Ésaïe 46:1 - Mbeti ti Nzapa - Tënë so amu fini

¹ Bel akuku awe, Nebo ati awe. A zia ayanda ti ala na ndö ti anyama, na ndö ti abagara. Ando, ala yeke yo ayanda ni ti tambula na ni na ya ti amatanga; fadeso aga nengo kungba na ndö ti anyama so awoko awe.

Ésaïe 46:1 ပူးပေါင်းရင်းမြစ်များ

Mbeti ti Job 39:11

Mo yeke zia be ti mo na ndö ti kota ngangu ti lo titene mo zia kua ti mo na lo?

Sigingo 12:12

“Na bi ni so, fade mbi yeke hon na ya ti kodro ti Ezipte kue. Mbi yeke fâ akozo molenge-koli kue ti azo na ti anyama ti kodro ni. Mbi yeke fâ ngbanga na li ti anzapa kue ti Ezipte. Mbi laa mbi yeke KOTA GBIA.

Ésaïe 2:18

Fade ayanda kue ayeke daa mbeni pepe.

Ésaïe 2:20

Na lango ni so, azo ayeke mu ayanda ti ala ti wen ti nginza na ti lôro so ala yeke kuku ti voro ni so, ti bi ni na akolofia nga na anyama-ti-ngia.

Ésaïe 21:9

Ala baa, mbeni koli ayeke ga, lo duti na ndö ti pusu ti mbarata so ambarata use laa ayeke gboto ni. Lo kiri lo dekongo, lo tene: ‘Babilone ati awe! Babilone ati awe! Ayanda kue ti anzapa so ayeke na ya ti gbata ni ayeke lango na sese; ya ni afâ kete kete.’ ”

Ésaïe 30:6

Nengo tënë na ndö ti anyama so ayeke na benyama ti Mbongo. Sese so azo ni ayeke hon daa ayeke sese ti vundu, sese ti ziango mbeto na be ti zo, sese so bamara na mama ti bamara, sioni ngbo nga na kota sioni nyama so akpa ngunde ayeke lango daa. Azo ni akanga akungba ti ala na amosoro ti ala na ndö ti alele nga na ndö ti azambala si ala yeke gue na ni na azo so alingbi ti sara nzoni ye oko na zo pepe.

Ésaïe 45:20

Ala, amara nde so angba na fini, ala bongbi tere ti ala, ala ga! Ala ga legeoko. Azo so ayeke yo ayanda ti ala ti keke, ala so ayeke sambela nzapa so alingbi ti soo zo pepe, ala hinga ndo pepe.

Ésaïe 46:7

Ala yeke zia nzapa ni na ndö ti go ti ala, ala yo lo, ague na lo si azia lo na ndo ti lo. Nzapa ni ayeke ngba gi na ndo ni so, lo yeke gue na mbeni ndo pepe. Ataa zo adekongo na lo, lo yeke kiri tënë pepe. Lo lingbi ti soo zo ni pepe na ya ti ye ti ngangu.

Jérémie 10:5

Ayanda ni so ayeke tongana mbeni gbagba ye so a zia na yaka ti akugbe ti kasa ti tumba na andeke; ayanda ni ayeke tene tënë pepe, a yeke yo ala yongo, ngbanga ti so ala lingbi ti tambula pepe. Ala sara mbeto ti ayanda ni so pepe: ala yeke sara sioni na zo pepe; ataa nzoni ye kue, ala lingbi nga ti sara ni pepe.”

Jérémie 50:2

“Ala azo, ala fa tënë ni na popo ti amara nde, ala sara si azo ama tënë ni na lege ti bendere so ala yo na nduzu; ala sara si azo ama tënë ni, ala honde ni pepe! Ala tene: A mu Babilone awe! Kamene ahon ndö ti ayanda ti lo awe! Biani, kamene ahon ndö ti Bel awe, Marduk ati biani biani awe!

Jérémie 50:38

Bira aga na tere ti angu ti lo! Ayeke nzoni angu ni ahole kue! Biani, Babilone ayeke kodro ti ayanda; afungo nzapa ti ala asara si li ti azo ti vorongo ala aga kirikiri.

Jérémie 51:44

KOTA GBIA atene: “Mbi yeke ga na tere ti Bel, nzapa ti Babilone. Ye so Bel angba ti mene, mbi yeke zi ni na yanga ti lo. Amara nde ayeke kiri ti gue gbani gbani na mbage ti lo pepe. Gbagba ti Babilone ati awe.

Jérémie 51:47

Ambeni lango ayeke ga so mbi yeke ga na tere ti ayanda ti Babilone. Kodro ni kue ayeke duti na ya ti kamene. Azo so akui kuâ ti bira, ala yeke ngba ti lango na sese na ya ti gbata ni.

Jérémie 51:52

“Ndani laa, ambeni lango ayeke ga so mbi yeke ga na tere ti ayanda ti Babilone; so tënë ti yanga ti KOTA GBIA laa. Na ya ti kodro ni kue, azo so awara akota ka ayeke dema.

Daniel 11:8

Anzapa ti ala so lo gbu na ya ti bira, na ayanda ti ala so a sara na wen, fade lo yeke mu ni ti gue na ni na Ezipte. Lo yeke gue nga na aye ti kua ti nzoni ni so a sara na wen ti nginza na lôro. Na pekoni, lo yeke zia lege ti sarango bira na gbia so ayeke na Banga aninga ambeni ngu.

Daniel 3:14

Gbia ahunda ala, atene: “Mbi ma a tene, ala ke ti sara na anzapa ti mbi si ala ke ti voro yanda ti lôro so mbi zia aluti na nduzu so. So ayeke taa-tënë?

Nahum 1:14

Ti mo, gbia ti Ninive, yanga so KOTA GBIA amu na ndö ti mo ayeke so: “Mbeni *hale ti mo oko ti sara si iri ti mo angba na gigi ayeke duti daa pepe. Ayanda so mo leke na keke nga na wen si ayeke na ya ti da ti anzapa ti mo so, fade mbi yeke buba ni kue. Mbi yeke leke du ti kuâ ti mo, ngbanga ti so mo kiri mo ne na le ti mbi pepe.”

Wungo ti azo 32:38

ti Nebo, ti Baal-Meon na ti Sibma. Ala kiri amu mbeni fini iri na ambeni gbata so ala leke so.

Matthieu 23:4

Ala kanga nengo kungba si ala zia ni na li ti azo; me ala wani, ala ye ti ndu kungba ni na maboko ti ala kete pepe.

1 Samuel 5:3

Na ndade ni, azo ti Asdod alondo na kota ndaperere, ala ye ti baa, Dagon laa ati na sese na dawa ti sanduku ti mbuki ti *KOTA GBIA so. Ala mu Dagon na nduzu, ala kiri na lo na plase ti lo.