Ésaïe 48:6 - Mbeti ti Nzapa - Tënë so amu fini

⁶ Ye so mbi fa tënë ni lani na ala, ala ma ni awe, ala baa so ye ni asi awe. Ti ala, fade ala yeke fa tënë ni pepe? Fadeso, mbi yeke fa tënë ti afini ye na ala, afini ye so angba na hondengo ni si ala hinga ni pepe so.

Ésaïe 48:6 ပူးပေါင်းရင်းမြစ်များ

Abia (Psaumes) 107:43

Zo so ayeke na ndara, fade lo yeke gbu li ti lo na ndö ti aye ni si lo yeke hinga lo tene, KOTA GBIA ayeke sara nzoni be.

Abia (Psaumes) 119:13

Mbi diko na yanga ti mbi atënë ti ngbanga so kue mo fâ.

Ésaïe 21:10

Ala azo ti mbi so a pika ala tongana *ble na ndö ti lakere so, tënë so mbi ma na yanga ti KOTA GBIA so ayeke na ndö ti dunia kue, Nzapa ti Israel, tënë ni laa mbi yeke fa na ala so.

Ésaïe 42:20

Lo baa aye mingi, me lo bata ye oko pepe; mê ti lo azi, me lo ma ndo oko pepe.

Ésaïe 42:8

Mbi yeke KOTA GBIA, so iri ti mbi laa. Gonda so ayeke ti mbi, mbi yeke zia na mbeni zo nde pepe; nengo so ayeke ti mbi, mbi yeke zia na ayanda pepe.

Ésaïe 42:9

Akozo ye so asi ahon awe. Fadeso, mbi yeke kiri ti fa na ala afini ni. Kozo si ye ni asi, mbi yeke tene tënë ni na ala.

Ésaïe 43:19

Baa, mbi yeke sara mbeni fini ye, fini ye ni aga nduru ti si awe; ade ala baa ni pepe? Biani, mbi yeke suru lege na ya ti benyama, mbi yeke sara titene *abale asua na ndo so ahole holengo.

Ésaïe 48:7

Aye ni ayeke angbene ye ti giriri pepe, fadeso laa mbi yeke sara ni. Ngbene ye ngbii asi laso, ala de ti ma tënë ti aye ni pepe, tongaso si ala tene pepe: ‘E hinga tënë ni kozoni awe.’

Jérémie 2:31

– Ala, azo ti fadeso, ala ma tënë ti KOTA GBIA mbirimbiri! – Ala, azo ti Israel, mbi ga tongana benyama ndali ti ala? Wala kodro so ndo avuko daa pitipiti? Ala, azo ti mbi, ndani nyen si ala yeke tene: ‘E yeke gue na ndo so be ti e aye, e yeke kiri na mo mbeni pepe’ so?

Jérémie 33:3

Mo iri mbi, fade mbi yeke yeda; mbi yeke fa na mo akota ye, aye so angba na hondengo ni so mo hinga pepe.

Jérémie 50:2

“Ala azo, ala fa tënë ni na popo ti amara nde, ala sara si azo ama tënë ni na lege ti bendere so ala yo na nduzu; ala sara si azo ama tënë ni, ala honde ni pepe! Ala tene: A mu Babilone awe! Kamene ahon ndö ti ayanda ti lo awe! Biani, kamene ahon ndö ti Bel awe, Marduk ati biani biani awe!

Amos 3:6

Tongana a huru didi na ya ti mbeni gbata ti fa tënë ti bira, fade mbeto alingbi ti gbu azo pepe? Tongana kpale asi na ya ti mbeni gbata, *KOTA GBIA laa asara ye ni pepe?

Mishe 6:9

*KOTA GBIA ayeke dekongo na azo ti gbata ni. Zo so ayeke na ndara, fade lo yeke kpe mbeto ti lo. “Ala azo ti mara ti Juda na ala so abongbi na ya ti gbata ni, ala ma si!

Matthieu 10:27

Tënë so mbi yeke tene na ala na ya ti vukongo ndo, ala tene tënë ni na kota lâ; tënë so a tene gi na ya ti mê ti ala, ala dekongo na ni na ndö ti da.

Jean 15:15

Mbi yeke kiri ti iri ala azo ti kua pepe, ngbanga ti so zo ti kua ahinga ye so makonzi ti lo ayeke sara pepe. Me mbi iri ala amba ti mbi so mbi na ala e ye tere, ngbanga ti so mbi fa na ala aye so kue mbi ma na yanga ti Babâ.

Awatokua 1:8

Me fade ala yeke wara ngangu na ndembe so Yingo-Vuru ayeke zu na ndö ti ala. Tongaso, ala yeke ga azo ti tenengo tënë ti ye so ala hinga na ndö ti mbi, na Jérusalem, na Judée kue, na Samarii, ngbii ala si na nda ti sese kue.”

1 Korente 2:9

Me, tongana ti so Mbeti ti Nzapa atene: “Ye so le ti zo abaa pepe, ye so mê ti zo ama pepe, ye so tënë ni aga na li ti zo pepe, Nzapa aleke ni ndali ti azo so aye lo.”

Aye so Nzapa afa 1:19

Ye so mo baa ni so, wala ye ti fadeso, wala ye so ayeke si gbanda, mo su tënë ni na mbeti.

Aye so Nzapa afa 4:1

Na pekoni, mbi baa mbeni ye nde: mbi baa mbeni yanga ti da so azi na yayu. Mbeni go so mbi ma kozoni si atoto tongana tatalita so, atene na mbi: “Mo ma na nduzu ge; fade mbi yeke fa na mo aye so, alingbi asi na pekoni.”