Ésaïe 48:11 - Mbeti ti Nzapa - Tënë so amu fini

¹¹ Ndali ti mbi wani, ndali ti mbi wani laa, mbi sara aye ni so. Biani, mbi ke titene a buba iri ti mbi; mbi ke nga titene gonda ti mbi aga ti mbeni zo nde.”

Ésaïe 48:11 ပူးပေါင်းရင်းမြစ်များ

Abia (Psaumes) 106:8

Me KOTA GBIA asoo ala ti bata nengo ti lo, ti sara si azo ahinga ngangu ti lo.

Abia (Psaumes) 115:1

*KOTA GBIA, e pepe; e laa e lingbi na gonda pepe, me gonda ni alingbi na mo, ndali ti nzoni be ti mo nga ndali ti batango tënë ti yanga ti mo so mo yeke bata.

Abia (Psaumes) 25:11

KOTA GBIA, ndali ti iri ti mo, mo zi siokpari ti mbi, siokpari ti mbi so ayeke kota mingi.

Abia (Psaumes) 25:7

Mo kiri mo dabe ti mo pepe na asiokpari nga na asioni so mbi sara na ngoi so mbi de maseka. Me na lege ti nzoni be ti mo, KOTA GBIA, dabe ti mo na mbi, ndali ti so mo yeke nzoni mingi.

Ésaïe 37:35

Fade mbi yeke bata gbata so si mbi yeke soo ni ndali ti mbi nga ndali ti David, zo ti kua ti mbi.”

Ésaïe 42:8

Mbi yeke KOTA GBIA, so iri ti mbi laa. Gonda so ayeke ti mbi, mbi yeke zia na mbeni zo nde pepe; nengo so ayeke ti mbi, mbi yeke zia na ayanda pepe.

Ésaïe 43:25

Me mbi, gi mbi oko, mbi wani laa mbi yeke zi siokpari na li ti mo; fade mbi yeke kiri ti dabe ti mbi na sioni ti mo pepe.

Ésaïe 48:5

Ndani laa mbi fa na ala tënë ti aye so ngbene ye giriri. Mbi tene tënë ni na ala kozo si aye ni asi, tongaso si ala tene pepe: ‘Yanda ti mbi laa asara ye ni, nzapa ti mbi so a leke lo na keke, wala na bengba wen laa amu yanga si ye ni abaa gigi.’

Ésaïe 48:9

Me ndali ti so mbi yeke Nzapa, mbi kanga ngonzo ti mbi. Ndali ti sepelango so alingbi na mbi, mbi kanga be ti mbi na ala, mbi zia lege ti hunzingo ala biani biani.

Ésaïe 52:5

Fadeso, nyen laa mbi yeke wara na peko ni, nyen? A mu azo ti mbi a gue na ala na ngbaa, a futa mbeni ye pepe. Azo so asara komandema na ndö ti ala adekongo ti songo benda – so tënë ti yanga ti KOTA GBIA laa. Lakue, ala yeke zonga iri ti mbi.

Jérémie 14:7

“Tongana asioni ti e ayeke bi tënë na li ti e, ayeke nzoni KOTA GBIA, mo sara mbeni ye ndali ti iri ti mo. Biani, e zia mo fani mingi; e sara sioni so ake mo.

Ezekiel 20:14

Mbi sara ye ni ti bata nengo ti mbi si iri ti mbi abuba pepe na le ti amara nde so abaa mbi na ngoi so mbi sara si azo ti Israel asigigi na sese ti Ezipte.

Ezekiel 20:22

Me mbi kiri na maboko ti mbi; mbi sara ye ni ti bata nengo ti mbi si iri ti mbi abuba pepe na le ti amara nde so lani abaa mbi na ngoi so mbi sara si akotara ti ala asigigi na Ezipte so.

Ezekiel 20:39

Ti ala, azo ti Israel, tënë so mbi Kota Gbia NZAPA, mbi tene ayeke so: Ayeke nzoni zo oko oko ague, avoro ayanda ti lo ma! Me na pekoni, e yeke baa wala ala yeke ngba ti ke yanga ti mbi. Tongaso, iri ti mbi so ayeke nde si ayeke nzoni kue, ala yeke kiri ti sara si aga sioni pepe na lege ti amatabisi ti ala nga na lege ti vorongo ayanda ti ala.

Ezekiel 20:44

Ala azo ti Israel, fade mbi yeke baa ndo na sioni lege ti dutingo ti ala pepe nga na asioni sarango ye ti ala pepe. Me mbi yeke sara na ala ndali ti nengo ti iri ti mbi. Tongaso, fade ala yeke hinga atene, mbi laa mbi yeke KOTA GBIA. So tënë ti yanga ti Kota Gbia NZAPA laa.”

Ezekiel 20:9

Mbi sara tongaso ti bata nengo ti mbi si iri ti mbi abuba pepe na le ti amara nde so akotara ti ala alango ando na popo ti ala. Biani, na le ti amara ni so laa mbi sara si ala hinga mbi, na lege so mbi sara si azo ti Israel asigigi na Ezipte.

Ezekiel 36:22

Ndani laa, tene na azo ti Israel, mo tene: Tënë so Kota Gbia NZAPA atene ayeke so: Ye so mbi sara so, mbi sara ni ndali ti ala, azo ti Israel pepe. Me mbi sara ni ndali ti iri ti mbi so ayeke nde si ayeke nzoni kue, iri ti mbi so ala buba ni na popo ti amara nde so ala ga na ndo ti ala.

Daniel 9:17

Fadeso, ayeke nzoni KOTA GBIA Nzapa ti e, mo ma sambela na vorongo tere ti mbi, zo ti kua ti mo, so mbi yeke voro tere ti mbi na mo so. Ndali ti iri ti mo wani, ayeke nzoni mo baa na nzoni le ndo so a zia ni nde ndali ti mo si abuba so.

Jean 5:23

si azo kue alingbi ti ne Molenge ni tongana ti so ala yeke ne Babâ. Zo so ane Molenge ni pepe, andaa lo so Babâ atokua lo, lo ne lo pepe.

Rome 2:24

Biani, Mbeti ti Nzapa atene: “Ndali ti ala azuife, azo ti amara nde ayeke zonga iri ti Nzapa.”

1 Samuel 12:22

Biani, ndali ti kota iri ti lo, KOTA GBIA ayeke zia azo ti lo pepe, ngbanga ti so lo ye ti mu ala ti ga azo ti lo.