Ésaïe 47:9 - Mbeti ti Nzapa - Tënë so amu fini

⁹ Baa, fade aye ti mawa use so ayeke si na mo: gi hio tongaso, na ya ti lango oko, amolenge ti mo ayeke kui, mo yeke ga nga wali-mua. Ataa gba ti azo ti mo ti yoro, ataa ngangu ti azo ti mazi ti mo, fade aye so kue ayeke si na mo.

Ésaïe 47:9 ပူးပေါင်းရင်းမြစ်များ

Abia (Psaumes) 73:19

Gi hio tongaso, ye kue abuba awe! Ti ala ahunzi awe, mbeto afâ ala awe!

Ésaïe 13:16

A yeke do ya ti amolenge ti ala taa na le ti ala, a yeke nzi aye ti da ti ala, a yeke gbu awali ti ala na ngangu ti lango na ala.

Ésaïe 21:9

Ala baa, mbeni koli ayeke ga, lo duti na ndö ti pusu ti mbarata so ambarata use laa ayeke gboto ni. Lo kiri lo dekongo, lo tene: ‘Babilone ati awe! Babilone ati awe! Ayanda kue ti anzapa so ayeke na ya ti gbata ni ayeke lango na sese; ya ni afâ kete kete.’ ”

Ésaïe 47:11

Baa, fade mbeni ye ti mawa ayeke ti na ndö ti mo, mo yeke hinga lege so mo yeke sigigi na ya ni pepe. Baa, mbeni kpale ayeke ti na ndö ti mo, mo yeke hinga lege ti bata tere ti mo daa pepe. Mbeni ngangu pupu ayeke ga na ndö ti mo biaku, mo yeke hinga li ti mo na ni pepe.

Jérémie 15:9

Wali so lani azo ayeke gonda lo atene, lo yeke na amolenge mbarambara so, fadeso ngangu ti lo ahunzi kue, lo yeke wu gi na nduzu, na nduzu. Ti lo, taa na kota lâ, lâ akui awe. Kamene ahon ndö ti lo, kamene agbu le ti lo. Ti ala so angba na fini, fade mbi yeke sara si ala kui kuâ ti yongoro zeme taa na le ti awato ti ala.” So tënë ti yanga ti KOTA GBIA laa.

Jérémie 51:29

Sese ayingi; sese ni ado na mbeto na ndembe so ye so KOTA GBIA aleke na be ti lo ti sara na Babilone, ye ni asi alingbi na ni: lo sara si kodro ni aga ngonda, zo ayeke daa mbeni pepe.

Daniel 2:2

Tongaso lo mu yanga titene a iri azo ti nganga, azo ti mazi, azo ti yoro na azo nde nde so ayeke baa nda ti aye. Lo iri ala titene ala fa na lo bango-li so lo baa so. So ala si awe, ala gue na dawa ti gbia

Daniel 4:7

So mbi ngba ti lango na ndö ti gbogbo ti mbi, mbi baa li ti mbi tongaso: Mbi baa mbeni keke so aluti taa na be ti sese; keke ni ayo na nduzu ahon ndoni.

Daniel 5:30

Gi na bi ni, azo afâ Baltazar, gbia ti Babilone.

Daniel 5:7

Lo dekongo ngangu si lo mu yanga titene azo airi azo ti nganga ti Babilone, azo ti mazi, azo ti yoro na azo ti bango nda ti aye ti ga. So azo ti bango nda ti aye ni aga awe, gbia atene na ala, atene: “Zo so ayeke diko mbeti so si lo fa na mbi nda ni, fade a yeke yu na lo bongo ti agbia so abe bengo; a yeke zia na go ti lo ye ti go so ayeke na lôro si lo yeke duti oko ti akota zo ota ti ya ti govoroma ti kodro ni.”

Nahum 3:4

Aye so kue ayeke si, ngbanga ti so Ninive ayeke tongana wali-ndumba; lo sara aye ti ndumba ti lo ni ahon ndoni. Lo handa azo na lege ti pendere ti lo, na lege ti sarango yoro ti lo. Tongaso lo mu azo ti mara mingi na ngbaa.

1 Tesalonike 5:3

Na ndembe so azo ayeke tene ande, atene: “E yeke na siriri, mbeni ye ti sarango e ayeke daa pepe!”, gi na ndembe so laa kota kpale ayeke ti na ndö ti ala fafade tongana songo ya ti mama ti ngo so aga nduru ti du. Fade ala yeke wara lege ti sigigi na ya ni pepe.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”

Aye so Nzapa afa 22:15

Na gigi, azo so sarango ye ti ala akpa ti mbo, azo ti guengo na gbe ti yoro, azo ti sarango aye ti ndumba, azo ti fango zo nga na azo so aye mvene si ayeke tene mvene!

Ruth 1:20

Noemi atene na ala: “Ala iri mbi Noemi pepe; me ala iri mbi Mara, so ti tene: ‘zo ti mawa’. Ala iri mbi zo ti mawa, ngbanga ti so Nzapa so ngangu ti lo ahon angangu kue asara si aye ti vundu mingi asi na mbi.

Ruth 1:5

Na pekoni, Malon na Kilion nga akui. Noemi angba gi lo oko; koli ti lo ayeke daa pepe, amolenge ti lo use kue ayeke daa pepe.