Ésaïe 46:8 - Mbeti ti Nzapa - Tënë so amu fini

⁸ Ala dabe ti ala na ye so, ala kiri asara ye ti koli! Ala azo ti ngangu li, ala gbu li ti ala!

Ésaïe 46:8 ပူးပေါင်းရင်းမြစ်များ

Abia (Psaumes) 115:8

Azo so asara anzapa ni, azo so azia be ti ala na ndö ti anzapa ni, ayeke nzoni ala ga tongana ala.

Abia (Psaumes) 135:18

Azo so asara anzapa ni, azo so azia be ti ala na ndö ti anzapa ni, ayeke nzoni ala ga tongana ala!

Ésaïe 47:7

Mo tene lani: “Mbi yeke ngba gbia-wali lakue lakue.” Me mo gbu ti li ti mo pepe na ndö ti aye so ayeke si, mo dabe ti mo pepe na ndö ti ye so ayeke si ande.

Ésaïe 48:8

Taa-tënë, ala ma tënë ni pepe, ala hinga tënë pepe, ala zi mê ti ala ti ma tënë ni laoko pepe. Mbi hinga, mbi tene, ala yeke azo ti kango zo. Gi so ala de na ya ti mama ti ala, a iri ala ‘Azo ti ngangu li’.

Ésaïe 50:1

Tënë so *KOTA GBIA atene ayeke so: “Ala tene: mbi tumba Jérusalem, mama ti ala. Me mbeti ti kangbingo tere ni ayeke na ndo wa? Ala fa ni na mbi! Ala tene nga: mbi ka ala na ngbaa ti futa boon na li ti mbi; zo wa laa mbi ka ala na lo, zo wa? Tongana a ka ala, ayeke ndali ti sioni ti ala; tongana a tumba mama ti ala, ayeke ndali ti ngangu li ti ala.

Jérémie 10:8

Ala kue kue kue, ala yeke azo so li ti ala ayeke daa pepe, ala yeke abuba zo. Ayanda ni alingbi ti fa ye oko pepe, ala yeke gi keke senge.

Ezekiel 18:28

Tongana li ti lo aga daa, lo baa aye ti sioni ti lo tongana sioni ye si lo zia lege ni, biani, lo yeke ngba na fini, lo yeke kui pepe.

Aggée 1:5

Tënë so KOTA GBIA so ayeke na ndö ti dunia kue atene ayeke so: Fadeso, ala gbu li ti ala nzoni na ndö ti aye so ayeke si na ala.

Aggée 1:7

Tënë so KOTA GBIA so ayeke na ndö ti dunia kue atene ayeke so: Ala gbu li ti ala nzoni na ndö ti aye so ayeke si na ala.”

Nzoni Tënë so Luc asu na mbeti 15:17

Tongaso lo to nda ti gbu li ti lo si lo tene na be ti lo, lo tene: ‘Kobe ti tengo ni asi singo na azo ti kua ti babâ ti mbi si mbi yeke kui nzara ge so!

1 Korente 14:20

A-ita, ayeke nzoni gbungo-li ti ala ayeke tongana ti amolenge pepe. Tongana ayeke tënë ti sarango sioni, ala ga tongana akete molenge so ahinga ti sara sioni pepe; me ayeke nzoni gbungo-li ti ala ayeke tongana ti akota zo.

Efeze 5:14

ngbanga ti so ye so a fa ni na gigi polele aga ye so ayeke na ya ti lumiere. Ndani laa, a tene: “Mo zingo, mo so mo yeke lango. Mo londo na popo ti akuâ, fade Christ aza lumiere ti lo na ndö ti mo.”

Ndia ti fani use ni 32:29

Tongana ala yeke fade azo ti ndara, ka ala hinga nda ti ye so, ka ala ku ti baa ye so ayeke si na ala gbanda.