Ésaïe 45:16 - Mbeti ti Nzapa - Tënë so amu fini

¹⁶ Azo so ayeke leke ayanda, kamene ahon ndö ti ala, kamene agbu le ti ala. Ala ba li ti ala na sese na kamene si ala yeke hon.

Ésaïe 45:16 ပူးပေါင်းရင်းမြစ်များ

Abia (Psaumes) 97:7

Azo so kue ayeke voro ayanda, ayeke nzoni kamene agbu le ti ala! Azo so ayeke pika kate ti ala ndali ti abuba yanda ni, ayeke nzoni kamene agbu le ti ala! Ala anzapa kue, ala kuku na gbe ti KOTA GBIA!

Ésaïe 41:19

Na benyama, fade mbi yeke lu mara ti akeke nde nde, akota ni na akete ni. Ando so ngu ayeke daa pepe, mbi yeke lu na ndo oko mara ti akeke nde nde.

Ésaïe 42:17

Azo so azia be ti ala na ndö ti ayanda si ala yeke tene na anzapa so a kporo wen si a sara na ni, atene: ‘Ala laa ayeke anzapa ti e’, fade azo ni so ayeke kiri na peko, kamene ayeke hon ndö ti ala.”

Ésaïe 44:11

Azo so kue amu peko ti ayanda ni, fade kamene ayeke gbu le ti ala. Azo ti kode so asara ayanda ni, ala yeke gi asenge zo. Ayeke nzoni ala kue abongbi tere, ala ga aluti: fade mbeto ayeke hon ndö ti ala, kamene ayeke sara ala kue!

Ésaïe 44:9

Azo so ayeke leke ayanda, ala kue ayeke ye oko pepe. Alimo ti anzapa so ala mu nengo na ala so ayeke sara ye oko na ala pepe. Ayanda ni alingbi fade ti baa ye so azo ni ayeke sara, me ala yeke baa ndo pepe, ala hinga ndo pepe, ala yeke zia kamene na le ti azo ni.

Ésaïe 45:20

Ala, amara nde so angba na fini, ala bongbi tere ti ala, ala ga! Ala ga legeoko. Azo so ayeke yo ayanda ti ala ti keke, ala so ayeke sambela nzapa so alingbi ti soo zo pepe, ala hinga ndo pepe.

Jérémie 48:13

Fade Kemosh, nzapa ti Moab ayeke bi kamene na le ti lo tongana ti so Betel, nzapa ti Israel abi kamene na le ti lo. Andaa Israel azia ando be ti lo kue na ndö ti nzapa ni so.