Ésaïe 47:1 - Mbeti ti Nzapa - Tënë so amu fini

¹ *KOTA GBIA atene: “Babilone, pendere gbata, mo zu, mo duti na ya ti fuku ti sese; kua ti mo ti gbia-wali ahunzi awe! Gbata ti azo ti Babilone, mo duti taa na sese, ngbanga ti so a yeke kiri ti iri mo pepe: ‘Babilone, wali so maboko ti lo ayeke ndu ye oko pepe’, ‘Babilone, *wali-ndomo’.

Ésaïe 47:1 ပူးပေါင်းရင်းမြစ်များ

Mbeti ti Job 2:13

Ala ngba aduti na lo na sese na ya ti lango mbarambara na bi mbarambara. Zo oko atene tënë na lo pepe, ngbanga ti so ala baa so vundu ti lo ayeke ngangu mingi.

Mbeti ti Job 2:8

Job aduti na ya ti mburu ti wâ, lo mu fango ta si lo yeke kpaka na tere ti lo.

Abia (Psaumes) 137:8

Mo gbata ti Babilone, so mo yeke ku titene a hunzi mo biani biani so! Ti lo nzoni, zo so ayeke sara na mo alingbi na ye so mo sara na e!

Abia (Psaumes) 18:27

Zo so ayeke na vuru be, mo yeke sara na lo na vuru be, me zo so ayeke na sioni be, mo yeke na kode ti sara sioni na lo.

Abia (Psaumes) 89:44

Mo buba yanga ti yongoro zeme ti lo, mo mu maboko na lo na ngoi ti bira pepe.

Ésaïe 13:1

Nengo tënë na ndö ti Babilone; ye so Ésaïe, molenge ti Amoz abaa na ya ti mbeni ye tongana bango-li.

Ésaïe 13:13

Ndani laa, fade yayu ayeke yingi si gere ti sese ayeke do na lege ti ngonzo ti KOTA GBIA so ayeke na ndö ti dunia kue, na lango so ngonzo ti lo ni ayeke londo tongana wâ.

Ésaïe 14:1

Biani, fade *KOTA GBIA ayeke baa mawa ti Jacob; lo yeke kiri ti soro Israel. Lo yeke zia azo ti Israel ti duti na kodro ti ala wani. Awande ayeke bongbi oko na ala si ala kue ayeke ga azo ti Jacob.

Ésaïe 21:1

Nengo tënë na ndö ti benyama so ayeke nduru na kota ngu-ingo. Tongana ti so kota pupu afâ ya ti sese ti mbage ti Mbongo, wato alondo na benyama si ayeke ga, lo londo na kodro so ayeke zia mbeto na be ti azo.

Ésaïe 23:12

Lo tene: “Ala azo ti Sidon, ngia ti ala ahunzi awe, ala yeke tongana maseka-wali so koli asuru lo awe. Ataa ala gue, afâ kota ngu-ingo ngbii ala si na Shipre, kâ, ala lingbi nga ti wu tere ti ala pepe.

Ésaïe 26:5

Azo so lani alango na ndo so ayeke na nduzu, lo kinda ala na sese; gbata so zo alingbi ti li daa pepe, lo kungbi ni na sese, lo sara si alango na ya ti fuku ti sese.

Ésaïe 3:26

Na ya ti gbata ni kue, gi demango tere na totongo akuâ. Gbata ni aga tongana wali so aye ti lo kue agirisa si lo yeke duti na sese.

Ésaïe 37:22

Baa, tënë so KOTA GBIA atene na tere ti lo ayeke so: Pendere maseka-wali, gbata ti *Sion abaa mo tongana mbumbuse zo, lo yeke he mo na ngia. Pendere maseka-wali, gbata ti Jérusalem ayeke yingi li ti lo si ayeke he mo na peko ti mo.

Ésaïe 52:2

Jérusalem, londo na ya ti fuku ti sese, mo yengere tere ti mo, kiri mo duti na ndo ti mo. Gbata ti Sion, zo ti kanga, zi kamba so a kanga na go ti mo!

Jérémie 13:18

Tene na gbia nga na kota gbia-wali, mo tene: “Ala duti na sese! Biani, pendere kpoto ti ala ti gbia alondo na li ti ala ati awe.

Jérémie 46:11

So mawa na mo, maseka-wali Ezipte! Gue na sese ti Galaad, mo gi mafuta ti zia na le ti ka ti mo. Mo so li ti mo ti gi ayoro gbani gbani pepe: ka ti mo ni ayeke mu pepe.

Jérémie 48:18

Mo, zo ti gbata ti Dibon, londo na ndö ti mbata ti mo ti gbia, mo zu, mo duti na ndö ti kuru sese. Biani, zo so abuba kodro ti Moab so, lo yeke ga ti tiri bira na mo; lo yeke kungbi na sese gbagba ti mo ti bira.

Jérémie 50:1

Tënë so *KOTA GBIA atene na ndö ti Babilone nga na ndö ti kodro ti azo ti Kalde na lege ti wayanga-Nzapa Jérémie laa:

Jérémie 50:42

Ala gbu akokora na alikongo na maboko ti ala, ala yeke sioni mingi si ala yeke baa mawa ti zo pepe. Toto ti ala ayeke tongana toto ti kota ngu-ingo. Ala ko na ndö ti ambarata si ala leke tere ti ala tongana akoli ti tiri bira na mo, maseka-wali Babilone!

Jérémie 51:1

Tënë so *KOTA GBIA atene ayeke so: “Mbi yeke tokua mbeni pupu ti bubango ye na ndö ti Babilone nga na ndö ti azo ti kodro ni.

Jérémie 51:33

Tënë so KOTA GBIA so ayeke na ndö ti dunia kue, Nzapa ti Israel atene ayeke so: “So mawa na lo, maseka-wali Babilone! Lo ga tongana lakere so azo ayeke leke ni titene a pika ale ti kobe daa. Angba gi kete titene ngoi ti kongo ale ti kobe ndali ti lo ayeke lingbi.”

Jérémie 51:51

“Kamene ahon ndö ti e na ndembe so e ma zonga so azo azonga na e. Li ti e kue aba na kamene na ndembe so awande ali na da ti KOTA GBIA so ayeke nde si ayeke nzoni kue.”

Abia ti demango tere 2:10

*Akangba ti gbata ti Sion aduti gi na sese, tënë ahunzi na yanga ti ala awe; ala yu abongo ti mua, ya ti li ti ala kue gi na fuku ti sese. Amaseka-wali ti gbata ti Sion aduti aba li ti ala na sese.

Abia ti demango tere 2:21

Akuâ ti amolenge na ti akangba alango na ndö ti alege kirikiri. Amaseka-wali na amaseka-koli ti mbi akui kuâ ti yongoro zeme. Na lango so ngonzo ti mo alondo, mo fâ azo kirikiri, mo sara mawa ti zo oko pepe.

Abia ti demango tere 4:5

Azo so ayeke te lani gi anzoni kobe so, fadeso ala yeke kui kirikiri na ndö ti alege. Azo so a bata ala lani tongana amolenge ti gbia so, fadeso ala si ayeke gi akobe na ya ti azende.

Ezekiel 26:16

Amakonzi ti azo so alango na yanga ti kota ngu-ingo ayeke londo na ndö ti ambata ti ala, ala yeke zi akota bongo ti ala, ala yeke zi apendere bongo ti ala. Mbeto ayeke hon ndö ti ala si ala yeke duti na sese. Tere ti ala ayeke do na mbeto lakue, ye ayeke hon ndö ti ala ndali ti mo.

Ezekiel 28:17

Be ti mo asuku na baba ndali ti pendere ti mo; mo zia lege na anzoni ye so mo wara ti buba ndara ti mo. Ndani laa, mbi bi mo na sese, mbi zia mo titene mo ga ye ti ngia na le ti agbia.

Jonas 3:6

So gbia ti Ninive ama tënë ti ye so asi, lo londo na ndö ti mbata ti lo ti gbia, lo zi bongo ti gbia na tere ti lo, lo yu bongo ti mua si lo duti na ya ti mburu ti wâ.

Aggée 2:22

Mbi yeke kinda mbata ti agbia si mbi yeke zi ngangu ti akodro-gbia ti amara; mbi yeke kinda apusu ti mbarata na azo ti kpengo na ni; ambarata na azo ti kpengo na ambarata ni ayeke ti. Zo oko oko ayeke fâ mba ti lo na yongoro zeme.

Zakarii 2:7

*Ange so ayeke tene tënë na mbi so ague na dawa ti mbeni ange nde so ayeke ga ti tengbi na lo.

Aye so Nzapa afa 18:7

Ala sara pasi na lo, ala bi lo na ya ti aye ti vundu alingbi gi na gondango tere ti lo nga na kota nzara ti warango ye ti lo. Ala sara na lo aye ni so ndali ti so lo yeke tene na be ti lo, lo tene: ‘Mbi yeke gbia-wali, mbi so mbi duti ge so! Mbi yeke wali-mua pepe si mbi yeke sara mua laoko pepe.’