Ésaïe 47:11 - Mbeti ti Nzapa - Tënë so amu fini

¹¹ Baa, fade mbeni ye ti mawa ayeke ti na ndö ti mo, mo yeke hinga lege so mo yeke sigigi na ya ni pepe. Baa, mbeni kpale ayeke ti na ndö ti mo, mo yeke hinga lege ti bata tere ti mo daa pepe. Mbeni ngangu pupu ayeke ga na ndö ti mo biaku, mo yeke hinga li ti mo na ni pepe.

Ésaïe 47:11 ပူးပေါင်းရင်းမြစ်များ

Néhémie 4:11

Azo ti lekengo gbagba na azo ti yongo akungba ayeke sara kua na mbeni maboko oko si ala gbu aye ti bira na tanga ti maboko ni.

Abia (Psaumes) 35:8

Ayeke nzoni mbeni kota ye ti ngangu so ala hinga li ti ala daa pepe asi na ala. Ayeke nzoni gbanda so ala wani ahonde so agbu ala si ala wara kuâ na ya ti kota ye ti ngangu so!

Abia (Psaumes) 50:22

Ala so agirisa mbi Nzapa so, ala ma mbi nzoni! Tongaso pepe, mbi yeke suru ya ti ala si mbeni zo ti soo ala ayeke daa pepe.

Abia (Psaumes) 55:15

Mbi na mo, e yeke tene tënë ti be ti e lani na popo ti e, e yeke tambula legeoko ti gue na kota da ti Nzapa.

Abia (Psaumes) 73:19

Gi hio tongaso, ye kue abuba awe! Ti ala ahunzi awe, mbeto afâ ala awe!

Amato 13:21

Sioni ye ayeke tumba peko ti azo ti siokpari; ti azo ti mbirimbiri, gi nzoni ye laa ala yeke wara daa.

Ésaïe 13:6

Ala dekongo na vundu maa! *Lango ti KOTA GBIA aga nduru awe; lango ni ayeke tongana mbeni kota kpale so ayeke buba ndo kue; kpale ni alondo na lo so ngangu ti lo ahon angangu kue.

Ésaïe 29:5

Gba ti awato ti mo ayeke duti tongana kete le ti fuku ti sese; gba ti azo so asara ngangu na mo ayeke ga tongana holengo pere so pupu amu ahon na ni.” Mo ye ti baa,

Ésaïe 30:13

Nilaa, sioni sarango ye so ayeke ga ande tongana yongoro dere ti da so du akoro na ya ni. Mbeni ye asuku daa si mo ye ti baa, dere ni akungbi, atuku na sese.

Ésaïe 37:36

*Ange ti *KOTA GBIA asi na ya ti bâbâ ti azo ti Asirii si lo fâ aturugu 185 000. So azo alondo na kota ndaperere, ala baa gi akuâ kue laa ayeke lango na sese so!

Ésaïe 45:7

Mbi yeke sara vurungo ndo, mbi yeke sara vukongo ndo. Mbi yeke sara si ye aga nzoni, mbi yeke sara si mawa aga. Mbi laa mbi yeke KOTA GBIA so mbi yeke sara aye so kue.

Ésaïe 47:9

Baa, fade aye ti mawa use so ayeke si na mo: gi hio tongaso, na ya ti lango oko, amolenge ti mo ayeke kui, mo yeke ga nga wali-mua. Ataa gba ti azo ti mo ti yoro, ataa ngangu ti azo ti mazi ti mo, fade aye so kue ayeke si na mo.

Ésaïe 48:8

Taa-tënë, ala ma tënë ni pepe, ala hinga tënë pepe, ala zi mê ti ala ti ma tënë ni laoko pepe. Mbi hinga, mbi tene, ala yeke azo ti kango zo. Gi so ala de na ya ti mama ti ala, a iri ala ‘Azo ti ngangu li’.

Ésaïe 57:1

Azo ti mbirimbiri akui, tënë ti kuâ ti ala aso be ti zo oko pepe; azo ti sarango nzoni ati akui, zo oko ti gbu li ti lo daa ayeke daa pepe. Biani, azo ti mbirimbiri ati akui ndali ti sioni ti azo ti sioni.

Jérémie 51:29

Sese ayingi; sese ni ado na mbeto na ndembe so ye so KOTA GBIA aleke na be ti lo ti sara na Babilone, ye ni asi alingbi na ni: lo sara si kodro ni aga ngonda, zo ayeke daa mbeni pepe.

Jérémie 51:43

Agbata ti Babilone aga ngonda; kodro ni ahole kue, lando so ahole kasakasa, zo ayeke lango daa mbeni pepe, zo ayeke hon daa pepe.

Jérémie 51:8

Me gi hio tongaso, Babilone ati, ya ti lo afâ kue. “Ayeke nzoni ala he bia ti totongo kuâ ndali ti lo. Ala zia mafuta na le ti aka ti lo; e hinga pepe, fade tere ti lo ayeke ga nzoni!”

Abia ti demango tere 1:21

KOTA GBIA, so mbi ngba ti dema, azo ama mbi; me mbeni zo ti de be ti mbi ayeke daa pepe. Ye ti mawa so asi na mbi azia ngia na be ti awato ti mbi. Andaa mo laa mo sara ye ni. Lango so mo tene tënë ni ando so, KOTA GBIA, mo sara si lango ni so alingbi si. Ayeke nzoni awato ti mbi aga nga tongana mbi!

Ezekiel 7:26

Akpale ayeke si na peko ti tere, na peko ti tere, sioni sango ayeke ga na ndö ti tere, na ndö ti tere. Azo ayeke hunda na wayanga-nzapa ti tene na ala peko ti ye so lo baa na ya ti mbeni ye tongana bango-li; wayango-sandaga ayeke na ye oko pepe ti fa na azo, *akangba ayeke kiri ti mu wango pepe.

Matthieu 18:34

Ngonzo agbu gbia ni mingi si lo mu zo ti kua ni na azo titene ala sara pasi na lo ngbii lo futa yongo ti lo ni kue si.”

Nzoni Tënë so Luc asu na mbeti 12:59

Mbi tene na mo: tongana a diko nginza na li ti mo si mo futa ni kue pepe, fade mo yeke sigigi na da ti kanga ni pepe.”

Nzoni Tënë so Luc asu na mbeti 17:27

Ando azo ayeke te, ayeke nyon, akoli na awali ayeke mu tere, ngbii asi na lango so Noe ali na ya ti kota mangboko: kota ngu apika, asuku amu ndo kue si afâ ala kue.

1 Tesalonike 5:3

Na ndembe so azo ayeke tene ande, atene: “E yeke na siriri, mbeni ye ti sarango e ayeke daa pepe!”, gi na ndembe so laa kota kpale ayeke ti na ndö ti ala fafade tongana songo ya ti mama ti ngo so aga nduru ti du. Fade ala yeke wara lege ti sigigi na ya ni pepe.

Aye so Nzapa afa 3:3

Mo dabe ti mo na tënë so a fa na mo si mo ma ni ando so. Sara ye alingbi na ni, zia ngbene lege ti sarango ye ti mo. Tongana mo zingo pepe, fade mbi yeke ga na tere ti mo tongana zo ti nzi, mo yeke hinga ngoi so mbi yeke ga na ni pepe.