Ésaïe 47:14 - Mbeti ti Nzapa - Tënë so amu fini

¹⁴ Ala yeke tongana pere, fade wâ ayeke gbi ala kue. Ala lingbi ti zi tere ti ala na ya ti menga ti wâ ni pepe. Wâ ni so ayeke ale ti wâ so e yeke to na kobe pepe, wala wâ so zo ayeke duti na tere ni titene tere ti lo amu wâ pepe.

Ésaïe 47:14 ပူးပေါင်းရင်းမြစ်များ

Sigingo 5:12

Tongaso azo ti Israel akangbi tere ti ala na ya ti kodro ti Ezipte kue ti ro aholengo pere ti pika na biriki.

Ésaïe 10:17

Fade lumiere ti Israel ayeke ga wâ; lo so ayeke nde si ayeke nzoni kue ayeke ga menga ti wâ so ayeke zö si ayeke gbi akamba ti ki na aki gi na ya ti lango oko.

Ésaïe 30:14

Ya ti dere ni afâ kete kete tongana ta ti wasarango-ta; zo alingbi ti kiri ti leke ni pepe. Zo alingbi ti mu mbeni fango ni ti mu na le ti wâ na ya ti duke pepe wala ti to na ngu na ya ti du ti ngu pepe.”

Ésaïe 33:14

Na *Sion, azo ti siokpari ado na mbeto, tere ti azo ti sioni ado. Ala yeke hunda tere ti ala, atene: “Wâ so ayeke gbi ye kue so, zo wa na popo ti e alingbi ande ti luti na tere ni, zo wa? Zo wa na popo ti e alingbi ti luti na tere ti kota wâ so ayeke gbi lakue lakue so zo wa?”

Ésaïe 40:24

Ataa a iri ala na kua gi fafadeso, ataa ala gbu mbata ti kua ti ala gi fafadeso, ataa gere ti ala ade ti li sese pepe, mo ye ti baa, KOTA GBIA ahuru pupu na ndö ti ala. Tongaso, ala hole si ngangu pupu ahon na ala tongana holengo pere.

Ésaïe 41:2

Mbeni zo alondo na mbage ti To si lo yeke ga; lo so benda na ndo so kue lo yeke hon daa. Zo wa laa azia lo na lege si lo ga so, zo wa? Zo wa laa azia amara nde na maboko ti lo, zo wa? Zo wa laa azia agbia na gbe ti komandema ti lo, zo wa? Yongoro zeme ti lo asara si ala ga tongana fuku ti sese, kokora ti lo asara si ala kangbi kirikiri tongana holengo pere so pupu amu ahon na ni.

Ésaïe 44:16

Ala yeke mu mbeni mbage ti keke ni ti sara na wâ; ala yeke zö na nyama si ala yeke te ya ti ala asi. Wala ala yeke duti na tere ti wâ ni si ala tene: “En-heen! Tere ti mbi ato nda ti mu wâ; so pendere wâ!”

Ésaïe 5:24

Ndani laa, fade ala yeke ga tongana pere so wâ agbi ni, ala yeke ga tongana holengo pere so menga ti wâ agbi ni kue. Ala yeke duti tongana pere so gunda ni afun na ya ti sese, tongana kongo so pupu ahon na ni tongana fuku ti sese. Biani, ye so KOTA GBIA so ayeke na ndö ti dunia kue afa, ala ke ni; tënë ti Nzapa ti Israel, lo so lo yeke nde si lo yeke nzoni kue, ala baa ni tongana mbumbuse ye.

Jérémie 51:30

Angangu zo ti bira ti Babilone azia lege ti bira awe, ala honde tere ti ala na ya ti ngangu gbagba ti bira ti ala kâ. Ngangu ti ala kue ahunzi awe, ala ga tongana awali. A zi ayanga ti gbata ni polele awe; a gbi ada ti lango ti azo ti Babilone kue awe.

Jérémie 51:32

a mu ndo so azo ayeke fâ ngu daa na gere, a gbi asosongo awe, be ti aturugu afun kue awe.”

Jérémie 51:58

Tënë so KOTA GBIA so ayeke na ndö ti dunia kue atene ayeke so: “Akota gbagba ti Babilone akungbi kue awe, a gbi akota yanga ti gbagba ti kodro ni awe. Amara ayeke baa pasi na kua senge senge, kua so azo asara ayeke hunzi na le ti wâ!”

Ezekiel 15:7

Mbi yeke be le na ala. Ala baa ti ala atene, ala sigigi na ya ti wâ awe, me fade wâ ayeke gbi ala kue. Tongaso, ala azo ti Jérusalem, fade ala yeke hinga atene, mbi laa mbi yeke KOTA GBIA, mbi so mbi be le na azo ni.

Joël 2:5

Ala yeke huru na ndö ti ahoto si toto ti hurungo ti ala ni ayeke tongana toto ti apusu ti mbarata; tongana toto ti menga ti wâ so ayeke gbi holengo pere. Ala yeke londo ti ga tongana angangu turugu so aleke tere ti ala na molongo ti tiri bira.

Abdias 1:18

Fade ahale ti Jacob ayeke ga tongana wâ si ahale ti Joseph ayeke ga tongana menga ti wâ. Me ahale ti Ezau ayeke ga tongana holengo pere so a zia wâ daa si agbi kue. Fade mbeni zo oko ti mara ti Ezau ayeke ngba na fini pepe.” *KOTA GBIA laa atene tënë so.

Nahum 1:10

Awato ti ala ni ayeke tongana gba ti akeke ti ki so ali ya ti tere kirikiri; awato ni anyon samba ahon ndö ti ala awe. Fade ala yeke gbi kue tongana holengo pere.

Matthieu 10:28

Azo so ayeke fâ tere ti zo, ala sara mbeto ti ala pepe; azo ni alingbi ti fâ yingo ti zo pepe. Me ayeke nzoni ala kpe mbeto ti Nzapa so alingbi ti sara si tere ti zo na yingo ti lo kue abuba na ndo so wâ ayeke gbi daa lakue.

Matthieu 16:26

Tongana zo awara aye ti dunia so kue si lo girisa fini ti lo, nzoni ye ti nyen laa lo yeke wara na peko ni? Nyen laa zo alingbi ti mu ti vo na fini ti lo?

Aye so Nzapa afa 18:21

Tongaso, mbeni ngangu ange amu mbeni ngbongboro têne so akono alingbi na têne ti nikango na ye, lo bi na ya ti kota ngu-ingo si lo tene: “A yeke bi Babilone, kota gbata ni na ngangu tongaso. Fade azo ayeke kiri ti baa ni pepe!