Ésaïe 47:6 - Mbeti ti Nzapa - Tënë so amu fini

⁶ Mbi sara lani ngonzo na tere ti azo ti mbi. Tongaso mbi zia kamene na le ti azo so ayeke ti mbi si mbi zia ala na maboko ti mo. Me mo baa mawa ti ala oko pepe, mo sara si komandema ti mo ane tongana *zuge na ndö ti ambakoro.

Ésaïe 47:6 ပူးပေါင်းရင်းမြစ်များ

2 Samuel 24:14

David akiri tënë na Gad, atene: “Mbi yeke na ya ti ye ti ngangu mingi! Mbi gbu gere ti mo, zia e ti na maboko ti KOTA GBIA, ngbanga ti so nzoni be ti lo ayeke kota; me mbi ye ti ti na maboko ti azo pepe.”

2 Mbai 10:11

Babâ ti mbi azia lani nengo kungba na ndö ti go ti ala. Ti mbi, fade mbi yeke zia na ndö ti go ti ala kungba so akiri ane ahon ndoni. Babâ ti mbi apika ala lani na zaza. Ti mbi, fade mbi yeke pika ala na fimbo so wen ayeke na yanga ni.’ ”

2 Mbai 28:9

Na Samarii, mbeni wayanga ti KOTA GBIA ayeke daa, iri ti lo Oded. Lo gue ti wara tere na aturugu ti Israel so alondo na Samarii ti kiri; lo tene na ala: “KOTA GBIA, Nzapa ti akotara ti ala asara ngonzo na tere ti azo ti Juda. Nilaa lo zia azo ti Juda ni na maboko ti ala si ala fâ azo ti Juda ni na sioni ngonzo so tënë ni ague ngbii asi na yayu.

2 Mbai 36:17

Tongaso, KOTA GBIA atokua gbia ti Babilone na tere ti ala; gbia ni afâ amaseka ti Israel taa na ndo ti ala so ayeke nde si ayeke nzoni kue. Maseka-koli wala maseka-wali wala kangba wala mbakoro, lo baa mawa ti zo oko pepe. KOTA GBIA azia ala kue na maboko ti gbia ni.

2 Mbai 36:20

Azo so akpe si angba na fini, gbia agbu ala ague na ala na Babilone titene ala ga angbaa ti lo na ti amolenge ti lo; ala ngba na gbe ti ngbaa ni ngbii asi na lango so azo ti Perse amu kodro ni.

Esdras 5:12

Me akotara ti e asara si ngonzo ti Nzapa ti yayu alondo. Nilaa lo zia ala na maboko ti Nabukodonosor, zo ti Babilone, gbia ti Kalde. Nabukodonosor akungbi da ni kue na sese si lo gbu azo ti Israel, lo gue na ala na Babilone.

Abia (Psaumes) 69:26

Ayeke nzoni bâbâ ti ala abuba kue si zo oko akiri aduti na da ti ala ti bongo pepe,

Ésaïe 10:6

Mbi tokua lo na tere ti amara so ake mbi, mbi tokua lo ti gue hio na tere ti azo so asara si ngonzo ti mbi alondo. Mbi tokua lo ti nzi ye ti azo ni, ti gbu aye ti ala tongana ti so a yeke gbu ye na peko ti bira, ti do ala na gbe ti gere tongana ti so zo ayeke do ya ti potopoto na ndö ti lege.

Ésaïe 13:16

A yeke do ya ti amolenge ti ala taa na le ti ala, a yeke nzi aye ti da ti ala, a yeke gbu awali ti ala na ngangu ti lango na ala.

Ésaïe 14:17

Lo so ando lo yeke sara si dunia aga benyama so, lo so ando lo yeke buba agbata si lo yeke ke ti zi azo ti kanga ti lo so, lo laa biani?”

Ésaïe 14:6

Zo so lani, na lege ti sioni ngonzo ti lo, lo yeke pika azo, lo yeke pika ala, lo wu tere ti lo pepe; lo so na lege ti ngonzo ti lo, lo yeke nika amara nde, lo yeke sara ngangu na ala, lo baa mawa ti ala pepe.

Ésaïe 43:28

Tongaso mbi bi buba na tere ti amakonzi so ayeke sara kua na ndo so a zia ni nde ndali ti mbi, mbi zia Jacob titene a fâ lo, mbi zia Israel na maboko ti awato ti lo titene ala zonga lo.

Jérémie 50:42

Ala gbu akokora na alikongo na maboko ti ala, ala yeke sioni mingi si ala yeke baa mawa ti zo pepe. Toto ti ala ayeke tongana toto ti kota ngu-ingo. Ala ko na ndö ti ambarata si ala leke tere ti ala tongana akoli ti tiri bira na mo, maseka-wali Babilone!

Abia ti demango tere 1:14

Le ti KOTA GBIA abaa asioni so mbi sara; lo kanga asioni ti mbi na ndö ti mbi tongana *zuge so lo zia na ndö ti mbi; asioni ti mbi ni akono agbu mbi na go. Kota Gbia awoko ngangu ti mbi kue awe. Lo zia mbi na maboko ti awato ti mbi; mbi lingbi ti gbu le ni na ala pepe.

Abia ti demango tere 1:21

KOTA GBIA, so mbi ngba ti dema, azo ama mbi; me mbeni zo ti de be ti mbi ayeke daa pepe. Ye ti mawa so asi na mbi azia ngia na be ti awato ti mbi. Andaa mo laa mo sara ye ni. Lango so mo tene tënë ni ando so, KOTA GBIA, mo sara si lango ni so alingbi si. Ayeke nzoni awato ti mbi aga nga tongana mbi!

Abia ti demango tere 2:2

KOTA GBIA akungbi akete kodro ti sese ti Israel kue; lo baa mawa ti akodro ni oko pepe. Ngonzo ti lo ti wâ alondo; nilaa lo kungbi agbata ti Juda na sese; agbata so a sara angangu gbagba na tere ni so. KOTA GBIA abi kodro-gbia ni na sese, lo buba iri ti kodro ni na akota zo ni kue.

Abia ti demango tere 4:16

KOTA GBIA, lo wani akangbi ala kirikiri; lo ye ti baa ala na le ti lo mbeni pepe. Zo ti nengo awayango-sandaga ayeke daa pepe! Zo ti kpengo awayango-sandaga ayeke daa lawa.

Abia ti demango tere 5:12

A gbu agbenyogbia, ato kamba na go ti ala na ya ti keke na nduzu. Zo akiri akpe *akangba oko pepe.

Ezekiel 24:21

Tene na azo ti Israel, mo tene: Tënë so Kota Gbia NZAPA atene ayeke so: Mbi yeke sara si ndo so a zia ni nde ndali ti mbi aga sioni. Andaa da ti mbi ni ayeke ye so ala yeke pika kate ti ala ndali ni, ye so apendere na le ti ala, ye so ala zia be ti ala daa ndali ti fini ti ala. Amolenge ti ala ti koli na ti wali so ala zia ala na Jérusalem, fade a yeke fâ ala na yongoro zeme.

Ezekiel 28:16

Dengo buze ti mo so ague na nduzu apusu mo ti sara ngangu na azo, mo sara siokpari. Nilaa mbi tumba mo na ndö ti hoto ti mbi si mbi zia mo na popo ti asenge zo. Mo sheruben so mo yeke bata zo, mbi yeke tumba mo titene mo londo na popo ti atêne so ale ti wâ ayeke sigigi daa.

Abdias 1:10

“Ala azo ti Edom, ndali ti ngangu so ala sara ando na a-ita ti ala *ahale ti Jacob, fade kamene ayeke gbu le ti ala si ti ala ayeke hunzi biani biani.

Abdias 1:16

“Lani ala, azo ti Israel, ala nyon kopo ti ngonzo ti mbi na ndö ti hoto ti mbi so ayeke nde si ayeke nzoni kue; legeoko nga, fade amara nde ayeke nyon ni, ala wu tere ti ala pepe. Ala yeke nyon ngbii, ala sule si ala ga tongana azo so a du fade ala pepe.

Zakarii 1:12

Na pekoni, ange ti KOTA GBIA akiri amu tënë si atene: “KOTA GBIA, mo so mo yeke na ndö ti dunia kue so, asara fadeso ngu balembarambara awe so mo sara ngonzo na tere ti gbata ti Jérusalem na agbata ti Juda. Mo yeke ku ngbii asi lawa si mo yeke baa mawa ti ala?”

Zakarii 1:15

Me be ti mbi aso mingi na amara so abaa tere ti ala tongana amara so alingbi awe so. Na ndembe so lani mbi sara ngonzo gi kete na tere ti azo ti Israel, ti ala, ala sara si mawa ti Israel akiri ahon ndoni.

Matthieu 7:2

Biani, Nzapa ayeke fâ ande ngbanga na li ti ala gi tongana ti so ala yeke fâ ngbanga na li ti azo. Ye so ala mu ti haka na ye na azo, ni laa Nzapa ayeke mu ni ti haka na ye na ala.

Ndia ti fani use ni 28:50

Azo ti mara ni so, ngia ayeke na le ti ala ka pepe; ala yeke kpe ambakoro pepe, ala yeke baa mawa ti amolenge pepe.

Jacques 2:13

Biani, zo so abaa mawa ti mba ti lo pepe, tongana Nzapa ayeke fâ ande ngbanga ti azo, lo yeke baa nga mawa ti zo ni pepe; me zo so abaa mawa ti mba ti lo, fade lo yeke sigigi na ya ti ngbanga.