeke tene tënë na lo, zo wa? Zo wa laa mbi yeke gboto mê ti lo si lo ma mbi? A fâ mê ti ala na *ganza pepe, ala lingbi ti zia mê ti ala kpoo pepe. KOTA GBIA, ala yeke he tënë ti mo na ngia, tënë ti mo anzere na ala pepe.

Osée 5:7

Ala ka KOTA GBIA, ngbanga ti so ala du amolenge so a hinga babâ ti ala pepe. Fadeso, gi na ya ti nze oko, a yeke hunzi ala kue nga na amosoro ti ala.”

Osée 6:7

“Me ti ala, na ya ti gbata ti Adam, ala buba ya ti *mbuki ni awe. Kâ si ala ka mbi.

Osée 7:9

Awande ayeke gboto ngangu ti azo ti Efraim, me ala hinga ye oko daa pepe; kua ti li ti ala avuru, me ala hinga ye oko daa pepe.

Malashii 2:11

Azo ti Juda asara ye so ayeke nde na tënë ti mbuki ni. Na Jérusalem nga na kodro ti Israel kue, ala sara ye ti sioni mingi. Biani, ndo so a zia ni nde ndali ti KOTA GBIA si lo ye tënë ni mingi so, ala sara si aga buba ye na lege ti mungo ambeni wali so ayeke voro anzapa nde.

Efeze 2:3

E nga kue, e yeke ando tongana ala: e yeke sara aye na lege ti asioni nzara ti be ti e, e yeke sara ye so be ti e aye na ye so anzere na be ti e. E nga, ngonzo ti Nzapa alingbi ti ti na li ti e tongana tanga ti azo kue ndali ti so a du e zo.

Ndia ti fani use ni 31:16

KOTA GBIA atene na Moïse: “Mo ga nduru ti gue na peko ti ababâ ti mo so akui so awe. Na peko ti mo, fade azo so ayeke to nda ti kpe na peko ti anzapa ti awande ti voro ala, anzapa ti kodro so ala, azo ti Israel, ala yeke li daa. Fade azo so ayeke ke mbi si ala yeke buba ya ti *mbuki so mbi na ala e sara ni.

Ndia ti fani use ni 31:18

Me ti mbi, na lango ni so, mbi yeke ngba ti honde le ti mbi na ala ndali ti asioni ye so kue ala yeke sara ande na mungo peko ti anzapa nde.