Ésaïe 47:12 - Mbeti ti Nzapa - Tënë so amu fini

¹² Tongaso, mo ngba ti sara yoro ti mo nga na aye ti mazi ti mo ma! Mo to nda ti sarango aye ni so ngbene ye so mo de maseka. E hinga pepe, mo lingbi ti wara ye na peko ni, e hinga pepe, mo lingbi ti zia mbeto na be ti azo!

Ésaïe 47:12 ပူးပေါင်းရင်းမြစ်များ

Abia (Psaumes) 129:1

A yeke he bia so na ndembe ti guengo ni na Jérusalem. So mbi de molenge ngbii asi fadeso, azo asara ngangu na mbi fani mingi. Ayeke nzoni azo ti Israel akiri na ndö ti tënë ni, atene:

Sigingo 7:11

Me gbia Faraon airi azo ti hingango nda ti aye nga na anganga; azo ti mazi ti Ezipte so asara gi mara ti ye so na lege ti mazi ti ala.

Sigingo 8:7

Fade akongba ni ayeke londo na ndo ti mo nga na ya ti yangbo ti mo ti hon; ala yeke londo na ndo ti azo ti gbe ti mo nga na ndo ti azo ti kodro ti mo ti hon. Ala yeke ngba gi na ya ti bale ti Nil.”

Sigingo 9:11

Azo ti mazi ti Ezipte alingbi ti luti na dawa ti Moïse pepe ndali ti aye so asuku na tere ti ala so. Biani, asukungo ye ni amu tere ti ala kue nga na tere ti azo ti Ezipte kue.

Ésaïe 19:3

Fade be ti azo ti Ezipte ayeke woko, mbi yeke buba ya ti apialo ti ala. Tongaso, ala yeke gue ti hunda ayanda, ayingo ti akuâ na azo so ayeke baa nda ti aye.

Ésaïe 44:25

Fadeso mbi yeke mingo aye ti dongo be ti azo ti fango nda ti ye na mvene; mbi yeke sara si azo ti bango nda ti aye atene tënë kirikiri. Mbi yeke sara si azo ti ndara akiri na peko; mbi yeke sara si hingango ye ti ala aga buba ye.

Ésaïe 8:19

Ambeni zo ayeke tene: “Ala gue, ahunda yingo ti akuâ nga na azo so ayeke fa ye so ayeke si kekereke, azo ni ayeke huru yanga ti ala si ala yeke tene tënë na gbe ti go ti ala. Mbeni mara alingbi ti gue ti baa anzapa ti lo pepe? Ala lingbi ti tene tënë na akuâ ndali ti azo so ade na fini pepe?” Tongana azo ni atene na ala amara ti tënë tongaso,

Jérémie 2:28

Fade mbi yeke kiri tënë na ala, mbi tene: ‘Anzapa ti ala so ala leke ala so ayeke na ndo wa? Tongana ye ti ngangu asi na ala, ayeke nzoni anzapa ni aga asoo ala ma! Biani, ala azo ti Juda, ala yeke na anzapa gbani gbani alingbi na wungo ti agbata ti ala.’

Ezekiel 21:26

Gbia ti Babilone aluti na sangbi-lege ni, na ndo so alege use so atengbi daa ti bi zeke. Lo yingi ale ti kokora, lo hunda anzapa ti lo, lo baa be ti anyama.

Daniel 2:11

Ye so mo hunda so ayeke ngangu mingi. Zo oko ti fa tënë ni na gbia ayeke daa pepe. Gi anzapa si alingbi ti fa ni; me ndo ti lango ti ala ayeke na popo ti azo ti sese pepe.”

Daniel 2:2

Tongaso lo mu yanga titene a iri azo ti nganga, azo ti mazi, azo ti yoro na azo nde nde so ayeke baa nda ti aye. Lo iri ala titene ala fa na lo bango-li so lo baa so. So ala si awe, ala gue na dawa ti gbia

Daniel 5:15

Fafadeso, a ga na mbi azo ti ndara na azo ti mazi titene ala diko mbeti so a su na tere ti da so awe. Mbi ye nga fade titene ala fa na mbi nda ni, me ala ha gbaa.

Mishe 3:7

Fade kamene ayeke sara azo ti bango nda ti aye, li ti azo so ayeke gi nda ti aye ayeke ga kirikiri; ala kue ayeke honde le ti ala, ngbanga ti so Nzapa ayeke kiri tënë na ala pepe.

Nahum 3:4

Aye so kue ayeke si, ngbanga ti so Ninive ayeke tongana wali-ndumba; lo sara aye ti ndumba ti lo ni ahon ndoni. Lo handa azo na lege ti pendere ti lo, na lege ti sarango yoro ti lo. Tongaso lo mu azo ti mara mingi na ngbaa.

Wungo ti azo 22:25

Mama ti lele ni abaa ange ni. Lo gue nduru na tere ti gbagba ni si lo pete gere ti Balaam na tere ti gbagba ni. Balaam akiri apika lo.

Aye so Nzapa afa 9:21

Azo ni azia nga lege ti fango zo, guengo na gbe ti yoro, sarango aye ti ndumba wala nzi pepe.