Ésaïe 45:19 - Mbeti ti Nzapa - Tënë so amu fini

¹⁹ Mbi tene tënë na hondengo ni pepe, na mbeni ndo na sese so avuko vukongo. Mbi tene na *ahale ti Jacob pepe, mbi tene: Ala gi mbi na ndo so angba senge! Mbi KOTA GBIA, mbi yeke tene tënë ti ye so ayeke mbirimbiri, mbi yeke tene tënë ti ye so ayeke na legeni.”

Ésaïe 45:19 ပူးပေါင်းရင်းမြစ်များ

1 Mbai 28:8

Ti fadeso, na le ti azo ti Israel kue, na le ti bongbi ti azo ti KOTA GBIA nga na le ti Nzapa ti e, ayeke nzoni ala, a-ita ti mbi, ala bata andia kue ti KOTA GBIA, Nzapa ti ala. Tongaso si ala yeke ngba na nzoni kodro so si ala yeke zia ni titene aga ti amolenge ti ala kpu na kpu.

2 Mbai 15:2

Lo gue, lo wara Asa si lo tene na lo: “Gbia Asa, mo na azo ti Juda nga na azo ti Benjamin kue, ala ma mbi si! *KOTA GBIA ayeke na ala, tongana ala yeke na lo. Tongana ala gi lo, fade lo yeke zi lege na ala ti wara lo; me tongana ala zia lo, fade lo nga lo yeke zia ala.

2 Mbai 7:14

tongana azo ti mbi so a di iri ti mbi na ndö ti ala asara tere ti ala kete, ala sambela mbi, ala gi le ti mbi si ala zia sioni lege ti sarango ye ti ala, mbi so mbi yeke na yayu kâ, fade mbi yeke ma sambela ti ala, mbi yeke zi siokpari na li ti ala si mbi yeke sara titene kodro ti ala aga nzoni.

Esdras 8:22

Tongana mbi hunda fade na gbia titene lo mu na e aturugu na azo ti kpengo na ambarata titene ala bata e na lege ndali ti awato ti e, ka kamene asara mbi. Biani, lani e tene na gbia, e tene: “Maboko ti Nzapa ti e ayeke na ndö ti azo so kue ayeke gi lo; me ngonzo ti lo ayeke londo ngangu na tere ti azo so azia lo.”

Abia (Psaumes) 12:6

KOTA GBIA atene: “Ndali ti so a sara ngangu na azo so ye atia ala si azo ti mawa ayeke toto mingi, mbi yeke londo fadeso ti ga. Mbi yeke ga ti zi ala na ya ti aye ti ngangu, ala so azo abaa ala tongana mbumbuse ye so.”

Abia (Psaumes) 24:6

So ayeke taa azo so ayeke gi Nzapa laa! Ala so ayeke gi le ti lo, so ayeke taa mara ti Jacob laa! Luti kete

Abia (Psaumes) 69:13

Azo so aduti na ndö ti akota balabala ayeke diko tënë na tere ti mbi, azo ti nyongo samba ayeke he bia na iri ti mbi.

Abia (Psaumes) 69:32

Baa ye so anzere na be ti KOTA GBIA laa, anzere ahon bagara so mbi lingbi ti mu na lo, wala koli-bagara so adidi ti lo na asokoto ti gere ti lo ayeke daa.

Abia (Psaumes) 78:34

Lakue tongana Nzapa ayeke fâ ambeni, atanga ni ayeke gi lo, ala yeke kiri na mbage ti lo;

Abia (Psaumes) 9:10

KOTA GBIA ayeke tongana ngangu gbagba so ayeke bata azo so a sara ngangu na ala; lo yeke tongana ngangu gbagba so ayeke bata azo na ngoi ti aye ti ngangu.

Amato 1:21

Lo iri ndo na ndo so azo abongbi daa gbani gbani. Lo to mbela na atënë ti lo na ndo so azo ti gbata ayeke leke ka atënë ti ala daa, lo tene:

Amato 15:8

Be ti KOTA GBIA ake mingi *sandaga ti azo ti sioni; me be ti lo anzere na sambela ti azo ti mbirimbiri.

Amato 30:5

“Atënë ti Nzapa kue ayeke taa-tënë. Nzapa ayeke tongana *vala ndali ti azo so akpe na lo ti bata tere ti ala.

Amato 8:6

Ala ma mbi si, mbi yeke na mbeni kota tënë ti tene na ala; mbi yeke tene tënë so polele.

Ésaïe 1:15

Tongana ala yoro maboko ti ala na nduzu ti sambela, mbi yeke bi le ti mbi na ngonda. Ataa ala sambela tongana nyen, mbi yeke ma ala pepe, ngbanga ti so maboko ti ala atuku mene mingi.

Ésaïe 43:12

Mbi laa mbi soo azo na kuâ, mbi laa mbi fa tënë ni, mbi sara si ala hinga tënë ni. Na ndo ti ala, a yeke wara mbeni nzapa nde pepe, gi mbi oko. Ala laa ayeke azo ti tenengo tënë ti ye so ala hinga na ndö ti mbi atene, mbi yeke Nzapa, so tënë ti yanga ti KOTA GBIA laa.

Ésaïe 44:8

Ala azo ti mbi, ala sara mbeto pepe, tere ti ala ado pepe! Mbi tene tënë so na ala ngbene ye giriri, mbi fa ni na ala, ala hinga awe. Ala laa ayeke azo ti tenengo tënë ti ye so ala hinga na ndö ti mbi. Mbeni Nzapa nde ayeke daa? Gi mbi oko pepe? Mbeni Kota Têne nde so aluti ngangu ayeke daa pepe; mbi hinga mbeni oko pepe.”

Ésaïe 45:23

Mbi deba na iri ti mbi wani, tënë so asigigi na yanga ti mbi ayeke taa-tënë; mbi yeke sanze ye oko daa pepe: fade azo ayeke kuku na gbe ti mbi, azo kue ayeke deba yanga ti ala na iri ti mbi.

Ésaïe 45:25

Me na lege ti KOTA GBIA, *ahale ti Israel kue ayeke ga mbirimbiri, ala yeke pika kate ti ala ndali ni.

Ésaïe 48:16

Ala ga nduru na mbi, ala ma tënë so: Ngbene ye na tongo nda ni, mbi tene tënë na hondengo ni pepe. Na ngoi so aye ni so asi, mbi yeke daa. Fadeso, Kota Gbia NZAPA atokua mbi, lo mu na mbi yingo ti lo.

Ésaïe 63:1

Zo wa laa alondo na Edom, na li-kodro ti Bosra si lo yeke ga, abengba ye ayeke na tere ti bongo ti lo so? Lo yu kota bongo, lo suku kate ti lo si lo yeke tambula, lo hinga lo tene, ni yeke na ngangu. *KOTA GBIA atene: “Mbi laa! Mbi yeke ga ti fâ ngbanga mbirimbiri, mbi yeke na ngangu ti soo ala.”

Ésaïe 65:9

Fade mbi yeke mu *ahale na azo ti Jacob, mara ti Juda. Ala yeke mu ahoto ti mbi ti ga ye ti ala; ala so mbi soro ala, ala yeke mu ni titene aga ye ti ala, azo ti kua ti mbi ayeke duti kâ.

Ésaïe 8:19

Ambeni zo ayeke tene: “Ala gue, ahunda yingo ti akuâ nga na azo so ayeke fa ye so ayeke si kekereke, azo ni ayeke huru yanga ti ala si ala yeke tene tënë na gbe ti go ti ala. Mbeni mara alingbi ti gue ti baa anzapa ti lo pepe? Ala lingbi ti tene tënë na akuâ ndali ti azo so ade na fini pepe?” Tongana azo ni atene na ala amara ti tënë tongaso,

Jérémie 2:31

– Ala, azo ti fadeso, ala ma tënë ti KOTA GBIA mbirimbiri! – Ala, azo ti Israel, mbi ga tongana benyama ndali ti ala? Wala kodro so ndo avuko daa pitipiti? Ala, azo ti mbi, ndani nyen si ala yeke tene: ‘E yeke gue na ndo so be ti e aye, e yeke kiri na mo mbeni pepe’ so?

Amos 5:4

Tënë so *KOTA GBIA atene na azo ti Israel ayeke so: “Ala gi mbi si fade ala duti na fini.

Jean 18:20

Jésus akiri tënë, atene: “Mbi yeke fa ye na azo kue polele; lakue mbi yeke fa ye na ya ti ada ti sambelango Nzapa nga na ya ti kota da ti Nzapa, na ndo so azuife kue ayeke bongbi daa. Mbi tene mbeni tënë na hondengo ni pepe.

Jean 7:26

Baa, lo yeke tene tënë na le ti azo kue, me mbeni zo ti zi yanga na lo ayeke daa pepe! Amakonzi ti e ayeda biani awe atene, lo yeke *Mesii?

Jean 7:28

Jésus ayeke fa ye na ya ti kota da ti Nzapa si lo tene tënë na kota go, lo tene: “Ala hinga mbi biani? Ala hinga ndo so mbi londo daa biani? Mbi ga na iri ti mbi wani pepe. Lo so atokua mbi, lo lingbi titene zo azia be ti lo na ndö ti lo; me ala hinga lo pepe.

Ndia ti fani use ni 32:4

Nzapa ayeke Kota Têne ti batango e. Aye so kue lo sara ayeke nzoni kue, lege ti sarango aye ti lo kue ayeke mbirimbiri. Lo yeke Nzapa so ayeke sara ye alingbi na tënë ti yanga ti lo, lo yeke sara ye ti kirikiri pepe, lo yeke lakue mbirimbiri, lo yeke fâ ngbanga na legeni.

Jacques 4:3

Tongana ala hunda mbeni ye, ala yeke wara ni pepe, ngbanga ti so ala hunda na legeni pepe, me ala hunda ni ti buba gi na lege ti anzara ti be ti ala.