Ésaïe 45:8 - Mbeti ti Nzapa - Tënë so amu fini

⁸ Ayayu, na nduzu kâ, ala sara si mbirimbiri atuku na ndö ti sese tongana ngu ti pere! Ambinda, ala sara si mbirimbiri asua tongana ngu-Nzapa so ayeke sua! Ayeke nzoni ya ti sese asuru si tënë ti songo zo na kuâ amu kongo, sarango ye ti mbirimbiri asigigi tongana fini keke! Mbi KOTA GBIA laa mbi sara ye so.”

Ésaïe 45:8 ပူးပေါင်းရင်းမြစ်များ

2 Agbia 19:25

Senakerib, mo hinga pepe? Mbi leke aye so ngbene ye aninga awe, mbi leke pialo ni na be ti mbi giriri. Fadeso mbi yeke sara aye ni. Ti mo, ayeke ti sara si agbata so ngangu gbagba ayeke na tere ni aga gba ti atêne.

Abia (Psaumes) 68:8

Nzapa, lani mo hon na dawa ti azo ti mo, lani mo tambula ti gue na benyama. Luti kete

Abia (Psaumes) 72:3

Tongaso, fade akota hoto na akete hoto ayeke sara si azo awara nzoni duti.

Abia (Psaumes) 72:6

Ayeke nzoni gbia ni aga tongana ngu-Nzapa so ayeke pika na ndö ti pere so a fâ li ni awe; lo ga tongana ngu-Nzapa so atuku na ndö ti sese ngbii si awoko!

Ésaïe 11:1

Fade mbeni kete keke ayeke sigigi na tere ti nduru keke ti Yese; kete keke ayeke sigigi na gere ni.

Ésaïe 32:15

Mbeni lâ, fade *KOTA GBIA ayeke tokua yingo ti lo na ndö ti e. Tongaso, benyama ayeke ga yaka so a lu akeke so a yeke te lengo ni si yaka ni ayeke ga mbeni gbako.

Ésaïe 4:2

Na lango ni so, fade *KOTA GBIA ayeke sara titene mbeni kete keke asigigi pendere si aga ye ti gonda. Ye so kodro ni ayeke le ayeke ga ye ti nengo ndali ti azo ti Israel so angba na fini nga na ye ti mungo gonda na ala.

Ésaïe 44:24

Israel, *KOTA GBIA so azi mo, lo so lo leke mo gi so mo de na ya ti mama ti mo, tënë so lo tene ayeke so: “Mbi KOTA GBIA laa mbi sara ye kue; mbi oko laa mbi gbara le ti nduzu, mbi oko laa mbi gbara sese; zo wa laa ayeke lani na tere ti mbi, zo wa?

Ésaïe 44:3

Biani, fade mbi yeke tuku ngu na ndö ti sese so ayeke na nzara ti ngu, mbi yeke sara titene akete ngu asua na ndö ti holengo sese. Mbi yeke tokua yingo ti mbi na ndö ti amolenge ti mo si mbi yeke sara tufa na ndö ti *ahale ti mo.

Ésaïe 46:13

Mbi yeke sara titene mbirimbiri ti mbi aga; akiri angba yongoro pepe. Tënë ti songo zo na kuâ aga nduru awe. Mbi yeke ga na tënë ti songo zo na *Sion. Biani, mbi yeke ga na ye so ayeke pendere mingi na Israel.

Ésaïe 48:18

Yanga so mbi mu lani, tongana mo ma fade ni, ka siriri ti mo ayeke ga tongana *bale, ka mbirimbiri ti mo ayeke ga tongana *amapo ti kota ngu-ingo!

Ésaïe 53:2

Na le ti KOTA GBIA, zo ti kua ni akono tongana mbeni kete keke so ayeke sigigi, tongana gunda ti keke so ayeke sigigi na ya ti holengo sese. Lo kpa zo pepe, pendere ti lo so ayeke gboto zo ti baa ndo na mbage ti lo ayeke daa pepe. Mbeni nzoni ye na tere ti lo so anzere na e ayeke daa pepe.

Ésaïe 60:21

Azo ti mo, ala kue ayeke duti azo ti mbirimbiri, sese ni ayeke ga ye ti ala kpu na kpu. Ala kpa kete keke so mbi lu; ala yeke azo so mbi wani, mbi sara ala na maboko ti mbi titene ala fa gonda ti mbi.

Ésaïe 61:11

Tongana ti so sese asara si kobe asigigi, tongana ti so yaka asara si le ti kobe so a lu asigigi, legeoko nga, fade KOTA GBIA Nzapa ayeke sara titene mbirimbiri na sepelango lo asigigi na dawa ti amara kue.

Ésaïe 61:3

Ala yeke na mua ndali ti *Sion, me Nzapa atokua mbi ti zia na li ti ala ye ti pendere na plase ti mburu ti wâ; ti kpaka na tere ti ala mafuta so afa ngia ti ala, me afa mua pepe; ti yu na ala bongo ti matanga na plase ti be so awoko. Tongaso, a yeke haka ala na akeke so afa mbirimbiri ti Nzapa, a yeke haka ala na yaka so afa gonda ti KOTA GBIA.

Ésaïe 66:22

Biani, legeoko tongana fini yayu na fini sese so mbi sara ayeke ngba ti luti ngangu na dawa ti mbi, fade iri ti *ahale ti ala na ti ala wani ayeke ngba ti luti ngangu na dawa ti mbi; so tënë ti yanga ti KOTA GBIA laa.

Jérémie 31:22

Molenge-wali ti ngangu li, mo yeke ngba ti duti yamba tongaso ngbii asi lawa? Biani, KOTA GBIA asara mbeni fini ye na ndö ti sese awe: fadeso wali laa ayeke gi lege ti mu koli.

Ezekiel 34:26

Mbi yeke sara tufa na ndö ti ala nga na ndö ti ando nde nde so ayeke na tere ti hoto ti mbi. Mbi yeke sara titene ngu-Nzapa apika na ngoi ni, ngu-Nzapa so ayeke sara nzoni na zo.

Osée 10:12

Ala lu ye alingbi na ye ti mbirimbiri si fade ala yeke ko ye alingbi na nzoni be; ala fâ fini yaka ti ala! Ngoi titene ala gi KOTA GBIA alingbi awe; ala gi lo ngbii lo ga lo sara si ye ti mbirimbiri atuku na ndö ti ala.

Awatokua 2:33

Nzapa aya lo na nduzu si azia lo na mbage ti maboko ti lo ti koli, lo wara na maboko ti Babâ Yingo-Vuru so a mu zendo ni. Fadeso lo sara si Yingo ni aga na ndö ti e; ni laa ala yeke baa ni si ala yeke ma ni so.

Efeze 2:10

Taa-tënë, Nzapa laa asara e; na gango so e ga oko na Jésus Christ, Nzapa aleke e titene e mu tere ti e kue ti sara anzoni ye so lo leke kozoni titene e sara.

Efeze 4:24

Tongana ti so zo ayeke yu fini bongo, ala ga afini zo so a sara ala tongana ti so be ti Nzapa aye; lo ye titene taa-tënë asara si ala ga mbirimbiri, ala ga nde si ala ga nzoni kue.