Ésaïe 45:9 - Mbeti ti Nzapa - Tënë so amu fini

⁹ Mawa na zo so aye ti tiri na zo so asara lo! Zo ayeke tongana ta ti sese na popo ti ambeni ta ti sese. Sese ti sarango na ta alingbi ti tene na zo so ayeke sara lo, atene: “Nyen laa mo yeke sara so?” Ta ti sese alingbi ti tene na zo ti sarango lo, atene: “Mo sara ye ni na legeni pepe!”?

Ésaïe 45:9 ပူးပေါင်းရင်းမြစ်များ

Mbeti ti Job 10:9

Dabe ti mo so mo leke mbi tongana ti so a mu sese si a sara na ta. Mo ye ti kiri ti sara si mbi ga fuku ti sese!

Mbeti ti Job 33:13

Mo gi tënë na Nzapa ngbanga ti nyen? Aye so kue lo yeke sara, lo lingbi ti fa peko ni na zo?

Mbeti ti Job 40:2

Mo so mo yeke ke tënë na Nzapa so ngangu ti lo ahon angangu kue so, mo kpa ti gi tënë na lo? Mo so mo yeke *bingbi tënë na Nzapa so, mo yeke na mbeni tënë ti kiri na ni?

Mbeti ti Job 9:12

Tongana lo gbu ye na ngangu, zo wa laa alingbi ti tene na lo: “Kiri na ni”, zo wa? Zo wa laa alingbi ti tene na lo: “Nyen laa mo sara so”?

Mbeti ti Job 9:4

Ndara ti Nzapa ayeke kota mingi, ngangu ti lo ayeke mingi; zo wa laa alingbi ti gbu le ni na lo si lo wara sioni pepe, zo wa?

Amato 21:30

Ataa ndara ti zo, ataa hingango ye ti zo, ataa gbungo-li ti zo, aye so kue ayeke ye oko pepe na le ti KOTA GBIA.

Zo ti bongbingo azo 6:10

Ye so ayeke ando daa, iri ni ayeke daa si e hinga ye so iri ni zo. Lo lingbi ti gi tënë na lo so ayeke ngangu ahon lo pepe.

Ésaïe 10:15

Do ayeke pika kate ti lo na zo so amu do ni ti sara na kua? Sii ayeke fa baba na zo so ayeke sara kua na ni? Ye ni ayeke tongana nduru keke so ayingi fade zo so ayo keke ni na nduzu, wala tongana keke so ayo fade na nduzu zo so amu ni ti sara na kua!

Ésaïe 29:16

So buba tënë ti nyen laa ala yeke tene so! Fade a yeke mu wasarango-ta ti lingbi na sese ti sarango na ta ni? Ye so zo asara, fade ye ni atene na zo ti sarango lo, atene: “Lo laa lo sara mbi pepe”? Fade ta ti sese atene na zo ti sarango lo, atene: “Lo hinga ndo pepe”?

Ésaïe 45:10

Mawa na zo so atene na babâ ti lo: “Mara ti molenge ti nyen laa mo du so?” Wala lo tene na mama ti lo: “Nyen laa mo du so?”

Ésaïe 64:7

Andaa mo KOTA GBIA laa, mo yeke babâ ti e. E yeke tongana sese ti sarango na ta si mo yeke tongana wasarango-ta; e kue, maboko ti mo laa asara e.

Ésaïe 64:8

KOTA GBIA, sara ngonzo ahon ndoni pepe, dabe ti mo na sioni ti e lakue pepe! E gbu gere ti mo, baa, e kue, e yeke azo ti mo!

Jérémie 18:6

“Ala azo ti Israel, ye so wasarango-ta ayeke sara na ta ti lo so, mbi lingbi ti sara na ala tongaso pepe? So tënë ti yanga ti KOTA GBIA laa. Ala azo ti Israel, ala yeke na ya ti maboko ti mbi tongana ti so sese ti sarango na ta ayeke na ya ti maboko ti wasarango-ta.

Jérémie 36:29

Fade mo yeke tene tënë so na ndö ti Yoakim, gbia ti Juda, mo tene: ‘Tënë so KOTA GBIA atene ayeke so: Jérémie asu lani na mbeti, atene, fade gbia ti Babilone ayeke ga biani si lo yeke buba kodro so; lo yeke fâ azo na anyama ti hunzi ala. Me Yoakim asuku na Jérémie si lo gbi rulo ni.

Jérémie 50:24

Babilone, mbi leke kuku ndali ti mo; kuku ni agbu mo awe, me mo hinga ye oko daa pepe. A wara mo awe, a gbu mo awe, ngbanga ti so mo londo ti tiri bira na mbi, KOTA GBIA.”

1 Korente 10:22

Wala e ye ti sara ye tongaso titene Nzapa asara mbanda? Ala baa ti ala atene, e yeke na ngangu e hon lo?