Ésaïe 48:15 - Mbeti ti Nzapa - Tënë so amu fini

¹⁵ Mbi, mbi oko laa mbi tene tënë ni. Mbi iri lo, mbi sara si lo ga; aye so lo yeke sara, fade ayeke ga nzoni.”

Ésaïe 48:15 ပူးပေါင်းရင်းမြစ်များ

Abia (Psaumes) 45:4

Mo, ngangu zo ti bira, kanga yongoro zeme ti mo na ngbonda ti mo; so laa afa gonda ti mo na nengo ti mo ti gbia.

Ésaïe 41:2

Mbeni zo alondo na mbage ti To si lo yeke ga; lo so benda na ndo so kue lo yeke hon daa. Zo wa laa azia lo na lege si lo ga so, zo wa? Zo wa laa azia amara nde na maboko ti lo, zo wa? Zo wa laa azia agbia na gbe ti komandema ti lo, zo wa? Yongoro zeme ti lo asara si ala ga tongana fuku ti sese, kokora ti lo asara si ala kangbi kirikiri tongana holengo pere so pupu amu ahon na ni.

Ésaïe 44:28

Tënë so mbi tene na ndö ti Sirus ayeke so: ‘Lo yeke wabatango-taba ti mbi. Ye so mbi ye, fade lo yeke sara si aga nzoni. Lo yeke mu yanga titene a kiri aleke Jérusalem, titene a kiri alu gere ti kota da ti Nzapa.’ ”

Ésaïe 45:13

Mbi laa mbi soro koli so na lege ti mbirimbiri. Alege so kue lo yeke hon daa, mbi yeke sara si aga kpangbara. Lo laa lo yeke kiri ti leke Jérusalem, gbata ti mbi. Azo ti mbi so a gbu ala, a gue na ala na kodro wande, lo laa lo yeke zia lege na ala ti kiri. Ala yeke mu na lo mbeni ye oko pepe, wala ala yeke futa nga lo pepe. Tënë so KOTA GBIA so ayeke na ndö ti dunia kue atene laa.”

Jérémie 50:21

KOTA GBIA atene na wato ti Babilone, lo tene: “Londo, mo tiri bira na kodro ti Maratim, tiri bira na azo ti Pekod. Mo fâ azo ni kue, mo hunzi ala! Mo sara ye so kue alingbi na yanga so mbi mu na mo!

Ezekiel 1:2

Ye ni asi na ngu oku ni so a mu gbia Yoakin na ngangu a gue na lo na kodro wande.

Josué 1:8

Ayeke nzoni atënë ti ya ti mbeti ti Ndia so angba lakue na yanga ti mo; mo gbu li ti mo daa bi na lâ, mo gi nga lege ti sara aye so kue alingbi na tënë so a su na ya ti mbeti ni. Tongaso si aye so kue mo leke na be ti mo ti sarango ni, mo yeke sara ni na legeni si aga nzoni.