Ésaïe 45:17 - Mbeti ti Nzapa - Tënë so amu fini

¹⁷ Me KOTA GBIA asoo azo ti Israel, lo soo ala ndali ti lakue lakue. Fade kamene ayeke sara ala pepe, kamene ayeke gbu le ti ala pepe lakue lakue, kpu na kpu.

Ésaïe 45:17 ပူးပေါင်းရင်းမြစ်များ

Abia (Psaumes) 103:17

Me nzoni be ti KOTA GBIA angba ngbene ye kpu na kpu, lakue lakue ndali ti azo so akpe mbeto ti lo. Lo ngba ti sara ye ti mbirimbiri na amolenge ti amolenge ti ala,

Abia (Psaumes) 25:3

Azo so azia be ti ala ti ku mo, kamene ayeke gbu ka ala pepe. Me ala so aka mo senge senge, ala laa kamene ayeke gbu ala.

Ésaïe 12:2

Baa, Nzapa, wasongo mbi laa; mbi zia be ti mbi na ndö ti lo, mbeto ayeke kiri ti sara mbi pepe. Biani, KOTA GBIA laa ayeke ngangu ti mbi, lo laa mbi yeke he bia na lo, lo laa lo soo mbi.”

Ésaïe 26:4

Ala zia be ti ala na ndö ti KOTA GBIA lakue lakue, ngbanga ti so KOTA GBIA ayeke tongana kota têne so aluti kpu na kpu.

Ésaïe 29:22

Ndani laa, tënë so KOTA GBIA atene na azo ti Jacob, lo so lo soo Abraham ayeke so: “Fadeso, kamene ayeke kiri ti sara azo ti Jacob pepe, kamene ayeke kiri ti gbu le ti ala pepe.

Ésaïe 33:6

Ti ala azo ti KOTA GBIA, na ya ti fini ti ala, mbeni ye ti sioni alingbi ti si na ala pepe. Dutingo na ndara na hingango Nzapa ayeke nzoni ye so ayeke soo ala; kpengo mbeto ti KOTA GBIA, so mosoro ti ala laa!

Ésaïe 45:25

Me na lege ti KOTA GBIA, *ahale ti Israel kue ayeke ga mbirimbiri, ala yeke pika kate ti ala ndali ni.

Ésaïe 49:23

Agbia ayeke ga ababâ ti batango ala, amolenge ti agbia ti wali ayeke ga amama ti batango ala. Agbia ni ayeke kuku, akpo li ti ala na sese na dawa ti mo, ala yeke su sese so ayeke na tere ti gere ti mo. Tongaso fade mo yeke hinga, mo tene: mbi yeke KOTA GBIA; azo so azia be ti ala na ndö ti mbi, kamene ayeke gbu le ti ala pepe.”

Ésaïe 50:7

Kota Gbia NZAPA laa ayeke mu na mbi maboko, ndani laa zongango ndo ti ala asara ye oko na mbi pepe. Mbi sara si ndö ti le ti mbi akpengba tongana têne. Mbi hinga, mbi tene, fade kamene ayeke sara mbi pepe.

Ésaïe 51:6

Ala yo le ti ala, ala baa ndo na yayu, na pekoni, ala baa ndo na sese: fade yayu ayeke hon tongana guru ti wâ, sese ayeke buba tongana gbagba bongo, azo ti ndö ti sese ni ayeke kui tongana avuma. Me zingo azo ayeke ngba kpu na kpu, songo azo so mbi yeke ga ti soo ala ayeke ngba lakue lakue.

Ésaïe 51:8

Fade kangi ayeke te ala tongana ti so lo yeke te bongo, kangi ayeke te ala tongana ti so lo yeke te bongo so a sara na kua ti tere ti taba. Me songo so mbi yeke ga ti soo azo na kuâ ayeke ngba lakue, zingo azo ayeke ngba kpu na kpu.”

Ésaïe 54:4

Sara mbeto pepe, ngbanga ti so kamene ayeke kiri ti sara mo pepe. Sara kamene pepe, ngbanga ti so azo ayeke kiri ti zonga mo pepe. Kamene so ando mo ngba maseka si ayeke sara mo so, fade mo yeke girisa ni. So lani mo yeke wali-mua si azo ayeke zonga mo so, fade mo yeke girisa zongango ndo ni.

Ésaïe 54:8

Ngonzo asara mbi lani mingi na tere ti mo, na mbeni kete ngoi, mbi ke ti baa mo na le ti mbi. Me na lege ti ndoye so angba lakue lakue, mbi yeke baa mawa ti mo. Mbi KOTA GBIA, mbi so mbi zi mo, mbi laa mbi tene tënë so na mo.”

Ésaïe 60:19

Fadeso, na kota lâ, sungo ti lâ laa ayeke kiri ti mu lumiere na mo pepe, na bi, sungo ti nze laa ayeke kiri ti mu lumiere na mo pepe. Me mbi KOTA GBIA, Nzapa ti mo laa, mbi yeke ga lumiere ti mo lakue lakue. Vurungo ndo ti mbi ayeke su na ndö ti mo.

Jérémie 31:3

Yongoro kâ, KOTA GBIA asi na mbi, lo tene: ‘Mbi ye mo na ndoye so angba lakue lakue, ndani laa mbi ngba ti sara nzoni be na mo.

Jérémie 33:16

Na lango ni so, fade a yeke soo kodro-gbia ti Juda si mbeni ye ti sioni ti si na Jérusalem ayeke duti daa pepe. Iri so fade azo ayeke iri na lo laa: ‘KOTA GBIA ayeke mbirimbiri ti e.’ ”

Osée 1:7

Me ti azo ti Juda, fade mbi yeke ngba ti ye ala. Mbi wani, KOTA GBIA Nzapa ti ala, mbi yeke soo ala; mbi yeke soo ala na lege ti kokora pepe, wala na lege ti yongoro zeme pepe, wala na lege ti bira pepe, wala na lege ti ambarata pepe, wala na lege ti azo ti kpengo na mbarata pepe.”

Jonas 2:9

Azo so ayeke voro asenge senge nzapa so, ala ke lege ti nzoni be so mo sara na ala.

Sofonii 3:11

“Na lango ni so, ala azo ti mbi, asioni ye so kue ala sara, aye so ala sara ti ke mbi, fade kamene ni ayeke kiri ti sara ala pepe. Biani, na lango ni so, azo ti kirikiri so baba ahon ndö ti ala, mbi yeke zi ala na popo ti ala, azo ti mbi. Tongaso si ala zia lege ti sarango kuru baba na ndö ti hoto ti mbi so ayeke nde si ayeke nzoni kue.

Jean 10:28

Mbi yeke mu na ala fini so angba lakue lakue; ala yeke kui ande laoko pepe, zo oko alingbi ti gboto ala na maboko ti mbi pepe.

Jean 5:24

“Biani, mbi tene na ala taa-tënë: zo so ama tënë ti mbi si lo ma na be na lo so atokua mbi, lo yeke na fini so angba lakue lakue. A yeke fâ ngbanga na li ti lo pepe, me lo sigigi na ya ti kuâ awe si lo yeke na fini.

Jean 6:40

Ye so be ti Babâ ti mbi aye ayeke so: zo so kue abaa Molenge ni si ama na be na lo, lo yeke na fini so angba lakue lakue; fade mbi, mbi yeke zingo lo na kuâ na lango ti ndani.”

Rome 10:11

Mbeti ti Nzapa atene: “Zo so ama na be na lo, fade kamene ayeke sara lo pepe.”

Rome 11:26

Tongaso laa, fade a yeke soo azo ti Israel kue na kuâ, tongana ti so Mbeti ti Nzapa atene: “Fade zo ti zingo azo ayeke londo na *Sion ti ga, lo yeke zi asioni kue na popo ti azo ti mara ti Jacob.

Rome 8:1

Fadeso, azo so aga oko na Jésus Christ awe, ngbanga ayeke na li ti ala mbeni pepe.

Rome 9:33

tongana ti so Mbeti ti Nzapa atene: “Baa, mbi zia na ya ti gbata ti *Sion mbeni têne so asara si zo aye ti ti; kota têne so ayeke kinda zo. Me zo so ama na be na lo, fade kamene ayeke sara lo pepe.”

2 Tesalonike 2:16

Nzapa Babâ ti e aye e. Na lege ti nzoni be ti lo, lo mu ngangu na be ti e si angba lakue lakue, lo mu na e nzoni ye so e zia be ti e daa ti ku. E hunda na lo nga na Kota Gbia ti e Jésus Christ

Ahebro 5:9

So lo sara aye so kue lo lingbi fade ti sara awe, Jésus aga zo ti songo azo so kue ayeke ma yanga ti lo si lo yeke sara titene ala duti na fini lakue lakue.

1 Pierre 2:6

Biani, na ya ti Mbeti ti Nzapa, a tene: “Ala baa, mbi soro mbeni têne ti ngangu ngere si mbi zia ni na gbata ti *Sion; têne ni ayeke ngangu têne ti gere ti da. Zo so azia be ti lo na ndö ti têne ni, fade kamene ayeke gbu lo pepe.”

1 Jean 4:15

Zo so atene na yanga ti lo atene, Jésus ayeke Molenge ti Nzapa, lo na Nzapa angba ti duti oko biani.