Ésaïe 47:8 - Mbeti ti Nzapa - Tënë so amu fini

⁸ Fadeso, ma tënë so si! Mo wali so mo ye ngia mingi so, mo so mo duti kpoo si mo tene fade na be ti mo, mo tene: “Mbi so, mbeni zo ti lingbi na mbi ayeke daa pepe, gi mbi awe! Mbi yeke ga ande wali-mua pepe, amolenge ti mbi ayeke kui pepe.”

Ésaïe 47:8 ပူးပေါင်းရင်းမြစ်များ

Ésaïe 14:14

Mbi yeke ma na ndö ti ambinda, mbi yeke ga tongana Nzapa so ayeke na yayu kâ na ndö ti aye kue.”

Ésaïe 32:11

Ala awali so ye ti songo ala ayeke daa pepe so, alingbi ala do na mbeto. Ala awali so abaa tere ti ala atene, ala lingbi awe so, alingbi tere ti ala ado, ala zi bongo na tere ti ala, tere ti ala angba ndumbu, ala kanga bongo ti mua na ngbonda ti ala.

Ésaïe 32:9

Ala awali so ye ti songo ala ayeke daa pepe so, ala londo, ala ma mbi si! Ala amaseka-wali so abaa tere ti ala atene, ala lingbi awe so, ala dingi mê ti ala, ala ma mbi si!

Ésaïe 45:18

*KOTA GBIA asara yayu; lo yeke Nzapa so lo sara sese, lo leke ni, lo sara si akpengba. Lo sara sese ni titene ndö ni angba senge pepe, lo sara ni titene azo alango daa. Tënë so lo tene ayeke so: “Mbi laa mbi yeke KOTA GBIA, mbeni nde ayeke daa pepe.

Ésaïe 45:5

Mbi laa mbi yeke KOTA GBIA, mbeni nde ayeke daa pepe. Mbeni Nzapa nde ayeke pepe, gi mbi oko. Ataa so mo hinga mbi pepe, mbi leke mo ndali ti bira.

Ésaïe 45:6

Tongaso, ti londo na To asi na Do, azo ayeke hinga atene, mbeni nzapa nde ayeke daa pepe, gi mbi oko. Mbi laa mbi yeke KOTA GBIA, mbeni nde ayeke daa pepe.

Ésaïe 47:10

Mo zia be ti mo na ndö ti asioni sarango ye ti mo, mo tene: “Zo oko abaa mbi pepe.” Me sioni ndara ti mo na sioni hingango ndo ti mo laa ahanda mo. Mo tene na be ti mo, mo tene: “Mbi so, mbeni zo ti lingbi na mbi ayeke daa pepe, gi mbi awe!”

Jérémie 49:31

Ala londo! Mara so aduti ti lo gi kpoo so, ala gue, atiri bira na lo! So tënë ti yanga ti KOTA GBIA laa. Azo ni abaa lani atene, sioni ye ayeke si na ala pepe; ada ti ala, yanga ni ayeke daa pepe, kerere ayeke nga daa pepe; ala duti ti ala lani yamba!

Jérémie 50:11

Nzoni ma! Ala sara ngia, ala dodo na ngia, ala so abuba kodro so ayeke ando ti mbi so! Ala huru tongana kete bagara na ya ti fini pere! Ala toto tongana akoli-mbarata!

Jérémie 51:53

Ataa Babilone ama na nduzu ngbii lo si na le ti nduzu, ataa lo honde tere ti lo na peko ti mbeni ngangu gbagba so zo alingbi ti si daa pepe, mbi yeke mu yanga na azo so kua ti ala ayeke ti bubango aye titene ala gue ngbii asi na tere ti lo kâ”; so tënë ti yanga ti KOTA GBIA laa.

Ezekiel 16:49

Baa, asioni ti ita ti mo Sodome na agbata so ayeke nduru na lo ayeke so: ala yeke agbata ti baba, ala yeke te ye ahon ndoni, ala duti kpoo, mbeni ye ti so be ti ala ayeke daa pepe; ala mu maboko na awayere pepe nga na azo ti mawa.

Ezekiel 28:2

“*Molenge ti zo, tene na makonzi ti Tir, mo tene: Tënë so Kota Gbia NZAPA atene ayeke so: Be ti mo asuku na baba si mo tene: ‘Mbi yeke nzapa, mbi duti na ndö ti mbata ti gbia na popo ti anzapa na be ti kota ngu-ingo.’ Mo tene na be ti mo, mo tene, mo lingbi na nzapa, andaa mo yeke gi senge zo, mo yeke nzapa pepe.

Ezekiel 30:9

Na lango ni so, mbi yeke tokua azo na mangboko ti gue na iri ti mbi, ti sara si azo ti Etiopii so ayeke duti na siriri, tere ti ala ado na mbeto. Na lango so mbi yeke buba Ezipte, fade tere ti ala ayeke do na mbeto. Biani, lango ni aga nduru awe!

Daniel 11:36

‘Fade gbia ni ayeke sara gi ye so be ti lo aye; lo yeke gonda tere ti lo mingi si lo yeke baa tere ti lo kota ahon anzapa. Lo yeke tene atënë so akpa titene zo atene pepe na tere ti Nzapa so ahon anzapa kue. Aye so kue gbia ni ayeke sara ayeke ga nzoni na lo ngbii asi na ngoi so ngonzo ti Nzapa ayeke si na ndani. Tongaso, fade Nzapa ayeke sara ye so lo leke na be ti lo ti sara.

Daniel 4:22

Azo ayeke tumba mo na popo ti ala si mo yeke lango na popo ti anyama ti ngonda; a yeke mu na mo gi apere ti te tongana bagara. Fade ngu ti pere ayeke mu tere ti mo kue si mo yeke ngba tongaso na ya ti ngu mbarambara. Mo yeke ngba tongaso ngbii mo hinga, mo tene, Nzapa so ayeke na yayu kâ na ndö ti aye kue laa ayeke gbia na ndö ti kodro ti azo. Lo laa lo yeke zia zo so be ti lo aye na li ti kodro ni.

Daniel 4:27

Lo mu tënë si lo tene: “So Babilone pepe? Kota gbata so mbi sara ni titene aga ndo ti lango ti gbia so! Mbi sara ni na lege ti ngangu ti mbi ti gbia. Mbi sara ni titene azo agonda iri ti mbi.”

Daniel 4:30

Taa gi na ngbonga ni so, tënë so a tene na ndö ti Nabukodonosor aga taa-tënë: azo atumba lo na popo ti ala; lo yeke te pere tongana bagara si ngu ti pere amu tere ti lo kue. Kua ti li ti lo ayo aga tongana kua ti tere ti *ngoalo si anzënë ti maboko ti lo ayo aga tongana ti andeke.

Daniel 4:4

Tongaso azo ti nganga, azo ti mazi, azo ti yoro, na azo kue ti bango nda ti aye aga. So ala ga awe, mbi fa na ala bango-li ti mbi ni, me zo oko na popo ti ala afa na mbi nda ni pepe.

Daniel 5:23

Mo londo ti ke Nzapa so ayeke na yayu: azo ague, amu aye ti da ti lo aga na ni si mo na akota zo ti mo, na awali ti mo so mo ne ala mingi nga na ala so mo ne ala mingi pepe, ala tuku samba na ya ni, ala nyon. Na pekoni, mo gonda anzapa so a sara na wen ti nginza na lôro, ala so a sara na bengba wen, na wen, na keke nga na têne. Anzapa ni ayeke baa ndo pepe, ala yeke ma tënë pepe si ala hinga ye pepe. Me mo ke ti gonda Nzapa so pupu ti ya ti mo ayeke na maboko ti lo si lo yeke bata tambula ti mo.

Daniel 5:30

Gi na bi ni, azo afâ Baltazar, gbia ti Babilone.

Nahum 1:10

Awato ti ala ni ayeke tongana gba ti akeke ti ki so ali ya ti tere kirikiri; awato ni anyon samba ahon ndö ti ala awe. Fade ala yeke gbi kue tongana holengo pere.

Nahum 3:4

Aye so kue ayeke si, ngbanga ti so Ninive ayeke tongana wali-ndumba; lo sara aye ti ndumba ti lo ni ahon ndoni. Lo handa azo na lege ti pendere ti lo, na lege ti sarango yoro ti lo. Tongaso lo mu azo ti mara mingi na ngbaa.

Habakuk 1:7

Ala yeke asioni zo, ala yeke zia mbeto na be ti azo. Ala wani ayeke sara ndia ti li ti ala, ala yeke sara si iri ti ala awu.

Sofonii 2:15

Baa, ye so ayeke si na gbata so, gbata so aduti ando na ngia so laa! Gbata so abaa ti lo atene, mbeni sioni ye alingbi ti si na lo pepe so; lo tene: “Gi mbi oko awe!” Asara tongana nyen laa gbata ni akiri aga ngonda so? Akiri aga ndo ti lango ti anyama so? Zo so kue ayeke hon nduru na ni ayeke huru yanga ti lo si lo yeke sara maboko ti he na gbata ni.

2 Tesalonike 2:4

Zo ti sioni so ayeke londo ti tiri bira na aye so kue azo ayeke baa ni tongana anzapa, na aye so kue azo ayeke voro ni. Lo yeke gue ande ngbii ti duti na ya ti kota da ti Nzapa si lo yeke tene, ni wani laa ni yeke Nzapa.

Awafango-ngbanga 18:27

Azo ti Dan amu aye so Mika aleke so nga na wayango-sandaga so ayeke sara kua na lo si ala hon na lo. Ala gue, atiri na azo ti gbata ti Laish so ayeke duti lani kpoo si mbeto ti mbeni ye ayeke sara ala pepe so. Azo ti Dan afâ ala kue si ala bi wâ na gbata ni.

Awafango-ngbanga 18:7

Akoli oku so alondo, ala gue, asi na gbata ti Laish. Ala baa so azo ti gbata ni ayeke na siriri, tongana ti so azo ti Sidon ayeke duti kpoo, mbeto ti mbeni ye oko ayeke sara ala pepe. Azo so ayeke nduru na ala agi tënë na ala pepe, mbeni zo ti sara ngangu na ala ayeke nga daa pepe. Azo ti Laish alango yongoro na tere ti azo ti Sidon, ala yeke ku ye na maboko ti mbeni zo pepe.