Ésaïe 46:7 - Mbeti ti Nzapa - Tënë so amu fini

⁷ Ala yeke zia nzapa ni na ndö ti go ti ala, ala yo lo, ague na lo si azia lo na ndo ti lo. Nzapa ni ayeke ngba gi na ndo ni so, lo yeke gue na mbeni ndo pepe. Ataa zo adekongo na lo, lo yeke kiri tënë pepe. Lo lingbi ti soo zo ni pepe na ya ti ye ti ngangu.

Ésaïe 46:7 ပူးပေါင်းရင်းမြစ်များ

1 Agbia 18:26

Awayanga ti nzapa Baal amu bagara so a mu na ala si ala leke lo ti mu na *sandaga. Na pekoni, ala sambela Baal, ti londo na ndaperere ngbii asi na bekombite, ala tene: “Baal, mo kiri tënë na e!” Me ala ma mbeni go oko pepe, zo oko akiri tënë na ala pepe. Ala yeke dodo na tere ti gbalaka so ala leke so.

1 Agbia 18:29

So bekombite ahon awe, ala to nda ti sara ye tongana azo so mbeni yingo agbu ala. Ala sara ye ni ngbii asi na ngbonga ti mungo sandaga. Me ala ma mbeni go oko pepe, zo akiri tënë na ala pepe, ye oko asara nga pepe.

1 Agbia 18:40

Élie atene na ala: “Ala gbu awayanga ti nzapa Baal! Mbeni zo oko na popo ti ala akpe pepe!” Azo agbu awayanga ti Baal ni kue. Élie amu ala, ague na ala na yanga ti ngu ti Kishon si lo fâ go ti ala.

Ésaïe 37:38

Mbeni lâ, so lo yeke sambela na ya ti da ti nzapa ti lo Nisrok, amolenge ti lo Adramelek na Sareser afâ lo na yongoro zeme si ala kpe ague na sese ti Arara. Molenge ti lo Asaradon laa aga gbia na peko ti lo.

Ésaïe 40:20

Zo so yere ahon ndö ti lo si lo lingbi ti mu mara ti matabisi tongaso pepe, lo yeke soro keke so alingbi ti fun pepe. Na pekoni, lo yeke gi nzoni wakode-kua so alingbi ti sara yanda so alingbi ti yingi pepe.

Ésaïe 41:28

Mbi baa ndo, me zo oko ayeke daa pepe. Na popo ti anzapa ni, mbeni oko ti mu wango ayeke daa pepe! Tongana ala yeke fade daa si mbi hunda ala, ka ala kiri tënë na mbi.

Ésaïe 41:29

Ala kue ayeke ye oko pepe: kua ti ala ayeke senge senge, ayanda ti ala ayeke pupu senge, ye ayeke daa pepe!”

Ésaïe 41:7

Wakode-kua ayeke mu ngangu na zo so ayeke kporo lôro na wâ ti sara na alimo; zo so ayeke sara si tere ti wen aza zango ayeke mu ngangu na zo ti pikango ndao. Lo yeke tene tënë ti kua ti lo, lo tene: ‘Kua ni ayeke nzoni!’ Na pekoni, lo yeke pika limo ni na pondi titene ayingi pepe.”

Ésaïe 44:12

Zo ti pikango ndao ayeke za yanga ti do, lo sara kua ni na le ti wâ so ate mingi, lo mu martoo si lo leke na tere ti wen ni, lo pika ni ngangu. Me tongana nzara asara lo, ngangu ahunzi na lo. Tongana lo nyon ngu pepe, baa lo woko awe.

Ésaïe 45:20

Ala, amara nde so angba na fini, ala bongbi tere ti ala, ala ga! Ala ga legeoko. Azo so ayeke yo ayanda ti ala ti keke, ala so ayeke sambela nzapa so alingbi ti soo zo pepe, ala hinga ndo pepe.

Ésaïe 46:1

Bel akuku awe, Nebo ati awe. A zia ayanda ti ala na ndö ti anyama, na ndö ti abagara. Ando, ala yeke yo ayanda ni ti tambula na ni na ya ti amatanga; fadeso aga nengo kungba na ndö ti anyama so awoko awe.

Ésaïe 47:15

Baa ye so ayeke si ande na azo so mo baa pasi senge senge ti bango ala ngbene ye so mo de maseka. Fade ala yeke hon kirikiri, zo oko oko na lege ti lo; zo oko ti soo mo ayeke daa pepe.

Jérémie 10:5

Ayanda ni so ayeke tongana mbeni gbagba ye so a zia na yaka ti akugbe ti kasa ti tumba na andeke; ayanda ni ayeke tene tënë pepe, a yeke yo ala yongo, ngbanga ti so ala lingbi ti tambula pepe. Ala sara mbeto ti ayanda ni so pepe: ala yeke sara sioni na zo pepe; ataa nzoni ye kue, ala lingbi nga ti sara ni pepe.”

Jérémie 11:12

Azo ti agbata ti Juda na azo ti Jérusalem ayeke gue ti voro tere ti ala na anzapa so ala yeke zö dukani na ala, me anzapa ni ayeke soo ala oko pepe na ndembe so ye ti ngangu ayeke si na ala.

Jérémie 2:28

Fade mbi yeke kiri tënë na ala, mbi tene: ‘Anzapa ti ala so ala leke ala so ayeke na ndo wa? Tongana ye ti ngangu asi na ala, ayeke nzoni anzapa ni aga asoo ala ma! Biani, ala azo ti Juda, ala yeke na anzapa gbani gbani alingbi na wungo ti agbata ti ala.’

Daniel 3:1

Gbia Nabukodonosor asara yanda so ayeke na lôro: yongo ni na nduzu ayeke metere baleota, konongo ni ayeke metere ota. Lo zia ni aluti na nduzu na lando ti Dura, na kodro ti Babilone.

Jonas 1:5

Mbeto asara azo ti kua ti mangboko ni. Nilaa, zo oko oko ayeke dekongo ti iri nzapa ti lo. Na pekoni, ala tuku akungba so ayeke na ya ti mangboko ni na ya ti ngu titene mangboko ni ayapu. Andaa Jonas azu ti lo na mbeni ndo so ayeke na ya ti mangboko ni, na mbage ti gbeni si lo kui na lango.

1 Korente 12:2

Na ndembe so ala de ando ti hinga Nzapa pepe, a gboto ala ti gue na peko ti anzapa nde so ayeke tene tënë laoko pepe.

1 Samuel 5:3

Na ndade ni, azo ti Asdod alondo na kota ndaperere, ala ye ti baa, Dagon laa ati na sese na dawa ti sanduku ti mbuki ti *KOTA GBIA so. Ala mu Dagon na nduzu, ala kiri na lo na plase ti lo.