Ésaïe 48:18 - Mbeti ti Nzapa - Tënë so amu fini

¹⁸ Yanga so mbi mu lani, tongana mo ma fade ni, ka siriri ti mo ayeke ga tongana *bale, ka mbirimbiri ti mo ayeke ga tongana *amapo ti kota ngu-ingo!

Ésaïe 48:18 ပူးပေါင်းရင်းမြစ်များ

Abia (Psaumes) 119:165

Azo so aye ndia ti mo, ala yeke na taa siriri, mbeni ye ti kinda ala ayeke daa pepe.

Abia (Psaumes) 36:8

Nzapa, ndoye ti mo ayeke nzoni mingi, nzoni mingi! Azo ayeke kpe na mo ti bata tere ti ala na gbe ti maboko ti mo tongana ti so amolenge ti ndeke ayeke kpe ti bata tere ti ala na gbe ti *kpangi ti mama ti ala.

Ésaïe 33:21

Kâ laa KOTA GBIA ayeke fa na e gonda ti lo. Ndo ni kâ ayeke duti ndo ti akota *bale na ti akota ngu. Amangboko ti bira ayeke hon na le ti ngu ni pepe, apendere kota mangboko ayeke fâ ngu ni pepe.

Ésaïe 42:24

Zo wa laa azia Jacob na maboko ti azo so amu aye na tere ti lo kue so? Zo wa laa azia Israel na maboko ti azo so anzi aye ti lo kue so? Ayeke KOTA GBIA pepe? Biani, e sara lani siokpari so ake lo; azo ti lo atambula na lege ti lo pepe, ala ma tënë ti Ndia ti lo pepe.

Ésaïe 45:8

Ayayu, na nduzu kâ, ala sara si mbirimbiri atuku na ndö ti sese tongana ngu ti pere! Ambinda, ala sara si mbirimbiri asua tongana ngu-Nzapa so ayeke sua! Ayeke nzoni ya ti sese asuru si tënë ti songo zo na kuâ amu kongo, sarango ye ti mbirimbiri asigigi tongana fini keke! Mbi KOTA GBIA laa mbi sara ye so.”

Ésaïe 54:13

Fade amolenge ti mo kue ayeke ga adisiple ti mbi, ala yeke duti na siriri ahon ndoni.

Ésaïe 61:10

Mbi yeke na ngia mingi ndali ti *KOTA GBIA. Be ti mbi asi singo na ngia ndali ti Nzapa ti mbi. Biani, lo soo mbi na kuâ si aga tongana bongo ti matanga na tere ti mbi. Lo yu mbirimbiri na tere ti mbi tongana kota bongo. Mbi kpa koli so amu wali na fini ni si lo zia kpoto ti gbia na li ti lo tongana ti wayango-sandaga, wala wali so amu koli na fini ni si lo yu aye ti pendere.

Ésaïe 61:11

Tongana ti so sese asara si kobe asigigi, tongana ti so yaka asara si le ti kobe so a lu asigigi, legeoko nga, fade KOTA GBIA Nzapa ayeke sara titene mbirimbiri na sepelango lo asigigi na dawa ti amara kue.

Ésaïe 62:1

*Sion, ndali ti so mbi ye mo, mbi yeke kanga yanga ti mbi pepe. Jérusalem, ndali ti so mbi ye mo, mbi yeke duti kpoo pepe, ngbii tënë ti zingo mo polele asigigi tongana sungo ti lâ ti ndaperere, tënë ti songo mo na kuâ aza tongana lamba.

Ésaïe 66:12

Biani, tënë so KOTA GBIA atene ayeke so: “Baa, mbi yeke sara titene siriri aga ngbii asi na Jérusalem tongana *bale, mosoro ti amara nde aga na lo tongana ngu so asuku amu ndo kue. Fade mbi yeke bata ala tongana mama so ayeke mu me na molenge ti lo. Lo yo molenge ni na kate ti lo, lo yo lo na ndö ti gere ti lo si lo yeke sara ngia na lo.

Osée 10:12

Ala lu ye alingbi na ye ti mbirimbiri si fade ala yeke ko ye alingbi na nzoni be; ala fâ fini yaka ti ala! Ngoi titene ala gi KOTA GBIA alingbi awe; ala gi lo ngbii lo ga lo sara si ye ti mbirimbiri atuku na ndö ti ala.

Amos 5:24

Me ayeke nzoni fango ngbanga na lege ti ndia asua tongana ngu si fango ngbanga ti mbirimbiri asua tongana ngu so ayeke hole laoko pepe.

Matthieu 23:37

“Jérusalem! Jérusalem! Mo so mo yeke fâ awayanga-Nzapa; azo so Nzapa atokua ala na mo, mo bo ala na têne ti fâ ala. Lege mingi, mbi ye fade ti bongbi azo ti mo na gbe ti mbi tongana ti so mama ti kondo ayeke bongbi amolenge ti lo na gbe ti maboko ti lo, me mo yeda pepe!

Rome 14:17

Biani, *Kodro-gbia ti Nzapa abaa tënë ti tengo kobe wala tënë ti nyongo ye pepe, me abaa tënë ti sarango ye ti mbirimbiri, ti siriri na ti ngia so Yingo-Vuru ayeke mu na zo.

Ndia ti fani use ni 32:29

Tongana ala yeke fade azo ti ndara, ka ala hinga nda ti ye so, ka ala ku ti baa ye so ayeke si na ala gbanda.

Ndia ti fani use ni 5:29

Tongana ala leke fade be ti ala biani ti kpe mbeto ti mbi tongaso lakue si ala sara ye alingbi na atënë ti yanga ti mbi, ka ayeke nzoni mingi! Ka ala, na *ahale ti ala ayeke duti nzoni kpu na kpu!