Ésaïe 47:5 - Mbeti ti Nzapa - Tënë so amu fini

⁵ Mo gbata ti azo ti Babilone, mo duti, mo kai kpoo, mo honde tere ti mo na ya ti vukongo ndo. Biani, fade a yeke kiri ti iri mo pepe: “Gbia-wali so ayeke na ndö ti akodro-gbia”.

Ésaïe 47:5 ပူးပေါင်းရင်းမြစ်များ

Abia (Psaumes) 31:17

Mbi, zo ti kua ti mo, baa mbi na nzoni le! Na lege ti nzoni be ti mo, soo mbi na kuâ!

Abia (Psaumes) 46:10

Lo kai abira ngbii asi na nda ti sese kue; lo fâ ya ti akokora, lo kungbi ya ti alikongo, lo gbi apusu ti mbarata ti bira.

Ésaïe 13:10

Fade atongoro ti le ti nduzu na ala so abongbi tere na ndo oko ayeke kiri ti za pepe. Gi na sigingo ti lâ tongaso, le ti lâ ni ayeke vuko si nze ayeke kiri ti su pepe.

Ésaïe 14:23

Fade mbi yeke sara titene Babilone aga ndo ti potopoto, ndo so abelu ayeke lango daa. Mbi yeke zi Babilone na balee so ayeke zi azende kue. So tënë ti yanga ti KOTA GBIA so ayeke na ndö ti dunia kue laa.”

Ésaïe 14:4

Fade mo yeke he bia so na iri ti gbia ti Babilone, mo tene: Ye ni tongana nyen! Zo ti sarango ngangu na azo ayeke fadeso na ndo wa? Ngangu so lo yeke sara na azo so ahunzi awe!

Ésaïe 21:9

Ala baa, mbeni koli ayeke ga, lo duti na ndö ti pusu ti mbarata so ambarata use laa ayeke gboto ni. Lo kiri lo dekongo, lo tene: ‘Babilone ati awe! Babilone ati awe! Ayanda kue ti anzapa so ayeke na ya ti gbata ni ayeke lango na sese; ya ni afâ kete kete.’ ”

Ésaïe 23:2

“Ala duti kpoo, ala azo so ayeke lango na tere ti ngu so, ala azo ti dengo buze ti gbata ti Sidon, ala so ayeke tokua azo ti ala ti vo ye

Ésaïe 47:1

*KOTA GBIA atene: “Babilone, pendere gbata, mo zu, mo duti na ya ti fuku ti sese; kua ti mo ti gbia-wali ahunzi awe! Gbata ti azo ti Babilone, mo duti taa na sese, ngbanga ti so a yeke kiri ti iri mo pepe: ‘Babilone, wali so maboko ti lo ayeke ndu ye oko pepe’, ‘Babilone, *wali-ndomo’.

Ésaïe 47:7

Mo tene lani: “Mbi yeke ngba gbia-wali lakue lakue.” Me mo gbu ti li ti mo pepe na ndö ti aye so ayeke si, mo dabe ti mo pepe na ndö ti ye so ayeke si ande.

Jérémie 25:10

Mbi yeke zi na popo ti ala bia ti azo so tere ti ala anzere, bia ti azo so ayeke na ngia nga na bia ti koli na wali so amu tere fini fini; mbi yeke zi na popo ti ala toto ti têne ti nikango na ye nga na wâ ti lamba.

Jérémie 8:14

“E ngba ti duti dutingo ngbanga ti nyen? E londo, e bongbi tere, e li na ya ti agbata so gbagba ti bira ayeke na tere ni, e duti kâ ti ku kuâ ti e ma! Biani, KOTA GBIA, Nzapa ti e aye gi kuâ ti e; lo ye titene e nyon gi ngu so sioni yoro ayeke daa, ngbanga ti so e sara siokpari ti ke lo.

Abia ti demango tere 1:1

Azo-oo, azo! Taa gbata so ando azo asi singo daa so, ni laa angba fadeso gi lo oko so-oo! Gbata so iri ni awu ando na popo ti agbata kue so, ni laa aga fadeso tongana mbeni wali-mua so-oo! Gbata so ayeke ando na ndö ti akete-kodro kue so, ni laa fadeso kua ti ngbaa ahon ndö ti lo so-oo!

Abia ti demango tere 2:10

*Akangba ti gbata ti Sion aduti gi na sese, tënë ahunzi na yanga ti ala awe; ala yu abongo ti mua, ya ti li ti ala kue gi na fuku ti sese. Amaseka-wali ti gbata ti Sion aduti aba li ti ala na sese.

Habakuk 2:20

Me KOTA GBIA ayeke na ya ti kota da ti lo so ayeke nde si ayeke nzoni kue. Ayeke nzoni azo ti sese kue akai kpoo na dawa ti lo!”

Zakarii 2:13

Biani, mbi yeke yoro maboko ti mbi ti pika amara ni so. Tongaso, azo so amara ni agbu ala lani na ngbaa so, angbaa ni ayeke kiri ti gbu amara ni tongana aye so a gbu na peko ti bira.” Tongana ye ni asi, fade ala yeke hinga atene, KOTA GBIA so ayeke na ndö ti dunia kue laa atokua mbi.

Jude 1:13

Ala yeke tongana asioni *mapo ti le ti kota ngu-ingo so pupu ayeke yingi ni kirikiri, aye ti kamene ti ala ni ayeke sara tongana *afuru ti ngu. Ala yeke nga tongana ambeni tongoro so ayeke tambula kirikiri; ndo so a leke ndali ti azo ni titene ala duti daa kpu na kpu ayeke na ndo so avuko pitipiti.

Aye so Nzapa afa 17:18

“Wali so mo baa lo so ayeke kota gbata so ayeke na komandema na ndö ti agbia ti sese so.”

Aye so Nzapa afa 18:7

Ala sara pasi na lo, ala bi lo na ya ti aye ti vundu alingbi gi na gondango tere ti lo nga na kota nzara ti warango ye ti lo. Ala sara na lo aye ni so ndali ti so lo yeke tene na be ti lo, lo tene: ‘Mbi yeke gbia-wali, mbi so mbi duti ge so! Mbi yeke wali-mua pepe si mbi yeke sara mua laoko pepe.’

1 Samuel 2:9

KOTA GBIA ayeke bata fini ti azo so aye lo. Me azo so ake tënë ti lo, ala yeke kui na ya ti vukongo ndo. Taa-tënë, zo alingbi ti hon ndö ti aye na ngangu ti lo wani pepe.