Ésaïe 45:6 - Mbeti ti Nzapa - Tënë so amu fini

⁶ Tongaso, ti londo na To asi na Do, azo ayeke hinga atene, mbeni nzapa nde ayeke daa pepe, gi mbi oko. Mbi laa mbi yeke KOTA GBIA, mbeni nde ayeke daa pepe.

Ésaïe 45:6 ပူးပေါင်းရင်းမြစ်များ

Abia (Psaumes) 46:10

Lo kai abira ngbii asi na nda ti sese kue; lo fâ ya ti akokora, lo kungbi ya ti alikongo, lo gbi apusu ti mbarata ti bira.

Abia (Psaumes) 83:18

Ayeke nzoni kamene na mbeto agbu ala lakue lakue. Ayeke nzoni kota kamene agbu ala si ala kui kue!

Ésaïe 11:9

Na ndö ti hoto so kue ayeke nde si ayeke nzoni kue, fade sioni ye na buba ye ayeke duti daa pepe, ngbanga ti so hingango KOTA GBIA ayeke si singo na ya ti kodro ni tongana ti so ngu asi singo na ya ti kota ngu-ingo.

Ésaïe 37:20

Me mo KOTA GBIA, Nzapa ti e, soo e na maboko ti Senakerib; tongaso si akodro-gbia ti sese kue ahinga atene, gi mo oko KOTA GBIA laa mo yeke Nzapa.”

Ésaïe 43:10

Ala laa ayeke azo ti tenengo tënë ti ye so ala hinga na ndö ti mbi, so tënë ti yanga ti *KOTA GBIA laa; ala laa ayeke azo ti kua ti mbi so mbi soro ala. Mbi ye titene ala hinga mbi, ala zia be ti ala na ndö ti mbi si ala hinga biani so mbi yeke Nzapa. Kozo ti mbi, mbeni nzapa oko ayeke daa pepe, na peko ti mbi, mbeni nzapa oko ayeke duti daa pepe.

Ésaïe 44:6

*KOTA GBIA, Gbia ti Israel, lo so lo yeke zi azo ti lo, lo so lo yeke na ndö ti dunia kue, tënë so lo tene ayeke so: “Mbi yeke kozoni, mbi yeke ndangba ni. Mbeni Nzapa nde ayeke pepe, gi mbi oko.

Ésaïe 45:5

Mbi laa mbi yeke KOTA GBIA, mbeni nde ayeke daa pepe. Mbeni Nzapa nde ayeke pepe, gi mbi oko. Ataa so mo hinga mbi pepe, mbi leke mo ndali ti bira.

Ésaïe 47:8

Fadeso, ma tënë so si! Mo wali so mo ye ngia mingi so, mo so mo duti kpoo si mo tene fade na be ti mo, mo tene: “Mbi so, mbeni zo ti lingbi na mbi ayeke daa pepe, gi mbi awe! Mbi yeke ga ande wali-mua pepe, amolenge ti mbi ayeke kui pepe.”

Ésaïe 49:26

Azo so asara ngangu na mo, mbi yeke sara titene ala te kasa ti tere ti ala wani, ala yeke nyon mene ti ala si ahon ndö ti ala tongana zo so anyon fini vin si ahon ndö ti lo. Tongaso, fade azo kue ayeke hinga atene, mbi yeke KOTA GBIA, wasongo mo, wazingo mo, mbi, ngangu Nzapa ti Jacob!”

Ésaïe 59:19

Tongaso, ti londo na To ngbii asi na Do, fade azo ayeke kpe mbeto ti iri ti KOTA GBIA, azo kue ayeke kpe mbeto ti gonda ti lo. Biani, fade lo yeke ga tongana *bale so asua ngangu si pupu ti KOTA GBIA ayeke pusu ni.

Ezekiel 38:23

Tongaso, fade mbi yeke fa na gba ti amara nde so mbi yeke kota, mbi yeke nde si mbi yeke nzoni kue. Tongaso, fade ala yeke hinga atene, mbi laa mbi yeke KOTA GBIA.”

Ezekiel 39:21

“Fade mbi yeke fa gonda ti mbi na popo ti amara nde. Ala kue ayeke baa ngbanga so mbi yeke fâ nga na maboko ti mbi so mbi yeke yoro na ndö ti ala.

Joël 2:27

Tongaso, fade ala yeke hinga atene, mbi yeke na popo ti ala, azo ti Israel, mbi laa mbi yeke KOTA GBIA, Nzapa ti ala; mbeni nzapa nde ayeke daa pepe. Kamene ayeke kiri ti gbu le ti azo ti mbi laoko pepe.”

Malashii 1:11

Biani, ti londo na To ngbii asi na Do, amara nde ahinga so mbi yeke kota. Na ndo kue, azo ayeke zö dukani na mbi, ala yeke ga na asandaga so ayeke *nzoni. Biani, amara nde ahinga so mbi yeke kota. Tënë so KOTA GBIA so ayeke na ndö ti dunia kue atene laa.