Ésaïe 48:22 - Mbeti ti Nzapa - Tënë so amu fini

²² KOTA GBIA atene: “Siriri ayeke ndali ti azo ti sioni pepe.”

Ésaïe 48:22 ပူးပေါင်းရင်းမြစ်များ

2 Agbia 9:18

Zo ti kpengo na mbarata ni ague, awara ala na lege si lo tene: “Tënë so gbia atene ayeke so: Ala ga na tënë ti siriri?” Yehu akiri tënë, atene: “Tënë ti siriri ni abaa mo? Kiri, mo mu peko ti mbi.” Sanziri ni atene: “Watokua ni ague ngbii asi na tere ti ala; me lo kiri pepe.”

2 Agbia 9:19

Yoram akiri atokua use zo ti kpengo na mbarata. Zo ni ague ngbii asi na tere ti ala si lo tene: “Tënë so gbia atene ayeke so: Ala ga na tënë ti siriri?” Yehu akiri tënë, atene: “Tënë ti siriri ni abaa mo? Kiri, mo mu peko ti mbi.”

Ésaïe 49:1

Ala so ayeke lango na yongoro ndo, ala ma mbi! Ala so ayeke na yongoro ndo, ala dingi mê ti ala, ala ma! Kozo titene a du mbi, *KOTA GBIA airi mbi; gi so mbi de na ya ti mama ti mbi, lo di iri ti mbi.

Ésaïe 57:20

Me azo ti sioni ayeke tongana kota ngu-ingo so ayeke yingi, so alingbi ti duti kpoo pepe; *amapo ni ayeke mu potopoto nga na sarate asigigi na ni.

Ésaïe 57:21

Nzapa ti mbi atene: “Siriri ayeke ndali ti azo ti sioni pepe.”

Ésaïe 66:24

Na sigingo ti ala, fade ala lingbi ti baa kuâ ti azo so atomboka na tere ti mbi. Angusu so ayeke te ala ayeke kui pepe; wâ so ayeke gbi ala ayeke mingo pepe. Ala yeke ga ye so ayeke sioni mingi ndali ti azo kue.

Nzoni Tënë so Luc asu na mbeti 19:42

Lo tene: “Âa! Tongana mo nga, mo hinga fade ye so alingbi ti mu na mo siriri! Me mawa ni ayeke so ye ni angba na hondengo ni si le ti mo abaa ni pepe!

Rome 3:17

ala hinga lege ti dutingo na siriri pepe.