Ésaïe 48:17 - Mbeti ti Nzapa - Tënë so amu fini

¹⁷ *KOTA GBIA, lo so lo zi mo, Nzapa ti Israel so ayeke nde si ayeke nzoni kue, tënë so lo tene ayeke so: “Mbi KOTA GBIA, Nzapa ti mo, mbi laa mbi yeke fa na mo ye so mo lingbi ti baa nzoni daa. Mbi laa mbi yeke gue na mo lege so mo yeke tambula daa.

Ésaïe 48:17 ပူးပေါင်းရင်းမြစ်များ

Tongo nda ti aye 24:48

Na pekoni, mbi kuku, mbi kpo li ti mbi na sese ti voro KOTA GBIA. Mbi mu singila na KOTA GBIA, Nzapa ti wa ti mbi Abraham so afa na mbi nzoni lege ngbii si mbi mu molenge-wali ti ita ti wa ti mbi ti mu lo na molenge ti wa ti mbi so.

1 Agbia 8:36

mo KOTA GBIA so mo yeke na yayu, ayeke nzoni mo ma ala si mo zi siokpari na li ti azo ti kua ti mo nga na li ti azo ti Israel, azo ti mo. Mo fa na ala nzoni lege titene ala tambula daa. Na pekoni, sara si ngu-Nzapa apika na ndö ti sese so mo mu na ala si aga ti ala so.

Mbeti ti Job 36:22

Biani, Nzapa ayeke kota na lege ti ngangu ti lo. Zo wa laa alingbi ti fa ye tongana lo?

Abia (Psaumes) 25:12

Tongana mbeni zo akpe mbeto ti KOTA GBIA, fade KOTA GBIA ayeke fa na lo lege so lo lingbi ti soro ni.

Abia (Psaumes) 32:8

KOTA GBIA atene na mbi: “Fade mbi yeke fa ye na mo, mbi yeke fa na mo lege ti tambula daa, mbi yeke mu na mo wango si mbi yeke baa ndo na ndö ti mo.

Abia (Psaumes) 71:17

Nzapa, ti londo na ndembe so mbi de molenge ngbii asi laso, mo fa ye na mbi; fadeso mbi ngba ti tene tënë ti akota ye so mo sara.

Abia (Psaumes) 73:24

mo yeke fa lege na mbi alingbi na ye so mo leke na be ti mo, na pekoni, fade mo yeke yamba mbi na gonda.

Ésaïe 2:3

Fade amara gbani gbani ayeke gue kâ si ala yeke tene: “Ala ga, e gue na li ti hoto ti KOTA GBIA, na kota da ti Nzapa ti Jacob. Lo yeke fa na e lege so lo ye titene e mu, e yeke tambula na alege ti lo.” Biani, ndia ti KOTA GBIA alondo na *Sion, tënë ti lo alondo na Jérusalem.

Ésaïe 28:9

Ala yeke hunda ndo, atene: “Ésaïe ayeke fa ti lo ye ni na zo wa? Lo yeke fa nda ti atënë ti Nzapa ni na zo wa? Na amolenge so a zi ala na yanga ti me fafadeso? Na akete molenge so a gbanzi ala na me fafadeso?

Ésaïe 30:20

Na ngoi ti ye ti vundu, KOTA GBIA ayeke mu na mo kobe. Na ngoi ti ye ti ngangu, lo yeke mu na mo ngu ti nyongo ni. Lo so lo yeke fa ye na mo, lo yeke kiri ti honde tere ti lo pepe, fade mo yeke baa lo na le ti mo.

Ésaïe 30:21

Na ndembe so mo ye ti hon na mbage ti maboko ti koli wala na mbage ti maboko ti wali, mo yeke ma na peko ti mo mbeni go so ayeke tene: “Baa lege ni laa, mo mu ni!”

Ésaïe 41:14

“Jacob, sara mbeto pepe, mo so mo yeke tongana ngusu, Israel, mo so mo yeke tongana makongo. Mbi yeke ga ti mu na mo maboko, so tënë ti yanga ti *KOTA GBIA laa. Mbi laa mbi yeke zi mo, mbi Nzapa ti Israel so mbi yeke nde si mbi yeke nzoni kue.

Ésaïe 43:14

*KOTA GBIA so azi ala na gbe ti ngbaa, Nzapa ti Israel, lo so lo yeke nde si lo yeke nzoni kue, baa, tënë so lo tene ayeke so: “Ndali ti ala, mbi tokua mbeni zo ti tiri bira na Babilone. Fade mbi yeke kinda ala si ala kue aga tongana azo so ayeke kpe. Tongaso, fade dekongo ti ngia ti azo ti Babilone ayeke ga bia ti demango tere.

Ésaïe 43:16

Ando, *KOTA GBIA asuru lege na ya ti kota ngu-ingo, lo suru lege na popo ti ngu so ayeke sua ngangu ngangu.

Ésaïe 45:11

*KOTA GBIA, Nzapa ti Israel, Nzapa so ayeke nde si ayeke nzoni kue, lo so lo sara Israel, tënë so lo tene ayeke so: “Ala laa ayeke hunda mbi tënë na ndö ti kekereke ti amolenge ti mbi? Ala laa ayeke mu yanga na mbi na ndö ti ye so mbi sara?

Ésaïe 48:20

Ala londo na Babilone asigigi! Ala londo hio na popo ti azo ni, ala kpe! Ala dekongo na ngia, ala fa tënë so, ala to mbela na ni ngbii asi na nda ti sese kue, ala tene: “*KOTA GBIA azi Jacob, zo ti kua ti lo awe.”

Ésaïe 49:26

Azo so asara ngangu na mo, mbi yeke sara titene ala te kasa ti tere ti ala wani, ala yeke nyon mene ti ala si ahon ndö ti ala tongana zo so anyon fini vin si ahon ndö ti lo. Tongaso, fade azo kue ayeke hinga atene, mbi yeke KOTA GBIA, wasongo mo, wazingo mo, mbi, ngangu Nzapa ti Jacob!”

Ésaïe 49:7

Mo so lani azo abaa mo tongana mbumbuse zo, so be ti azo kue ake mo, mo so mo yeke ngbaa ti azo ti sarango ngangu na zo, *KOTA GBIA, lo so lo zi azo ti lo, Nzapa ti Israel so ayeke nde si ayeke nzoni kue, tënë so lo tene na mo ayeke so: “Tongana agbia ayeke baa ande mo, ala yeke londo na ndö ti mbata ti ala; tongana amakonzi ayeke baa mo, ala yeke kuku akpo li ti ala na sese na dawa ti mo.” Ye ni ayeke si ndali ti KOTA GBIA so ayeke sara ye alingbi na tënë ti yanga ti lo, ndali ti Nzapa ti Israel so ayeke nde si ayeke nzoni kue, lo so lo soro mo.

Ésaïe 54:13

Fade amolenge ti mo kue ayeke ga adisiple ti mbi, ala yeke duti na siriri ahon ndoni.

Ésaïe 54:5

Biani, koli ti mo ayeke duti lo so lo sara mo; iri ti lo ayeke ‘KOTA GBIA so ayeke na ndö ti dunia kue’. Lo so lo zi mo ayeke Nzapa ti Israel so ayeke nde si ayeke nzoni kue, lo so azo adi iri ti lo ‘Nzapa ti sese kue’.

Ésaïe 54:8

Ngonzo asara mbi lani mingi na tere ti mo, na mbeni kete ngoi, mbi ke ti baa mo na le ti mbi. Me na lege ti ndoye so angba lakue lakue, mbi yeke baa mawa ti mo. Mbi KOTA GBIA, mbi so mbi zi mo, mbi laa mbi tene tënë so na mo.”

Jérémie 6:16

Tënë so KOTA GBIA atene ayeke so: Lege so ala ngba ti gue daa so, ala luti kete si: ala baa ndo, ala hunda ndo na ndö ti lege so azo amu ando so: ‘Nzoni lege ayeke na ndo wa?’ Ayeke nzoni ala mu lege ni so, tongaso si fade ala duti na siriri. Me ala kiri tënë: ‘E ye ti mu lege so pepe!’

Mishe 4:2

Fade amara nde gbani gbani ayeke gue kâ si ala yeke tene: ‘Ala ga, e gue na li ti hoto ti KOTA GBIA, na kota da ti Nzapa ti Jacob. Lo yeke fa na e lege so lo ye titene e mu, e yeke tambula na alege ti lo.’ Biani, ndia ti KOTA GBIA alondo na *Sion, tënë ti lo alondo na Jérusalem.

Jean 6:45

Awayanga-Nzapa asu na mbeti, atene: ‘Fade Nzapa ayeke fa ye na azo kue.’ Zo so ama tënë ti Babâ si lo yeda ti manda ye so Babâ afa na lo, zo tongaso laa ayeke ga na mbi;

Efeze 4:21

Mbi hinga biani so ala ma atënë kue na ndö ti lo si ndali ti so ala yeke azo ti lo, a fa na ala taa-tënë so ayeke na Jésus.

Josué 3:4

Tongaso si fade ala hinga lege so ala gue daa, ngbanga ti so ala de ti hon na lege so laoko pepe. Me ayeke nzoni popo ti ala na sanduku ti mbuki ni ayo nduru na kilometere oko. Ala gue nduru na ni pepe.”