Ésaïe 48:2 - Mbeti ti Nzapa - Tënë so amu fini

² Be ti ala anzere titene a iri ala “Azo ti gbata so ayeke nde si ayeke nzoni kue”; ala yeke luti na ndö ti Nzapa ti Israel, lo so iri ti lo ayeke “KOTA GBIA so ayeke na ndö ti dunia kue”. Ala ma tënë so si:

Ésaïe 48:2 ပူးပေါင်းရင်းမြစ်များ

Néhémie 11:1

Amakonzi ti azo ni aga aduti na Jérusalem. Ti tanga ti azo ni, a bi mbeni ye ti baa zo wa laa na popo ti azo baleoko so alingbi ti duti na Jérusalem, gbata so ayeke nde si ayeke nzoni kue. Atanga ni gumbaya ayeke ngba ti ala na ya ti agbata nde nde ti kodro ni.

Néhémie 11:18

Azo ti mara ti Lévi so aduti na Jérusalem, gbata so ayeke nde si ayeke nzoni kue, wungo ti ala kue ayeke 284.

Abia (Psaumes) 48:1

Bia ti azo ti Kore.

Abia (Psaumes) 87:3

Mo gbata ti Nzapa, azo ayeke tene tënë ti gonda na ndö ti mo! Luti kete

Ésaïe 10:20

Na lango ni so, tanga ti azo ti Israel na azo ti mara ti Jacob so angba na fini ayeke kiri ti zia be ti ala pepe na ndö ti azo so apika ala. Me ala yeke zia be ti ala kue na ndö ti *KOTA GBIA, Nzapa ti Israel, lo so lo yeke nde si lo yeke nzoni kue.

Ésaïe 47:4

Zo ti zingo e, iri ti lo ayeke KOTA GBIA, lo so lo yeke na ndö ti dunia kue; lo yeke Nzapa ti Israel so ayeke nde si ayeke nzoni kue.

Ésaïe 51:13

Be ti ala agirisa na KOTA GBIA awe; lo laa lo sara ala, lo laa lo gbara yayu si lo zia gere ti sese. Lakue tere ti ala ayeke do na mbeto na dawa ti ngonzo ti zo ti sarango ngangu na azo, mo baa mo tene, lo lingbi ti fâ ala. Fadeso, ngonzo ti zo ti sarango ngangu na azo ni ayeke na ndo wa?

Ésaïe 51:15

Mbi laa mbi yeke KOTA GBIA, Nzapa ti ala. Mbi yeke yingi le ti kota ngu-ingo; mbi yeke sara si *amapo ni atoto. Iri ti mbi ayeke KOTA GBIA so ayeke na ndö ti dunia kue.

Ésaïe 52:1

*Sion, zingo, zingo hio si! Mo fa ngangu ti mo! Jérusalem, gbata so ayeke nde si ayeke nzoni kue, yu apendere bongo ti mo! Biani, azo so afâ *ganza pepe nga na azo so aga *sioni awe ayeke kiri ti si na ndo ti mo pepe.

Jérémie 10:16

Ti Nzapa, lo yeke tongana ala pepe, lo so lo yeke mosoro ti Jacob; lo laa lo sara si dunia abaa gigi, mara ti Israel ayeke ye ti lo; iri ti lo ayeke KOTA GBIA so ayeke na ndö ti dunia kue.

Jérémie 21:2

“E gbu gere ti mo, mo hunda KOTA GBIA na tënë ti e! Baa, gbia Nabukodonosor ti Babilone alondo na bira na tere ti e; e hinga pepe, fade KOTA GBIA ayeke sara mbeni oko ti aye ti kpene ti lo ndali ti e, tongaso si gbia Nabukodonosor azia peko ti e.”

Jérémie 44:26

Ala azo ti Juda kue, ala so ayeke na kodro ti Ezipte so, ala ma tënë ti KOTA GBIA! Mbi deba na iri ti mbi so ayeke kota: na ya ti Ezipte kue, mbeni zo ti Juda ayeke kiri ti mu iri ti KOTA GBIA ti deba na ni pepe, atene: ‘Kota Gbia NZAPA ayeke na fini!’

Daniel 9:24

A diko ngoi mbarambara fani balembarambara ndali ti azo ti mo nga ndali ti gbata ti mo so ayeke nde si ayeke nzoni kue. A diko ngoi ni titene sioni sarango ye na siokpari akai, titene a zi siokpari na li ti azo si mbirimbiri ti Nzapa angba lakue lakue, titene aye so zo abaa na ya ti mbeni ye tongana bango-li na tenengo peko ti tënë ti yanga ti Nzapa aga taa-tënë, titene kota da ti Nzapa so ayeke nde si ayeke nzoni kue, azo akiri azia ni nde ndali ti lo.

Mishe 3:11

Amakonzi ti agbata ni ayeke fâ ngbanga gi ndali ti warango goro; awayango-sandaga ti ala ayeke fa ye gi ti wara ye na pekoni; awayanga-Nzapa ti ala ayeke fa ye so ayeke si gi ndali ti warango nginza. Na ndö ni kue, ala yeke luti na ndö ti *KOTA GBIA si ala tene: “KOTA GBIA ayeke na popo ti e pepe? Fade ye ti sioni alingbi ti si na e pepe.”

Matthieu 27:53

Ala sigigi na ya ti adu ti kuâ ni. Na peko ti zingongo ti Jésus na kuâ, ala li na Jérusalem, gbata so ayeke nde si ayeke nzoni kue; kâ, azo mingi abaa ala.

Matthieu 4:5

Na pekoni, Zabolo ague na lo na Jérusalem, gbata so ayeke nde si ayeke nzoni kue; lo zia lo na li ti kota da ti Nzapa

Rome 2:17

Ti mo so mo tene mo yeke zuife so, mo zia be ti mo na ndö ti *Ndia si mo yeke pika kate ti mo ndali ti Nzapa ti mo.

Aye so Nzapa afa 11:2

Me mo zia ya ti gbagba ni, mo haka ni pepe, ngbanga ti so a zia ni na maboko ti azo ti amara nde si fade ala yeke do na gere na ya ti nze baleosio na use gbata so ayeke nde si ayeke nzoni kue.

Aye so Nzapa afa 21:2

Mbi baa gbata so ayeke nde si ayeke nzoni kue, fini Jérusalem, so alondo na yayu na tere ti Nzapa si ayeke zu ti ga. Gbata ni aleke tere ti lo tongana mbeni wali so aye ti mu koli na fini ni si ayu aye ti pendere ti yamba na koli ti lo.

Aye so Nzapa afa 22:19

Tongana mbeni zo azi mbeni tënë ti peko ti yanga ti Nzapa so ayeke na ya ti buku so, fade Nzapa ayeke zi ye so aga ti zo ni si a tene tënë ni na ya ti buku so, so ti tene le ti keke so ayeke mu fini na zo nga na gbata so ayeke nde si ayeke nzoni kue.

Awafango-ngbanga 17:13

Mika atene na be ti lo, atene: “Fadeso mbi hinga, mbi tene, KOTA GBIA ayeke sara nzoni na mbi, ngbanga ti so mbi yeke na mbeni zo ti mara ti Lévi so aga wayango-sandaga ti mbi.”