Ésaïe 45:7 - Mbeti ti Nzapa - Tënë so amu fini

⁷ Mbi yeke sara vurungo ndo, mbi yeke sara vukongo ndo. Mbi yeke sara si ye aga nzoni, mbi yeke sara si mawa aga. Mbi laa mbi yeke KOTA GBIA so mbi yeke sara aye so kue.

Ésaïe 45:7 ပူးပေါင်းရင်းမြစ်များ

2 Agbia 19:25

Senakerib, mo hinga pepe? Mbi leke aye so ngbene ye aninga awe, mbi leke pialo ni na be ti mbi giriri. Fadeso mbi yeke sara aye ni. Ti mo, ayeke ti sara si agbata so ngangu gbagba ayeke na tere ni aga gba ti atêne.

Mbeti ti Job 10:13

Andaa mo honde tënë na be ti mo, me mbi hinga tënë ti be ti mo awe:

Mbeti ti Job 2:10

Me Job akiri tënë na lo: “Mo yeke tene tënë tongana wali so li ti lo ayeke daa pepe. Tongana e wara nzoni ye na maboko ti Nzapa, e yeda; me tongana e wara sioni ye, e yeda pepe, ngbanga ti nyen?” Na ya ti aye so kue, Job asara siokpari na lege ti tënë ti yanga ti lo pepe.

Mbeti ti Job 34:29

Me tongana Nzapa akanga maboko aduti, zo wa laa ayeke fâ ngbanga na li ti lo? Tongana lo honde le ti lo, zo wa laa alingbi ti baa lo, zo wa? Andaa lo yeke bata kodro nga na azo.

Abia (Psaumes) 105:28

Nzapa atokua vukongo ndo si ndo avuko pitipiti na ya ti kodro ni; zo oko ake tënë ti lo pepe.

Abia (Psaumes) 29:11

Fade KOTA GBIA ayeke mu ngangu na azo ti lo; KOTA GBIA ayeke sara tufa na ndö ti azo ti lo na mungo na ala siriri.

Abia (Psaumes) 74:16

Kota lâ ayeke ti mo, bi nga ayeke ti mo, mo laa mo sara nze na lâ.

Abia (Psaumes) 75:7

Ye so asara si zo aga kota alondo na To wala na Do pepe, ye so asara si zo aga kota alondo nga na benyama pepe,

Abia (Psaumes) 8:3

Na lege ti atënë so asigigi na yanga ti akete molenge na ala so angba ti nyon me, mo fa ngangu ti mo na le ti awato ti mo. Ngangu ti mo ni ayeke tongana ngangu gbagba so ayeke kanga yanga ti awato so amu ngangu ti ala kue ti sara sioni.

Sigingo 14:20

Ngbongboro mbinda ni aga aluti na popo ti bâbâ ti azo ti Ezipte na ti azo ti Israel. Na mbeni mbage, mbinda ni avuko vukongo si na mbeni mbage ni, mbinda ni ayeke za zango. Tongaso na bi ni kue, azo ti Ezipte na azo ti Israel alingbi ti ga nduru na tere ti mba pepe.

Ésaïe 31:2

Me lo nga, lo yeke na kode: lo yeke sara si ye ti mawa aga, tënë so lo tene, lo tene awe. Lo londo ti ga na tere ti bongbi ti azo ti sioni nga na tere ti azo ti sarango sioni so a iri ala ti ga ti mu maboko.

Ésaïe 42:16

Mbi yeke sara si awaziba atambula na ndö ti lege so ala hinga pepe; mbi yeke sara si ala hon na ndö ti alege so ala hinga pepe. Na dawa ti ala, mbi yeke sara si vukongo ndo aga lumiere, lege so aba bango aluti mbirimbiri. Apialo so, fade mbi yeke sara ni, mbi yeke zia ni oko pepe.

Ésaïe 44:24

Israel, *KOTA GBIA so azi mo, lo so lo leke mo gi so mo de na ya ti mama ti mo, tënë so lo tene ayeke so: “Mbi KOTA GBIA laa mbi sara ye kue; mbi oko laa mbi gbara le ti nduzu, mbi oko laa mbi gbara sese; zo wa laa ayeke lani na tere ti mbi, zo wa?

Ésaïe 47:11

Baa, fade mbeni ye ti mawa ayeke ti na ndö ti mo, mo yeke hinga lege so mo yeke sigigi na ya ni pepe. Baa, mbeni kpale ayeke ti na ndö ti mo, mo yeke hinga lege ti bata tere ti mo daa pepe. Mbeni ngangu pupu ayeke ga na ndö ti mo biaku, mo yeke hinga li ti mo na ni pepe.

Jérémie 10:16

Ti Nzapa, lo yeke tongana ala pepe, lo so lo yeke mosoro ti Jacob; lo laa lo sara si dunia abaa gigi, mara ti Israel ayeke ye ti lo; iri ti lo ayeke KOTA GBIA so ayeke na ndö ti dunia kue.

Jérémie 13:16

Ala gonda KOTA GBIA, Nzapa ti ala kozo titene lo tokua vukongo ndo, kozo titene ala pika gere ti ala na li ti ahoto so ndo avuko daa. Ala yeke ku vurungo ndo, me KOTA GBIA asara si vurungo ndo ni aga ndo so avuko pitipiti; lo sara si aga vuko mbinda.

Jérémie 31:35

Tënë so KOTA GBIA atene ayeke so: Zo wa laa azia lâ titene lo su na kota lâ? Zo wa laa amu yanga na nze na atongoro ti su na bi na lege ti ndia ti ala? Zo wa laa ayingi kota ngu-ingo titene *amapo atoto? Ayeke KOTA GBIA so ayeke na ndö ti dunia kue; so iri ti lo laa.

Jérémie 51:20

“Babilone, lani mo yeke martoo, mo yeke ye ti bira ti mbi. Mbi mu mo ti nika amara nde nga ti buba akodro-gbia.

Abia ti demango tere 3:38

Na lege ti tënë ti yanga ti Nzapa so ayeke na yayu kâ na ndö ti aye kue si sioni ye na nzoni ye aga pepe?

Ezekiel 32:8

Ndali ti mo, mbi yeke sara titene aye so kue ayeke su na le ti nduzu avuko vukongo, mbi yeke sara si ndo avuko pitipiti na kodro ti mo. So tënë ti yanga ti Kota Gbia NZAPA laa.

Daniel 2:22

Lo laa lo yeke fa nda ti ye so ali si ahonde. Lo hinga ye so ayeke na vukongo ndo si lumiere akanga tere ti lo kue.

Joël 2:2

Lango ni ayeke lango ti vukongo ndo, lango so ndo avuko pitipiti; lango ti ambinda na lango ti vuko mbinda. Baa, agbadola gbani gbani ayeke ga, ala yeke na ngangu, ala yeke tongana vukongo ndo so ayeke mu ndö ti ahoto kue. Ade zo abaa mara ti ye tongaso laoko pepe, zo ayeke kiri ti baa ni laoko pepe, ngbii asi na azo so ayeke du ala gbanda na peko, yongoro kâ.

Amos 3:6

Tongana a huru didi na ya ti mbeni gbata ti fa tënë ti bira, fade mbeto alingbi ti gbu azo pepe? Tongana kpale asi na ya ti mbeni gbata, *KOTA GBIA laa asara ye ni pepe?

Amos 4:13

Biani, lo laa lo sara akota hoto, lo sara pupu, lo yeke fa na zo aye so lo leke na be ti lo ti sara. Lo yeke sara si lumiere ti ndaperere aga vukongo ndo, lo yeke tambula na ndö ti akota hoto ti sese so: iri ti lo ayeke KOTA GBIA, Nzapa so ayeke na ndö ti dunia kue.

Amos 5:6

Ala gi KOTA GBIA si fade ala duti na fini. Tongaso pepe, fade lo yeke ga tongana wâ na tere ti asewa ti Joseph, wâ ni ayeke gbi ye kue na Betel si zo oko ti mingongo ni ayeke duti daa pepe.

Nahum 1:8

na ndembe so ye ti ngangu ahon ndö ti ala tongana ngu so ayeke sua ngangu. Me lo yeke buba kodro ti awato ti lo si lo yeke tumba ala na ndo so avuko pitipiti.

Awatokua 4:28

Tongaso ala sara ye so kue mo leke kozoni na be ti mo na lege ti ngangu ti mo.

2 Korente 4:6

Nzapa so atene ando, atene: “Ayeke nzoni lumiere aza na ya ti vukongo ndo”, lo wani laa lo za na be ti e titene le ti e azi si e hinga gonda ti lo so ayeke za na ndö ti le ti Christ.

Jacques 1:17

Nzoni ye so kue zo ayeke wara gi senge senge na matabisi so kue ayeke nzoni alondo na yayu, na maboko ti Nzapa, lo so lo sara ye so kue ayeke su na le ti nduzu. Lo yeke sanze pepe, lo yeke yingi pepe si vukongo ndo ayeke na mbage ti lo oko pepe, tongana lo turne tere ti lo.

Jude 1:13

Ala yeke tongana asioni *mapo ti le ti kota ngu-ingo so pupu ayeke yingi ni kirikiri, aye ti kamene ti ala ni ayeke sara tongana *afuru ti ngu. Ala yeke nga tongana ambeni tongoro so ayeke tambula kirikiri; ndo so a leke ndali ti azo ni titene ala duti daa kpu na kpu ayeke na ndo so avuko pitipiti.

Jude 1:6

Ala dabe ti ala na ambeni *a-ange: kota ndo so Nzapa amu na ala, be ti ala anzere na ni pepe; ndo so lo mu na ala titene aga ti ala wani, ala do azia. Tongaso, lo kanga ala na zingiri, lo bata ala kpu na kpu na ya ti vukongo ndo ti ku na kota lango ti fango ngbanga.