Ésaïe 45:23 - Mbeti ti Nzapa - Tënë so amu fini

²³ Mbi deba na iri ti mbi wani, tënë so asigigi na yanga ti mbi ayeke taa-tënë; mbi yeke sanze ye oko daa pepe: fade azo ayeke kuku na gbe ti mbi, azo kue ayeke deba yanga ti ala na iri ti mbi.

Ésaïe 45:23 ပူးပေါင်းရင်းမြစ်များ

Tongo nda ti aye 31:53

Ayeke nzoni Nzapa ti Abraham na Nzapa ti Nahor afâ ngbanga na popo ti mbi na mo.” Tongaso Jacob adeba yanga ti lo na iri ti Nzapa ti Isaac, babâ ti lo, Nzapa so asara ye ti ziango mbeto na be ti azo.

Néhémie 10:29

– Tanga ti azo ni, awayango-sandaga, azo ti mara ti Lévi, asanziri, azo ti hengo bia na azo ti sarango kua ti kota da ti Nzapa, ala na azo so aduti nde na ambeni mara so angba lani na ya ti kodro ni si ala yeke sara ye alingbi na *Ndia ti Nzapa, azo ni kue, ala na awali ti ala na amolenge ti ala ti koli na ti wali, azo so kue alingbi ti ma nda ti tënë,

Abia (Psaumes) 132:2

David laa adeba yanga ti lo na KOTA GBIA; lo mu zendo na ngangu Nzapa ti Jacob, lo tene:

Abia (Psaumes) 63:11

Ayeke nzoni a fâ go ti ala na yongoro zeme si kuâ ti ala aga kobe ti anyama ti gbungo kondo.

Abia (Psaumes) 98:2

KOTA GBIA afa songo benda ti lo na azo kue, lo fa nga mbirimbiri ti lo na le ti amara nde.

Ésaïe 21:17

Na popo ti gba ti azo ti pikango kokora nga na angangu turugu ti Kedar, gi azo kete laa ayeke ngba ande.” Tënë so KOTA GBIA, Nzapa ti Israel atene laa.

Ésaïe 45:19

Mbi tene tënë na hondengo ni pepe, na mbeni ndo na sese so avuko vukongo. Mbi tene na *ahale ti Jacob pepe, mbi tene: Ala gi mbi na ndo so angba senge! Mbi KOTA GBIA, mbi yeke tene tënë ti ye so ayeke mbirimbiri, mbi yeke tene tënë ti ye so ayeke na legeni.”

Ésaïe 48:1

Ala azo ti Jacob, ala ma! Ala so iri ti Israel ayeke na ndö ti ala, ala so a du ala na Juda, ala ma! Ala yeke deba yanga ti ala na iri ti *KOTA GBIA, ala yeke sepela Nzapa ti Israel, me na lege ti taa-tënë pepe nga na lege ti mbirimbiri pepe.

Ésaïe 49:18

Yo le ti mo na nduzu, mo baa ndo na tere ti mo: amolenge ti mo kue abongbi, ala yeke ga na mbage ti mo. KOTA GBIA atene: Fini ti mbi! Amolenge ni ayeke ga ande tongana ye ti go so zo ayeke zia na go ti lo; ala yeke ga tongana pendere kamba ti ndö ti bongo so wali so aye ti mu koli ayeke kanga na ya ti lo.

Ésaïe 55:11

Tënë so ayeke sigigi na yanga ti mbi ayeke legeoko tongaso: tënë ni ayeke kiri na mbi senge pepe, tënë ni ayeke sara ye so mbi ye, tënë ni ayeke sara kua so mbi tokua lo ti sara.”

Ésaïe 60:14

Amolenge ti azo so lani asara ngangu na mo, fade ala yeke ba li ti ala na sese si ala yeke ga na mbage ti mo; azo so lani abaa mo tongana mbumbuse zo, ala yeke ga ti kuku na gbe ti mo. Ala yeke iri mo: “Gbata ti KOTA GBIA”, “*Sion, gbata ti Nzapa ti Israel so ayeke nde si ayeke nzoni kue.”

Ésaïe 61:11

Tongana ti so sese asara si kobe asigigi, tongana ti so yaka asara si le ti kobe so a lu asigigi, legeoko nga, fade KOTA GBIA Nzapa ayeke sara titene mbirimbiri na sepelango lo asigigi na dawa ti amara kue.

Ésaïe 62:8

KOTA GBIA adeba, atene: “Na lege ti maboko ti mbi ti koli nga na ngangu ti mbi, mbi yeke kiri ti zia lege na awato ti mo pepe titene ala te ale ti *ble ti mo. Vin ti mo so mo baa pasi ndali ni so, fade awande ayeke kiri ti nyon ni pepe.

Ésaïe 65:16

Na ya ti kodro, zo so aye ti sara tufa na ndö ti mbeni zo, lo yeke sara ni na iri ti Nzapa so ayeke bata tënë ti yanga ti lo. Zo so aye ti deba yanga ti lo, lo yeke deba yanga ti lo ni na iri ti Nzapa so ayeke bata tënë ti yanga ti lo.” *KOTA GBIA atene: “Aye ti vundu so ahon awe, fade azo ayeke girisa ni; aye ti vundu ni ayeke hon yongoro na le ti mbi.

Jérémie 22:5

Me tongana ala, azo ti Juda, ala ma tënë so pepe – mbi KOTA GBIA, mbi deba na iri ti mbi wani – fade yangbo so ayeke ga ndo ti gba ti atêne; so tënë ti yanga ti KOTA GBIA laa.”

Jérémie 4:2

Tongana mo deba yanga ti mo na lege ti taa-tënë nga na lege ti tënë so ayeke na legeni si ayeke mbirimbiri, mo tene: ‘KOTA GBIA ayeke na fini’, fade amara nde ayeke sara tufa na ndö ti ala wani na lege ti lo si ala yeke pika kate ti ala ndali ni.

Jérémie 49:13

Mbi KOTA GBIA, mbi deba na iri ti mbi wani: Fade Bosra, li-kodro ti mo ayeke ga ngonda, ye ti hengo na ngia, ndo ti gba ti atêne; ayeke ga nga tapande ndali ti azo so ayeke deba amba ti ala. Agbata so ayeke na tere ni ayeke ga ndo ti gba ti atêne kpu na kpu.” So tënë ti yanga ti KOTA GBIA laa.

Amos 6:8

*KOTA GBIA adeba yanga ti lo, atene: “Na iri ti mbi Nzapa, mbi ke na be ti mbi kue baba ti Jacob, be ti mbi ake apendere da ti lo. Fade mbi yeke zia gbata ti Samarii kue na maboko ti awato”; so tënë ti yanga ti KOTA GBIA, Nzapa so ayeke na ndö ti dunia kue laa.

Zakarii 14:9

Fade KOTA GBIA ayeke duti gbia ti sese kue. Na lango ni so, lo yeke duti oko Nzapa so azo ayeke voro lo si ala yeke hinga gi iri ti lo oko.

Wungo ti azo 23:19

Nzapa ayeke zo pepe titene lo tene mvene, lo yeke senge zo ti sese pepe ti duti na yanga use use. Tënë so lo tene, fade lo yeke sara ni pepe? Tënë so lo tene, fade lo yeke sara ye ti peko ni pepe?

Rome 11:4

Me tënë ti nyen laa Nzapa akiri na ni na lo? Nzapa atene: “Azo saki mbarambara ayeke daa, mbi bata ala ndali ti mbi wani, ala yeke azo so ake ti kuku na gbe ti nzapa *Baal.”

Ndia ti fani use ni 6:13

Fade ala yeke kpe mbeto ti KOTA GBIA Nzapa ti ala, ala yeke voro gi lo oko si ala yeke deba yanga ti ala gi na iri ti lo.

Filipe 2:10

Tongaso, ala so ayeke na yayu, ala so ayeke na sese, ala so ayeke na gbe ti sese akuku na likunu ti ala ti gonda iri ti Jésus