Ésaïe 48:19 - Mbeti ti Nzapa - Tënë so amu fini

¹⁹ Ka *ahale ti mo ayeke ga tongana mbutu ti yanga ti kota ngu-ingo, ka amolenge ti ya ti mo ayeke ga tongana le ti mbutu; na dawa ti mbi, ka a zi iri ti ala pepe, a mingo iri ti ala pepe.”

Ésaïe 48:19 ပူးပေါင်းရင်းမြစ်များ

Tongo nda ti aye 13:16

Mbi yeke sara titene ahale ti mo aga mingi tongana fuku ti sese; tongaso, zo so alingbi ti diko fuku ti sese, fade lo lingbi ti diko ahale ti mo.

Tongo nda ti aye 22:17

fade mbi yeke sara tufa na ndö ti mo gbani gbani. Mbi yeke sara titene *ahale ti mo awu mingi tongana atongoro ti le ti nduzu, nga tongana mbutu ti yanga ti kota ngu-ingo. Fade ahale ti mo ayeke mu akodro ti awato ti ala.

1 Agbia 9:7

fade mbi yeke zi ala, azo ti Israel, na sese so mbi mu na ala. Kota da so mbi zia ni nde ndali ti mbi, fade mbi yeke bi ni yongoro na le ti mbi si azo ti Israel aga mbeni ye ti *mato nga na ye so azo kue ayeke he na ngia.

Mbeti ti Job 5:25

Mo yeke baa so *ahale ti mo ayeke ga mingi; amolenge ti mo ayeke wu tongana pere ti ngonda.

Abia (Psaumes) 109:13

Ayeke nzoni a zi *ahale ti lo biani biani si na ya ti angu so ayeke ga na peko so, zo akiri ama iri ti ala pepe!

Abia (Psaumes) 9:5

ngbanga ti so mo fâ ngbanga ti mbi mbirimbiri, mo gbu koko ti mbi awe. Mo duti na ndö ti mbata ti mo ti gbia, mo so mo yeke wafango-ngbanga ti mbirimbiri.

Ésaïe 10:22

Israel, ataa wungo ti azo ti mo ayeke tongana wungo ti mbutu ti yanga ti kota ngu-ingo, fade gi tanga ti azo so angba laa ayeke kiri na KOTA GBIA. A leke tënë ti bubango ye kue awe, fango ngbanga ti mbirimbiri ayeke mu ndo kue tongana ngu so asuku.

Ésaïe 14:22

So tënë ti yanga ti KOTA GBIA so ayeke na ndö ti dunia kue laa: “Fade mbi yeke londo na tere ti azo ti Babilone, mbi yeke zi iri ti Babilone, na tanga ti azo ti gbata ni so angba na fini, amolenge ti ala nga na *ahale ti ala. So tënë ti yanga ti KOTA GBIA laa.

Ésaïe 44:3

Biani, fade mbi yeke tuku ngu na ndö ti sese so ayeke na nzara ti ngu, mbi yeke sara titene akete ngu asua na ndö ti holengo sese. Mbi yeke tokua yingo ti mbi na ndö ti amolenge ti mo si mbi yeke sara tufa na ndö ti *ahale ti mo.

Ésaïe 44:4

Fade ala yeke sigigi si ala yeke kono tongana sosongo na ya ti ngu, tongana akeke na yanga ti ngu so ayeke sua.

Ésaïe 48:9

Me ndali ti so mbi yeke Nzapa, mbi kanga ngonzo ti mbi. Ndali ti sepelango so alingbi na mbi, mbi kanga be ti mbi na ala, mbi zia lege ti hunzingo ala biani biani.

Ésaïe 54:3

Biani, mo yeke sara si sese ti mo akono mbage na mbage kue; amolenge ti mo ayeke mu sese ti amara so ayeke nduru na ala ti ga ti ala; agbata so azo ayeke na ya ni pepe, amolenge ti mo ayeke kiri ti duti na ya ni.

Ésaïe 56:5

fade mbi yeke mu na ala mbeni ndo na ya ti kota da ti mbi, mbi yeke zia mbeni têne na tere ti dere ti da ni titene ala su iri ti ala na ndö ni; so ayeke duti nzoni ahon amolenge-koli na amolenge-wali. Iri so mbi yeke mu na ala ayeke ngba lakue lakue, mbeni ye ayeke zi ni oko pepe.”

Ésaïe 66:22

Biani, legeoko tongana fini yayu na fini sese so mbi sara ayeke ngba ti luti ngangu na dawa ti mbi, fade iri ti *ahale ti ala na ti ala wani ayeke ngba ti luti ngangu na dawa ti mbi; so tënë ti yanga ti KOTA GBIA laa.

Ésaïe 9:14

*Akangba na akota zo ti kodro, li ni laa; awayanga-nzapa ti mvene, damba ni laa.

Jérémie 33:22

Fade mbi yeke sara titene ahale ti zo ti kua ti mbi, David, na ahale ti Lévi so ayeke sara kua na mbi, ala wu tongana atongoro ti le ti nduzu so zo alingbi ti diko wungo ni pepe, wala tongana mbutu ti yanga ti kota ngu-ingo so zo alingbi ti diko ni pepe.”

Sofonii 1:4

“Fade mbi yeke yoro maboko ti mbi ti pika azo ti Juda nga na azo so kue alango na Jérusalem. Mbi yeke sara si aye so azo ayeke voro na *Baal angba na ya ti kodro ni oko pepe; ataa awayango-sandaga so ayeke sara kua na lo, azo ayeke girisa iri ti ala.

Rome 9:27

Ésaïe ato mbela na tënë na ndö ti azo ti Israel, lo tene: “Ataa wungo ti azo ti Israel ayeke tongana wungo ti mbutu ti yanga ti kota ngu-ingo, fade gi ambeni kete laa ayeke soo kuâ.

Ndia ti fani use ni 9:14

Mo zia na mbi lege: mbi ye ti fâ ala kue, mbi ye ti zi iri ti ala biani biani na ndö ti sese so. Na pekoni, na lege ti mo, mbi yeke sara titene mbeni ngangu mara abaa gigi, mbeni mara so ayeke kota ahon mara ti azo ti Israel.”

Josué 7:9

Fade azo ti Kanaan na azo ti kodro ni kue ayeke ma tënë ni; ala yeke bongbi ti ga na ndö ti e si ala yeke hunzi e kue. Nyen laa mo yeke sara ande ti fa atene, mo yeke kota?”

Ruth 4:10

Na ndö ni kue, mbi mu Ruth, zo ti Moab, wali ti Malon titene lo ga wali ti mbi. Tongaso si mbi sara titene iri ti Malon so akui angba na ndö ti aye so lo zia ni si a-ita ti lo agirisa iri ti lo pepe si iri ti lo angba nga na ndo so azo ayeke leke ka tënë daa so. Ala kue laa ayeke laso na tere ti tënë ni.”